தீராத தீவிரவாதம்...!

by **ஹிஷாலீ** Fri May 17, 2013 4:09 pm

மூன்று பேதத் தீயில்
மூழ்கும் மானிடா
"தீரா" வியாதி போல்
தீவிரவாதத் தீயில்
குளிப்பது ஏனோ ?

துப்பாகிகளும்
அணுகுண்டுகளும்
தூவி விளையாட
நாடென்ன நாடக மேடையா ?
சொல் ...

வெறிப்பிடித்த எறும்பு போல்
விரட்டி விரட்டி
கடிச்சி கொதற
மனித உயிர்கள் என்ன
கோழியா ஆடா ?
பன்னியா ?நில் ...

பிணத்தின் பெயரில்
போராட்டம் நடத்துவது
இன்னொரு பிணத்திற்காக
தேடும் ஒத்திகை கோசமா ?
யோசி ....

அணு உலை அழிக்கும்
காலம் அறிந்தும்
எதிர்மறைச் சண்டையில்
எதிரியா நானாவெனப்
பிரித்தெடுக்க
குருதியென ஆராய்ச்சி கூடமா ?

சைவம் கூட அசைவமானது
சைனஸ் நோய் போல்
மாற்று மருந்தாக ..
மார் தட்டி மோகம் தணிப்பது
மிகையாகுமா ? சிந்தித்துப் பார்

பழிக்கு பழி என்று
பாடுபடும் மனித விலங்கே
நீ பதுங்கிக்கிடக்கும்
காட்டை விட்டு
வெளியே வா

வந்து
அகிம்சை வழி நீருற்றி
அமைதிப் பூ பறிக்க
யாவரும் ஒன்றென
உரமிடுங்கள் ...!