காகிதமும் பேனாவும் ==========================================ருத்ரா

ஒரு காகிதம்.
அதன் மீது ஒரு பேனா.
அருகே உட்கார்ந்து என் தவம்.
எனது நிமிடங்கள் நீண்டு நீண்டு
சுருண்டன.
ஐன்ஸ்டீன் சொன்ன‌
கால நீட்சி
என் கற்பனைவேகத்தை
அந்த ஒளியின் வேகத்துக்கும்
அதிகமாய் அக்சலரேட் செய்ததால்.
மனத்தின் குகை சுரங்கத்தில்
எழுத்துக்க‌ள் ஓடி ஒடி மோதி
மாய‌மாய் ஒரு துக‌ள் பொறியாய்
கீற்று பாய்ச்சிய‌து.
இது "ல‌வ்வோட்ரான்"

அவ‌ள் மெல்லிதாய்
காட்டிய‌ புன்ன‌கைக்கோட்டில்
அத்தனையும் நாக‌சாகி ஹிரோஷிமாக்க‌ளின்
எலும்புக்குவிய‌ல்க‌ள்.
உள்ளே எங்கோ ஒரு இடுக்கில்
காத‌ல் க‌சிந்த‌ ரேடிய‌க்க‌திர்க‌ள்.
ஒரு க‌பால‌ம்
வாய் பிள‌ந்து வாய்பிள‌ந்து
பாடிய‌து.
ஜ‌ன‌ன‌ம் ம‌துர‌ம்..
ம‌ரண‌ம் ம‌துர‌ம்..

கால‌டிக்கார‌ருக்கு
காத‌லியும் ஒன்று தான்.
அம்மாவும் ஒன்று தான்.
அம்மாவையும் காத‌லிக்க‌வேண்டும்
என்று
சௌந்த‌ர்ய‌ ல‌ஹ‌ரிக்கு
ஈடிப்ப‌ஸ் காம்ப்ளெக்ஸும்
சிக்ம‌ண்ட் ஃப்ராய்டுத்த‌ன‌மும்
ப‌வ்ய‌தோடும் வ‌ந்து
ப‌ரிமேல‌ழ‌க‌ர் உரை எழுதின.

அன்பே சிவ‌ம்.
காத‌லே சிவ‌ம்.
அத்வைத‌த்துள் அத்வைத‌ம் இது.
இது கேட்டு
கோப‌த்தின் நெற்றிக்க‌ண் எரிக்கும்.
அப்புற‌மும் அந்த‌
நாக‌ச்சாகி ஹிரோஷிமா சாம்ப‌லிலிருந்து
விபூதி பூசிக்கொள்வோம்.
.....
.....
ஆஹா.க‌விதை ந‌ல்லாவே ஓடுகிற‌து.
பேனாவை ஸ்ப‌ர்சித்தேன்.

"டேய்.என்ன‌டா
பித்து பிடிச்ச‌வ‌னாட்டம்
உக்காந்திருக்கே.
இட்லி சாப்டுட்டு போ."

அம்மாவின் பாச‌த்தின் பாசிச‌ம்.

இட்லியும் ச‌ட்னியும்
நாக்கில் க‌விதை எழுதிய‌தால்
சாப்பிட‌ எழுந்தேன்

த‌ட்டில்
(மொட்டை மாடி முக‌ட்டு வானம்)
நாலு நில‌வுக‌ள்
(இட்லிக‌ள் தான்)
வான‌ வெள்ளைப்பிழ‌ம்பில்
(தேங்காய்ச்ச‌ட்னி)
க‌ருப்பு ந‌ட்ச‌த்திர‌ங்க‌ளாய்
(க‌டுகுக‌ள்)
அவ‌ள் க‌ண்க‌ள்
ப‌லப்ப‌ல‌ க‌ண்க‌ளாய் சிமிட்டின‌.
(தாளித்துக்கொட்டியதில்)

"ஏண்டா..
இப்ப‌டி அழும்பு ப‌ண்ற‌
சும்மாவே வெறிச்சுப் பாத்துக்கிட்டு.
சாப்ட்றா.."

நான் சாப்பிட‌வில்லை.
எழுந்து விட்டேன்.
"யுரேகா யுரேகா" என்று
ஓடினேன்.

இது அந்த‌ யுரேகா இல்லை.
செல்ல‌மாய் நான் அவ‌ளை
கூப்பிடும் பெய‌ர்.
த‌ந்தை பெய‌ர் யுவ‌ராஜ‌ன்.
அவ‌ள் பெய‌ர் ரேகா.
அப்போ ச‌ரி தானே.
ந‌ல்ல‌வேளை நான்
"பாத் ட‌ப்பிலிருந்து" ஓட‌வில்லை.


காகித‌மும் பேனாவும்.
என்னைக் க‌வ்வி இழுத்துச்சென்ற‌ன‌.
காத‌ல் இனிமையான‌து
என்று
ஒரு த‌லைப்பை
ச‌ப்பு கொட்டிக்கொண்டு ஓடினேன்.

நாற்காலியில் உட்கார்ந்து
எழுதாத‌
க‌விதைமீது பாய்ந்தேன்.

காகித‌ம்.
அத‌ன் மீது பேனா.
அத‌ன் மீது ஒரு ஈ.

ஈயா இங்கு போட்டிக்கு வருவது?
என‌க்கு ச‌ப்பென்று ஆகிசிட்ட‌து.

ஈ மெயில்
அதுவே அனுப்பிக்கொள்ள‌ட்டும்.

========================================ருத்ரா

சூப்பர்