என்னாலே நீ கெட்டாய்..., உன்னாலை நான் கெட்டேன்..!

by **அ.இராமநாதன்** Tue Feb 05, 2013 7:16 pm

[You must be registered and logged in to see this image.]--
இரண்டு கைராசிக்கார திருடர்கள்,
ஒரு வைர வியாபாரியிடம் இருந்து பெருமளவிலான மிகப்பெறுமதி
வாய்ந்த வைரங்களையும் கற்களையும் திருடிக்கொண்டு, ரெயிலில்
ஏறி குறிப்பட்ட ஒரு இடத்திற்கு சென்றுகொண்டிருந்தனர்.
-
அவர்கள் இருவரும் ஏறிய காம்பவுண்டுக்குள் ஒரு நாடக்குழு சென்று
கொண்டிருந்தது. இவர்கள் ரெயிலில் ஏறி போகும் விடயம் எப்படியோ
போலிஸாருக்கு தெரிந்து
-
அடுத்த ஸ்டேசனில் இவர்களை பிடிக்க போலிஸார் ஆயத்தமாக
இருந்தனர். தூரத்தில் ரெயில் வரும்போதே போலிஸாரை பார்த்துவிட்ட
திருடர்கள் அந்த நாடகக்குழுவினரிடமிருந்த முனிவர்கள் வேடமிடும்
இரண்டு உடைகளை அணிந்து முனிவர்களாகவே மாறியிருந்தனர்.
-
ஒருவன் தனது ஜடாமுடியினுள் வைரத்தை ஒளித்துவைத்தான்,
மற்றவன் முனிவர் கையில் வைத்திருக்கும் செம்புக்குள் வைரங்களை
ஒளித்துவைத்திருந்தான்.
-
சோதனை போட்டுக்கொண்டு வந்த போலிஸார் இவர்களிடம் வந்ததும்,
இவர்கள் உண்மையான சுவாமிகள் என நினைத்து ஜடாமுடிக்குள்
வைரத்தை வைத்திருந்தவனிடம் ஆசீர்வதம் பெற்றனர்.
-
முனிவர் என்றால் ஏதாவது சொல்லவேண்டும் அல்லவா? அவனும்
“அரகரா செம்பச்சோதி” என்று சொல்லிவிட்டு மற்ற திருடனைப்
பார்த்து கண்ணடித்தான்.
-
மற்றவன் திடுக்கிட்டான்!! என்னடா இவன் செம்பை சோதிக்க
சொல்கின்றான்!! ஏனெனில் மற்றவன் செம்பில் அல்லவா வைரங்களை
ஒளித்துவைத்திருந்தான்! போட்டாடா குடுக்கிறாய்!!! என்று மனதுக்குள்
நினைத்துக்கொண்டு போலிஸார் தன்னிடம் வந்தபோது “அரகரா
சடையச்சோதி” என்றான் மற்ற திருடனைப்பார்த்தவாறு..
-
பிறகு என்ன இருவருமே போலிஸாரிடம் பிடிபட்டதுதான் மிச்சம்.
-
========================================