புதுடில்லி: சரண் அடைவதற்கு, கூடுதல் கால அவகாசம் கோரி, பாலிவுட் நடிகர் சஞ்சய் தத் தாக்கல் செய்த மனு மீதான விசாரணையில் , 4 வார காலம் அவகாசம் அளித்து சுப்ரீம் கோர்ட் அனுமதி அளித்தள்ளது.
மும்பையில், 1993ல் தொடர் குண்டு வெடிப்புகள் நிகழ்ந்தன. இதில், 250க்கும் மேற்பட்டோர், உயிரிழந்தனர். இந்த வழக்கில், சட்ட விரோதமாக, துப்பாக்கி வைத்திருந்ததாக, பாலிவுட் நடிகர் சஞ்சய் தத் கைது செய்யப்பட்டு, பின், ஜாமினில் விடுவிக்கப்பட்டார். இந்த வழக்கில், அவருக்கு, ஐந்தாண்டு சிறைத் தண்டனை விதித்து, சுப்ரீம் கோர்ட், கடந்த மார்ச் 21-ம் தேதி உத்தரவிட்டது. "ஏற்கனவே, 18 மாதங்கள் சிறையிலிருந்துள்ளதால், மீதமுள்ள தண்டனை காலத்தை அனுபவிப்பதற்காக, வரும் 18ம் தேதிக்குள் (நாளை), கோர்ட்டில் சரண் அடைய வேண்டும்' என, சஞ்சய் தத்துக்கு சுப்ரீம் கோர்ட் உத்தரவிட்டது.
4 வார கால அவகாசம்
இந்நிலையில், தற்போது சில படங்களில் நடித்து வருவதாகவும், இதன் படப்பிடிப்புகளில் பங்கேற்க வேண்டியுள்ளதால், சரண் அடைவதற்கு, ஆறு மாதங்கள் அவகாசம் வேண்டும் என்றும், சஞ்சய் தத், சுப்ரீம் கோர்ட்டில், மனு தாக்கல் செய்திருந்தார்.இந்த மனு, நீதிபதிகள், சதாசிவம், சவுகான் ஆகியோர் அடங்கிய பெஞ்ச் முன், இன்று விசாரணைக்கு வந்தது, " இந்த வழக்கில், சி.பி.ஐ. தரப்பில் , கால அவகாசம் நீட்டிக்க எதிர்ப்பு தெரிவித்தனர். இன்று நடந்த விசாரணையின் , கால அவகாசம் கோர அரசியல் சட்டத்தில் உரிமை உள்ளது என நீதிபதிகள் கூறினர். இதையடுத்து சஞ்சய் தத்தின் மனுவை ஏற்று, மனிதாபிமான அடிப்படையில் 4 வார கால அவகாசம் அளிப்பதாக கூறினர்.
கால அவகாசம் கொடுக்கப்பட்டது ஏன் ?
இந்த வழக்கில் நேற்று கால அவகாசம் கோரி தாக்கல் செய்த மூன்று பேரின் மனுக்கள் நிராகரிக்கப்பட்டன. இந்த வழக்கில் மற்றவர்கள் மீதான குற்றச்சாட்டு வேறு, நடிகர் சஞ்சய் தத் மீதான குற்றச்சாட்டு வேறு, நடிகர் சஞ்சய் தத் பயங்கரவாதியாக கருதப்படவில்லை. எனவே தான் அவருக்கு 4 வார கால அவகாசம் அளிக்கப்பட்டது என விளக்கம் அளிக்கப்பட்டுள்ளது.

தினமலர் வாசகர் கருத்துகள்

raviraaj - mayiladuthurai,இந்தியா
17-ஏப்-201317:33:00 IST Report Abuse
சஞ்சய் தத்துக்கு அவகாசம் அளித்தால் அது ஒரு முன்மாதிரி ஆகிவிடும் . ஆகவே கூடுதல் அவகாசம் அளிப்பது மட்டுமல்ல கேட்பதும் தவறு...

itashokkumar - trichy,இந்தியா
17-ஏப்-201316:59:56 IST Report Abuse
நாலு வாரம் போதாது நாலு வருஷம் கொடுங்கள். எத்தனை நாள் வெளியில் இருந்தார் அப்போது தெரியாதா தண்டனை கொடுக்கபட்டால் உடனடியாக உள்ளே போக வேண்டும் என்று. ரெடியாக இருக்க வேண்டாமா?

