கவிப்பேரரசு வைரமுத்து கவிதைகள்

by **கவியருவி ம. ரமேஷ்** Fri Apr 26, 2013 3:53 pm

நன்றி : கவிப்பேரரசு வைரமுத்து

ஆண் என்ற சொல்லுக்கும்
பெண் என்ற சொல்லுக்கும்
அகராதியில் ஏறாத
அர்த்தங்கள் விளங்குமே
அதற்காக வேனும்
வாழ்ந்து கொண்டே
சாகவும் முடியுமே
செத்துக் கொண்டே
வாழவும் முடியுமே
அதற்காக வேணும்
காதலித்துப் பார்

by **கவியருவி ம. ரமேஷ்** Fri Apr 26, 2013 3:54 pm

அணைக்கு ஆணைகள் வாங்கி
குளங்களை வெட்டினாய்
குளங்களுக்கு ஆணைகள் வாங்கி
நீச்சல் குளம் கட்டினாய்
அணைகளின் உடம்பெல்லாம்
கண்ணீராய் ஒழுகவிட்டாய்
பாலங்கள் கட்டுவதாய்
பாடைகள் கட்டினாய்

by **கவியருவி ம. ரமேஷ்** Fri Apr 26, 2013 9:03 pm

காலண்டரில்
இந்த ஆகஸ்ட் பதினைந்தை
அச்சடித்த சிவப்பில்
எனக்கு
இலங்கைத் தமிழனின்
ரத்த நெடி அடிக்கிறது

by **கவியருவி ம. ரமேஷ்** Fri Apr 26, 2013 9:04 pm

பாரதத்தின் மூன்று பக்கம்
கடல் இருக்கு
பாரதத்தின் நான்கு பக்கம்
கடன் இருக்கு

by **கவியருவி ம. ரமேஷ்** Fri Apr 26, 2013 9:05 pm

மானுக்கு
வலைகள் வேண்டும்
யானைக்கோ
பள்ளம் வேண்டும்
எங்கள் ஜனநாயகத்தில்
ஜனங்களைப் பிடிக்கச்
சப்தமே போதும்

by **கவியருவி ம. ரமேஷ்** Fri Apr 26, 2013 9:06 pm

அணைக்கு ஆணைகள் வாங்கி
குளங்களை வெட்டினாய்
குளங்களுக்கு ஆணைகள் வாங்கி
நீச்சல் குளம் கட்டினாய்
அணைகளின் உடம்பெல்லாம்
கண்ணீராய் ஒழுகவிட்டாய்
பாலங்கள் கட்டுவதாய்
பாடைகள் கட்டினாய்

by **கவியருவி ம. ரமேஷ்** Fri Apr 26, 2013 9:06 pm

பாவம் மனைவி
இந்த
இல்லறக் கிரிக்கெட்டில்
கட்டிலறைக்கும்
சமையலறைக்கும்
ரன்கள் எடுத்தெடுத்தே
ரணமாய்ப் போனாள்
இன்னும் ஆண்களுக்கு
இது ஏன் புரியவில்லை

by **கவியருவி ம. ரமேஷ்** Fri Apr 26, 2013 9:07 pm

சில ஆண்களின்
ஆரோக்கியமில்லாத பார்வைகள்
கம்பளிப் பூச்சியாய்
உள் முதுகில் ஊறும்
சிலர்
கோப்புகளை வாங்கும்போது
விரல்களையும் விசாரிப்பார்கள்

by **கவியருவி ம. ரமேஷ்** Fri Apr 26, 2013 9:08 pm

திரும்பத் திரும்பத்
திருத்தியும் திருத்தியும்
முற்றும் பிழை நீக்க
முடியவில்லை
இத்தனை ஓட்டைகள்
இருப்பினும் என்னில்
வழியாதெப்படி
வந்து நிறைந்துள்ளாய்
என் தமிழே?

