சிரிப்பு ஒரு டானிக்

by **அ.இராமநாதன்** Mon Feb 11, 2013 3:08 pm

- ஜி.ஆர். சுப்பிரமணியன், மதுரை

-

வாய் விட்டுச் சிரித்தால் நோய் விட்டுப் போகும் என்பார்கள்.
உண்மைதான். சிரிக்கும் போது மனதில் ஒரு மகிழ்ச்சியான
கலகலப்பான உணர்ச்சி ஏற்படுகிறது. இதனால் உடலில்
ஆரோக்கியமான ரசாயனங்கள் (HEALTHY ENZYMES)
உற்பத்தியாவதால் அது நோயைத் தீர்க்கும் மருந்தாகிறது.

சிரித்துக் கொண்டே வாழ்க்கை வாழ்வது நோய்கள் வராமல்
தடுப்பதுடன் வந்த நோய்கள் விரைவில் குணமாவதாக
ஆராய்ச்சி மூலம் கண்டறிந்துள்ளனர்.

“கடுவன் பூனையாக” முகத்தை இறுக்க மாக வைத்துக்
கொண்டிருந்தால், அதனால் டென்ஷன் அதிகமாகி பல
தொந்திரவுகள் ஏற்படுகின்றன. சிரிப்பதால் நமது மன
வேதனையும் குறைகிறது. மனம் லேசாகிறது.

சார்லி சாப்ளின் பிரபல நகைச்சுவை நடிகர்.
அவரது வாழ்க்கையில் எத்தனையோ சோகங்கள் இருந்தாலும்
திரையில் நகைச்சுவை பாத்திரமேற்று அவர் தோன்றும் போது,
யாராலும் சிரிக்காமல் இருக்க முடியாது.

திரைப் படங்கள், டி.வி சீரியல்களில் கதைப் போக்குடன்
நகைச்சுவை பகுதியும் இருப்பதால்தான் போர் அடிக்காமல்
கதையை ரசிக்க முடிகிறது.

சிரிப்பு ஒரு டானிக் என்பதால் தான் பல மருத்துவமனைகளில்
குழந்தைகளின் பொக்கை வாய்ச் சிரிப்புடன் கூடிய படங்களை
மாட்டி வைத்திருக்கிறார்கள்.

ஒரு நாள் காலைப் பொழுதில் ஒரு அரை மணிநேரம் நம்முடைய
மனநிலை எப்படி இருக்கிறதோ, அதை ஒட்டிதான் நாள்
முழுவதும் நகருகிறது.

எந்தக் காரணம் இருந்தாலும் சரி, இல்லாவிட்டாலும் சரி,
காலையில் ஒரு அரை மணிநேரம் சிரித்துக் கழித்தால் டென்ஷன்
இருப்பதில்லை என்பது ஆராய்ச்சி பூர்வமாக நிரூபித்துள்ளார்கள்.
இதை ஒட்டிப் பெரிய, பெரிய நகரங்களில் நடையாளர்கள் கிளப்
(WALKERS CLUBS) போல சிரிப்பு கிளப்புகள்
(HUMUROUS CLUBS) ஆரம்பித்திருக்கிறார்கள்.

20, 30 பேர் வட்டமாக பூங்காக்களில் அமர்ந்து ஒரு அரை மணி
நேரம் வாய்விட்டுச் சிரிக்கப் பழகுகிறார்கள். இதனால் நல்ல
பலன் இருப்பதாக அவர்கள் கூறுகிறார்கள். இப்போது எல்லா
நகரங்களிலும் சிரிப்பு கிளப்புகள் வந்து கொண்டிருக்கின்றன.

சில பேச்சாளர்கள் நகைச்சுவையுடன் பேசுவதால், அவர்களது பேச்சு
நமக்கு ஒரு மனமகிழ்ச்சியைத் தருகிறது. போர் அடிக்காமல்
அவர்களது பேச்சைக் கேட்க முடிகிறது.

எப்படி அரை மணி நேரம் சிரிக்க முடிகிறது என்பதற்கு முதலில்
சிறிது நேரம் சிரிப்பதுபோல பாவனை செய்ய வேண்டும். பிறகு
மற்றவர்களுக்கும் இந்தச் சிரிப்பு தொற்றிக் கொண்டுவிடும்.

பெரிய, பெரிய தியான நிலையங்களில் அழுகை தியானம், சிரிப்புத்
தியானம் போன்றவை நடந்து வருகின்றது. அந்தத் தியானத்தில்
முக்கால் மணி நேரம் முதல் ஒருமணி நேரம் வரை சும்மா
சிரித்துக்கொண்டே இருக்க வேண்டும். பிறகு ஒரு பத்து நிமிடம்
சாந்தி ஆசனம் போல ஓய்வு எடுத்துக் கொள்ள வேண்டும்.

உலகம் என்ன சொன்னாலும் அதைப் பற்றிக் கவலைப்படாமல்,
இந்தத்தியானம் கைகூடி வரும் வரை சிரிக்கப்பழக வேண்டும்.
உலகத்துக்குப் பயந்து பயந்து தானே, எங்கே சிரித்தால் நம்மைப்
பயித்தியக்காரன் என்று சொல்லிவிடுவார்களோ என்ற கூச்சத்தால்,
சிரிக்காமல் டென்ஷன் உருவாகி, அவதிப்படுகிறோம்.

ஆகவே, அடுத்தவர்களைப் பற்றிக் கவலைப்படாமல் வாய் விட்டுச்
சிரியுங்கள். நிம்மதி அடையுங்கள்.

குழந்தைகளின் மழலைச் சிரிப்பில் மயங்காதவர்கள் யார்?
சிரிக்கக் காசு பணமா வேண்டும்? காலையில் எழுந்து கண்ணாடியில்
பார்த்துக் கொண்டு சும்மா சிரிப்பது போல பாவனை செய்யுங்கள்.

கண்ணாடியில் தெரியும் உங்கள் முகத்தைக் கண்டாலே
உங்களுக்கே சிரிப்பு வரும். நன்றாகச் சிரியுங்கள் அப்படியே
பத்து நிமிடம் நீடிக்க விட்டு, விட்டுப் பின்பு மற்ற வேலைகளைக்
கவனித்துப் பாருங்கள். வழக்கமான “கடி” இருக்காது.
-
========================================

நன்றி
தன்னம்பிக்கை மாத இதழ்

by **அச்சலா** Tue Feb 12, 2013 11:47 am

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

சிரிப்பு ஒரு டானிக்

சிரிப்பு ஒரு டானிக்

Re: சிரிப்பு ஒரு டானிக்

Re: சிரிப்பு ஒரு டானிக்

Re: சிரிப்பு ஒரு டானிக்