கிறிஸ்துமஸ் வாழ்த்து அட்டை புழக்கத்திற்கு வந்தது எப்போது?

1843-ம் ஆண்டு சர்.ஹென்றி கோல் என்பவரால் முதல் கிறிஸ்துமஸ் வாழ்த்து அட்டை அனுப்பப்பட்டது. 1846-ல் ஜோசப் அன்டால் என்ற ஓவியர் ஆயிரக்கணக்கில் வாழ்த்து அட்டைகளை அச்சிட்டார். மக்கள் வாழ்த்து அட்டைகளில் வடிவு, நேர்த்தி, தொழில் நுட்பம் என பல்வேறு வகைகளிலும் கவரப்பட்டு கோடிக்கணக்கான மில்லியன் டாலர் வியாபார பொருளாக வாழ்த்து அட்டை புழக்கத்திற்கு வந்தது. கிறிஸ்துமஸ் விழாவின்போது உறவினர்களுக்கும், நண்பர்களுக்கும் வாழ்த்தும் அன்பும் அறிவித்து அன்புறவை புதுப்பிக்கும் பணியை வாழ்த்து அட்டைகள் செய்கின்றன.

கிறிஸ்துமஸ் நட்சத்திரம் எதற்காக?

அரேபிய நாடான சிரியா நாட்டைச் சேர்ந்த மூன்று அரசர்களுக்கு இறை இயேசு பிறந்த இடத்தை காட்டிய வான் நட்சத்திரத்தை வாழ்த்த அப்புதுமையை நினைவு படுத்த கிறிஸ்துமஸ் நட்சத்திரம் தொங்க விடப்படுகிறது.

கிறிஸ்துமஸ் குடிலின் முக்கியத்துவம் என்ன?

1223-ம் ஆண்டு இத்தாலி நாட்டில் பிரான்சிஸ் அச்சி என்ற புனித ரால் ஆரம்பித்து வைக்கப்பட்ட இயேசுவின் பிறப்பை வெளிப்படுத்தும், நினைவூட்டும் சிலைகளின் வழிபாடே கிறிஸ்துமஸ் குடில் வழிபாடு எனப்படுகிறது.

இறையேசு பிறந்த மாட்டுக்குடில், இறை இயேசுவின் பெற்றோர்கள் இறையேசு என அன்றைய பெத்லகேமை ஒவ்வொரு ஊரிலும் அமைப்பதே மாட்டுக் குடிலும், தேவபாலமும் என்ற கிறிஸ்துமஸ் குடிலின் அமைப்பாகும். பிறந்த இயnசு பாலனை முத்தமிட்டு மகிழும் உள்ளங்களில் அன்பு, அமைதி, சமாதானம் என்று இறை இயேசு பிறக்கிறார்.

கிறிஸ்துமஸ் தினத்தில் கிறிஸ்துமஸ் மரம் வைப்பது ஏன்?

மனித வழிபாட்டு முறைகளின் துவக்கம் இயற்கை வழிபாடாகும். மனிதன் இயற்கையை வணங்கினான். ஸ்காண்டி நேவியர்கள் மரத்தை வழிபடுபவர்கள். அவர்கள் கிறிஸ்துவ மதத்திற்கு மனம் மாறினார்கள். கிறிஸ்தவ மத கோட்பாடுகளின் படி கலாச்சார மயமாகுதல், பண் பாடு மயமாகுதல் என்ற நெறிப்படி புதிய கிறிஸ்துவ மதத் திலும் ஸ்காண்டி நேவிய மக்களுக்கு மரத்தை வழிபட வழியிருந்தது. அவர்கள் மரங்களை மின்விளக்குகளால் அலங்கரித்து வணங்கினர். 500 ஆண்டுகளுக்கு முன் ஜெர்மனியர்கள் கிறிஸ்துமஸ் மரத்தை அலங்கரிக்க ஆரம்பித்தனர்.

1841-ம் ஆண்டு இங்கிலாந்து இளவரசர் ஆல்பர்ட் தனது ராஜமுறை கிறிஸ்துமஸ் விழா கொண்டாட்டத்தில் கிறிஸ்துமஸ் மரத்தை அறிமுகப்படுத்தினார்.

கிறிஸ்துமஸ் தாத்தாவின் மகத்துவம் என்ன?

துருக்கி நாட்டைச் சார்ந்த செயின்ட் நிக்கோலஸ் சிறு குழந்தைகளுக்கு பரிசுப் பொருட்களை வாரி வழங்கி சாண்டோ கிளாஸ் என போற்றப் படுகிறார். அவர் வழி மரபில் ஊர்தோறும் கிறிஸ்துமஸ் தாத்தாக்கள்; குழந்தைகளுக்கு மட்டுமல்ல ஏழை, எளியவர்களுக்கும் உதவுவது கிறிஸ்துமஸ் கொண்டாட்டத்தில் ஓர் பகுதியே. அர்த்தமுள்ள கொண் டாட்டமே. கிறிஸ்துமஸ் தாத்தாக்கள் ஜிங்கிள் பெல்ஸ் பாடலுக்கு நடனமாடி மகிழ்விப்பது அற்புதத்திலும் அற்புதம்*

கிறிஸ்துமஸ் பலகாரம்

ஒவ்வொரு விழாக்களுக்கும் ஓர் சிறப்பான உணவு விழா உணவாக கருதப்படும். கிறிஸ்துவம் மேற்கித்திய கலாச்சாரத்தை முன் வைப்பதால், கிறிஸ்துமஸ் கேக் கிறிஸ்துமஸ் விழா வின் சிறப்பான உணவு பொருளாகிறது.