p.boopathy enkira Boopathiyar - chennai,இந்தியா
17-ஏப்-201316:33:49 IST Report Abuse
குற்றவாளி வைத்து படம் எடுக்க கூடாது. மேலும் குற்றங்கள் பெருகும். பட அதிபர்கள் இவர் காட்சியை வேறு ஒரு நடிகரை வைத்து இந்த காரணத்திற்காக தண்டனை செய்தி வெளியிட்டு படத்தை முடித்து கொள்ளலாம். இவர் செயல் வழக்கு வாய்த போல்.., தம் தண்டனையை தள்ளி வைத்து கொண்டே போகலாம்.பிடி வாரன்ட் உடனே சிறையில் அடைப்பு.., இவை தான் சரியானவை குண்டு வெடி சம்பவங்களுக்கும் கடுமையான தண்டனைகள் இருக்க வேண்டும். அப்பாவி பொதுமக்களின் உயிர் காக்க அரசு உரிய நடவடிக்கை எடுத்து பாதுக்காக பட வேண்டும் -

மாயூரம் கிருஷ்ணமூர்த்தி சங்கரன் - திருச்சிராபள்ளி,இந்தியா
17-ஏப்-201316:05:14 IST Report Abuse
தேசம் உருப்படாது என்பதற்கு இதுவே சான்று .

Swaminathan Nath - abudhabi,ஐக்கிய அரபு நாடுகள்
17-ஏப்-201315:58:51 IST Report Abuse
தவறான முடிவு, இனி சினிமா காரர்கள் என்றால் தனி சலுகை கிடைக்கும், இனி நடிகர்கள் எல்லாம் தவறு செய்யலாம், நாடு எப்படி உருப்படும்,

Prabu.KTK - coimbatore,இந்தியா
17-ஏப்-201313:46:04 IST Report Abuse
ஏண்ன அவர் காங்கிரஸ் காரர் தீவிர வாதி இல்லையாம்

amukkusaamy - chennai,இந்தியா
17-ஏப்-201312:55:02 IST Report Abuse
சட்டம் ஒரு மீன் வலை. சிறிய மீன்கள் ஓட்டை வழியே தப்பித்துக்கொள்ளும். பெரிய மீன்கள் வலையை அறுத்து தப்பிக்கும். மாட்டிக்கொள்வது என்னமோ நம்மைப்போன்ற நடுத்தர மீன்கள்தான்.

Vino - newyork,யூ.எஸ்.ஏ
17-ஏப்-201312:37:11 IST Report Abuse
இவன மாதரி நானும் தீவிரவாதத்திற்கு உதவபோறேன்..எனக்கும் இதே மாதரி திறப்பு சொல்லணும் சொல்லிபுட்டேன்...

T.R.Radhakrishnan - nagpur,இந்தியா
17-ஏப்-201312:03:37 IST Report Abuse
இந்த படங்கள் வெளி வர வில்லை என்றால், சமூகத்துக்கு பெரிய நஷ்டமா என்ன? உச்ச நீதிமன்றமே இப்படிப்பட்ட தீர்ப்புகள் கொடுத்தால், என்ன செய்வது? ஒரு சாமானியன் குற்றம் செய்து மாட்டிவிட்டு, அவரது பெண்ணின் திருமணம் இன்னும் இரண்டு மாதத்தில் நடைபெற இருக்கு, அதுக்குப் பிறகு சரணடைகிறேன் என்று சொன்னால், நீதிமன்றம் விட்டு விடுமா? நாட்டாமை, தீர்ப்பை மாத்து.....

Manjaandi - kuala lumpur,மலேஷியா
17-ஏப்-201311:50:51 IST Report Abuse
நானும் ஜெயில்ல இருக்க கைதிகள மையப்படுத்தி ஒரு படம் எடுக்கலாம்னு இருக்கேன். அதுக்கு ஒரு 5000 கைதிகள் வேணும். எல்லாரையும் அனுப்பி வைங்க. அப்புடியே ஜெயில்க்கு ஒரு ஆறு மாசம் லீவு உட்ருங்க. படம் எடுக்க ஒரு பத்து கோடி பணம் குடுத்துருங்க. படம் நல்ல வந்துச்சுன்னா அதே படத்தோட பார்ட் 2 எடுக்கலாம்னு இருக்கேன். அதுவும் நல்லா ஓடுனா பார்ட் 3, 4 னு எடுக்க போறேன். அதனால எபுடியும் ஒரு லச்சம் கைதிகள் தேவை படும். பேசாம எல்லா ஜெயிலையும் மூடிருங்க. கோர்ட்ல ஆயுள், தூக்கு தண்டனை பெறுபவர்கள் எல்லாரும் இனிமே ஜெயில்கு போக வேண்டியது இல்ல. நேரா என்னைய வந்து பாருங்க.