சிறகின் பிம்பம்

by **Ponmudi Manohar** Thu Apr 25, 2013 1:08 am

உனக்குள் யாரோ விட்டுச்சென்ற
சிறகுகள் கட்டிப் பறந்து விடத்தான்
நாளும் வானை நீயும் பார்க்கிறாய்
காத்து நின்ற காலமெல்லாம்
கருணை நாடி வந்த தில்லையோ?
பகலு மிரவும் மாறி வருதல்
வாழ்வின் நாளைக் கூட்டத்தானோ?
நன்றும் தீதும் கலந்து வருதல்
வாழ்வின் பொருளைக்காட்டத்தானோ?
பாடும் பாட்டில் மயக்கம் வைத்து
ஆடும் கூட்டம் அழகின் மொத்தம்
இருளின் குகைக்குள் கண்ணீர் வடிக்கும்
நிலைதனை உடைத்து விடுதலைக் காண
இனியொரு களத்தை யார்தான் அமைப்பதோ?
இதையும் மீட்க யார்தான் நிற்பதோ?
இன்று நீயும் மாறலாம் மனதுடன்
இன்று நீயும் மீறலாம் திடமுடன்
உள்ளம சொல்லும் உண்மையில் நீயும்
உலகை வெல்லும் தர்மமாய் நீயும்
புனித வாக்கின் மௌன மழையில்
உனது பிம்பம் மீண்டும் பூக்கட்டும்!