வாழ்வியல் சரித்திரம்

by **udhayam72** Mon Jun 10, 2013 5:16 pm

காதல்...
பார்க்கும் பெண்களின்
நோக்கும் விழியெல்லாம்
காதலியாம்
ஒலிக்கும் பேச்சும்
இசைக்கும் இசையும்
அவள் குரலாய்
மின்னலின் ஒலியும்
மௌன மொழியும்
காதலியின் உலக மொழியாம்
சுடும் நிலவும்
சூடான தென்றலும்
அவளின்றி நீ உணர்வாய்
சர்க்கரையும் கசக்கும்
உப்பும் இனிக்கும்
அவள் நினைவுகளில்
பசிக்கும் போதும்
செரிக்காத வயிறாய்
அவளை நினைக்கும் பொழுது
நித்தம் உணர்வாய்
தூங்காத கண்களில்
நீங்காத நினைவுகளில்
நீக்கமற நிறைந்திருப்பாள்
உலகம் வேகமாய்ச் சுழலும்
உன்னவள் உன் அருகில் இருந்தால்
சந்திக்கும் மனிதரெல்லாம்
சந்திக்காத போதும்
சிரிக்கத் தோன்றும்
சட்டை பித்தான்களை
மாற்றி போடுவாய்
சிலசமயம்
பிறர் சட்டையையே
மாற்றிப் போடுவாய்
உலகம் உன்னைச்
சுற்றுவதை மறந்து
உலகை நீ வலம் வருவாய்
அவளருகே நீ இருந்தால்
மழை பெய்யும் பொழுது
குடை விரிக்க மறப்பாய்
பெய்யாத பொழுதோ
குடை விரித்துச் செல்வாய்
சிரித்து பேசினாள்
சிறகடித்து பறப்பாய்
சிறகில்லாமலே
அடிக்கடி கண்ணாடி பார்ப்பாய்
பார்க்கும் கண்ணாடி எல்லாம்
அவள் முகமாய்
பூக்கும் செடிகளெல்லாம்
அவள் முகமாய்
நோக்கும் கண்களெல்லாம்
அவள் கண்களாய்
கருவறை தெய்வமும்
காதலி ஆவாள்
அவள் வரும்வரை
கோயில் சுற்றி சுற்றியே
கால் தேய நடப்பாய்

இறைவனுக்கு மட்டும் தான்
ஒளிவட்டம் தோன்றுமா என்ன?
காதலித்து பாருங்கள்...
உங்களைச் சுற்றியும்
ஒளிவட்டம் தோன்றும்

காதல்...
வெற்றி தோல்விக்கான
விளையாட்டுப் போட்டி அல்ல
கனவுகளும் நினைவுகளும்
உணர்வுகளும் உணர்ச்சிகளும்
உயிர்வரை ஒருங்கே தாலாட்டும்
வாழ்வியல் சரித்திரம்
காதலித்து தான் பாருங்களேன்...!

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

வாழ்வியல் சரித்திரம்

வாழ்வியல் சரித்திரம்