by **கவியருவி ம. ரமேஷ்** Fri Apr 26, 2013 9:09 pm

தமிழா
காற்றின் ஈரம் பருகிவாழும்
பாலைவனத் தாவரம்போல்
முன்னாள் பெருமை என்னும்
முதுமக்கள் தாழியில் மூச்சுவிடும் தமிழா
கிளியோபாட்ராவின் சாராயத்துக்கு
முத்துக்கள் தந்தாய்
பாவம்
உன் சோற்றுக்குத்தான்
உப்பின்றிப் போனாய்

by **கவியருவி ம. ரமேஷ்** Fri Apr 26, 2013 9:10 pm

பிற்காலச் சுந்தரபாண்டியன்
மாலிக்கபூருக்கு
மலர்க்குடம் வைத்தநாள்
இனத்தின் பிணத்துக்கு
மலர்வளையம் வைத்தநாள்
அந்தநாள்
மூன்றாம் கடற்கோள்
மூண்டு முடிந்தநாள்
தமிழன்
முகம் தொலைத்த முட்டாள் திருநாள்

by **கவியருவி ம. ரமேஷ்** Fri Apr 26, 2013 9:10 pm

நம் சமூகம்
கண்கள் அறியாக்
கம்பிகொண்ட சிறைச்சாலை
வீடுதாண்டி விடுதலை இல்லை
பெண்டிர்க்கு
மனம் தாண்டி விடுதலை இல்லை
மனிதர்க்கு
மடம் தாண்டி விடுதலை இல்லை
துறவியர்க்கு
வா !
நீயும் நானுமேனும்
விடுதலை பெறுவோம்
அடிமைத்தளை வேண்டாம்

by **கவியருவி ம. ரமேஷ்** Fri Apr 26, 2013 9:11 pm

சுதந்திர இந்தியா
ஐம்பதாண்டு உயரத்தில்
அடிமை இந்தியன்
ஐந்நூறாண்டுப் பள்ளத்தில்
ஏ நாடாளுமன்றமே !
வறுமைக் கோட்டின் கீழ்
நாற்பது கோடி மக்கள் என்றாய்
அறிவுக் கோட்டிக் கீழ்
அறுபது கோடி
அதை மட்டும் ஏன் அறிவிக்க மறந்தாய்?

by **கவியருவி ம. ரமேஷ்** Fri Apr 26, 2013 9:15 pm

பழைய பிடி விடமுடியாமலும்
புதிய அடி தொடமுடியாமலும்
திரிசங்கு சொர்க்கத்தில்
கிழவன் கிழவிகள்
ஆனாலும் இன்னும்
தேர்தல் - திரைப்படச்
சுவரொட்டி எதிர்பார்த்து
சில பிராணிகளும்
பல ஜீவன்களும்

by **கவியருவி ம. ரமேஷ்** Fri Apr 26, 2013 9:16 pm

மதம் வந்தது
நீ
வருணமாய்ப் பிரிந்தாய்
வருணம் வந்தது
சாதியாப்ப் பிரிந்தாய்
தேர்தல் வந்தது
தெருவாய்ப் பிரிந்தாய்

by **கவியருவி ம. ரமேஷ்** Fri Apr 26, 2013 9:16 pm

சேரிக்குள் சென்று திரும்பிய
சில அரசியல் தலைவர்கள்
வந்தவுடன் செய்யும்
முதல் சீர்திருத்தம்
தம்
சட்டை வேட்டியைச்
சலவைக்குப் போடுவதுதான்

by **கவியருவி ம. ரமேஷ்** Fri Apr 26, 2013 9:17 pm

தட்டுங்கள் திறக்கப்படுமென்ற
கர்த்தனின் மொழி இங்கே
கவைக்குதவாது
சேரிக் கதவின் முன்
குரல் கொடுங்கள்
திறந்துவிடும்
தட்டினால்
விழுந்து விடும்

by **கவியருவி ம. ரமேஷ்** Fri Apr 26, 2013 9:18 pm

கண்மணியே உனைக்காண வைத்ததாலே - என்
கண்களுக்கு அபிஷேகம் நடத்துகின்றேன்
பொன்மகளே நீபோகும் பாதையெல்லாம் - தினம்
பூஜைக்கு ஏற்பாடு செய்துவிட்டேன்
விண்வெளியின் மேலேறி உந்தன் பேரை - காதல்
வெறிகொண்டு கூவுதற்கு ஆசை கொண்டேன்
பெண்ணழகே உனைத்தாங்கி நிற்பதாலே - இந்தப்
பிரபஞ்சம் வாழ்கவென்று பாடுகிறேன்

by **கவியருவி ம. ரமேஷ்** Fri Apr 26, 2013 9:18 pm

காதல் இன்றேல் சாதல் என்றே
கவிதை சொன்னதும் ஒரு காலம்
காதல் என்பது சந்தர்ப்பம்தான்
கண்டு தெளிந்ததும் ஒரு காலம்

by **கவியருவி ம. ரமேஷ்** Fri Apr 26, 2013 9:19 pm

மரணப் பிரதேசம் தாண்டி
நாம்
மௌனம் பேசுவோம்
நீ
பிறந்து வளர்ந்த பூமிக்கு
முத்தங்கொடுத்து என்னுயிரை
முடித்துக் கொள்கிறேன்
அவன் உடலைவிட்டு
பிரிந்தது உயிர்
பிரியவில்லை உளி

by **கவியருவி ம. ரமேஷ்** Fri Apr 26, 2013 9:20 pm

பிரிவுக்கு யார் பொறுப்பு
நீயா?
நானா?
இருவருமா?

