எழுத்து இணையதளத்தில் பொங்கல் கவிதைப் போட்டியில் முதலிடம் பெற்ற எனது கவிதை.

by **பார்த்திபன்** Thu Feb 07, 2013 7:22 pm

எழுத்து இணையதளத்தில் பொங்கல் கவிதைப் போட்டியில் முதலிடம் பெற்ற எனது கவிதை.

உழவும் உழவனும் மரணத்தின் விளிம்பிலே!

விவசாய நிலமெல்லாம்
வீட்டுமன ஆகுதடா!
வெள்ளாம செஞ்ச கூட்டம்
வேற பக்கம் ஓடுதடா!

ஆன கட்டிப் போரடிச்ச
அந்தக் காலம் போனதடா! - இப்ப
ஆறு மூட்ட வெளச்சலுக்கே
ஆண்டியாத்தான் போனமடா!

காவேரி கனவு எல்லாம்
கானல் நீராப் போனதடா!
கடைசிவரைக்கும் மின்சாரமும்
கண்ணாமூச்சி காட்டுதடா!

நம்பி நட்ட நடவெல்லாம்
நாசமாத்தான் போனதடா!
தண்ணி கெடந்த கெணத்துல - இப்ப
தவள செத்துக் கெடக்குதடா!

வயலோடு சேர்ந்து எங்க
வாழ்க்கையுந்தான் காயுதடா!
வறண்டு போன பயிரயெல்லாம் - நாங்க
வளர்த்த மாடு மேயுதடா!

குறுவைக்குன்னு வாங்குன கடன்
குட்டி போட்டு நிக்குதடா! - இப்ப
சம்பாப் பயிரும் சாம்பலாகி
சாகச் சொல்லி நெருக்குதடா!

-நிலவை.பார்த்திபன்

பாராட்டுக்கள் அண்ணே [You must be registered and logged in to see this image.]

by **பார்த்திபன்** Mon Feb 11, 2013 7:55 pm

தமிழ்த்தோட்டம் (யூஜின்) wrote:பாராட்டுக்கள் அண்ணே [You must be registered and logged in to see this image.]

நன்றி யூஜின்!

by **கலைநிலா** Mon Feb 11, 2013 8:23 pm

காவேரி கனவு எல்லாம்
கானல் நீராப் போனதடா!
கடைசிவரைக்கும் மின்சாரமும்
கண்ணாமூச்சி காட்டுதடா! மிக்க மகிழ்ச்சி

by **அ.இராமநாதன்** Mon Feb 11, 2013 8:59 pm

‘எதிர்காலத்தில் ஃபெராரி கார்களில் செல்லும் தகுதி
விவசாயிக ளுக்கு மட்டுமே இருக்கப் போ கிறது’ என்று சொல்கிறார் சந் தை வல்லுநரான ஜிம் ரோஜர்.
-
[You must be registered and logged in to see this image.]