by **கவியருவி ம. ரமேஷ்** Fri Apr 26, 2013 9:21 pm

நாம்
பிரிவு கொண்டோம் என்பதைப்
பிரபஞ்சம் அறியாதா?
இன்னும் பூமி
சுற்றிக்கொண்டிருக்கிறதே
மாதம் ஒரு பௌர்ணமி
வான வெளியில் வருகிறதே
காற்று தன் பயணத்தை
நிறுத்திக் கொள்ளவில்லையே...

by **கவியருவி ம. ரமேஷ்** Fri Apr 26, 2013 9:22 pm

நீ தந்த சுகமெல்லாம் -
நெற்றியில் தீயெரியும் தியானத்தில் வந்ததில்லை
வில்லாய் விறைக்கும் கலவியில் கண்டதில்லை
பிரசவம் முடிந்த பெருமூச்சில் கொண்டதில்லை
எங்கே மீண்டுமொரு முறை
முந்தானைக்குள் புகுந்து
முயல்குட்டியாகு
தட்டாதே
தாய் சொல்லைக் கேள்
பத்து மாதம் என் வயிறுசுமந்த
பிஞ்சுப் பிரபஞ்சமே

by **கவியருவி ம. ரமேஷ்** Fri Apr 26, 2013 9:22 pm

முடிவெட்டலாகாது
நகம் களைதலாகாது
பேன் பார்க்கலாகாது
அழுக்குத் துணியை
வெளுக்கப் போடலாகாது
உப்போ மோரோ
இரவல் தரலாகாது
பல் துலக்கலாகாது
கடன் கொடுக்கலாகாது
“ஒன்றை மறந்தீரே ! ”
“என்னது? ”
“தொலைக்காட்சி ஆகாது

by **கவியருவி ம. ரமேஷ்** Fri Apr 26, 2013 9:23 pm

ஒலிஒளிப் பெட்டிகளின்
சந்துகள் வழியே
கண் காது திருடும்
கலாசார இரைச்சல்

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

கவிப்பேரரசு வைரமுத்து கவிதைகள்

கவிப்பேரரசு வைரமுத்து கவிதைகள்

Re: கவிப்பேரரசு வைரமுத்து கவிதைகள்

Re: கவிப்பேரரசு வைரமுத்து கவிதைகள்

Re: கவிப்பேரரசு வைரமுத்து கவிதைகள்

Re: கவிப்பேரரசு வைரமுத்து கவிதைகள்

Re: கவிப்பேரரசு வைரமுத்து கவிதைகள்

Re: கவிப்பேரரசு வைரமுத்து கவிதைகள்

Re: கவிப்பேரரசு வைரமுத்து கவிதைகள்

Re: கவிப்பேரரசு வைரமுத்து கவிதைகள்

Re: கவிப்பேரரசு வைரமுத்து கவிதைகள்

Re: கவிப்பேரரசு வைரமுத்து கவிதைகள்

Re: கவிப்பேரரசு வைரமுத்து கவிதைகள்

Re: கவிப்பேரரசு வைரமுத்து கவிதைகள்

Re: கவிப்பேரரசு வைரமுத்து கவிதைகள்

Re: கவிப்பேரரசு வைரமுத்து கவிதைகள்

Re: கவிப்பேரரசு வைரமுத்து கவிதைகள்

Re: கவிப்பேரரசு வைரமுத்து கவிதைகள்

Re: கவிப்பேரரசு வைரமுத்து கவிதைகள்

Re: கவிப்பேரரசு வைரமுத்து கவிதைகள்

Re: கவிப்பேரரசு வைரமுத்து கவிதைகள்

Re: கவிப்பேரரசு வைரமுத்து கவிதைகள்

Re: கவிப்பேரரசு வைரமுத்து கவிதைகள்

Re: கவிப்பேரரசு வைரமுத்து கவிதைகள்

Re: கவிப்பேரரசு வைரமுத்து கவிதைகள்

Re: கவிப்பேரரசு வைரமுத்து கவிதைகள்

Re: கவிப்பேரரசு வைரமுத்து கவிதைகள்