---
தூய்மை என்பது விளக்கத்திற்கு அப்பாற்பட்டது.
காலையில் எழுந்து பல் துலக்குவது. பிறகு மலஜலம்
கழிப்பது. பிறகு குளித்து பூஜை செய்வது என்று
நியதிகளால் தூய்மையான மனது வந்துவிடாது.
-
இந்த நியதிகளுக்கும், தூய்மைக்கும் சம்பந்தமே இல்லை.
தூய்மையான மனம் என்பது மற்றவருக்குக் கெடுதல்
செய்யாது, எந்த உயிரினத்திற்கும் துன்பம் ஏற்படுத்தாது,
எந்தவித போர்களிலும் ஈடுபடாது,
-
அமைதியாக, துன்பம் ஏற்பட்டாலும் தாங்கி கொண்டிருப்பது
என்பதையும் ஏற்றுக் கொள்ள முடியாது. வலிமை உள்ளதும்,
உக்கிரம் உள்ளதும், சாதுக்களை, பலஹீனர்களைக்
காப்பாற்றுவதும் தூய்மையான மனத்திற்கு எளிதாக வரும்.
-
அதனால் கத்தி எடுத்துக்கொண்டு, சூலாயுதம் எடுத்துக்கொண்டு,
கதையைச் சுழற்றிக் கொண்டு வந்தால் அவர் தூய்மையானவராக
மாட்டார். தூய்மையான மனம் என்பதை ஓரளவு இப்படி
விளக்கலாம்.
-
யார், தன்னுடைய மனம் என்ன சொல்கிறது என்பதை எந்த
சார்பும் இன்றி, எவருடைய துணையும் இன்றி தானாக அறிந்து
கொள்வாரோ, அதாவது எவர் தன்னை அறிந்து கொள்கிறாரோ,
அதாவது எவர் எதற்ம் கட்டுப்படாது தன்னுடைய உண்மை
நிலையில் வாழ்கிறாரோ அவரே தூய்மையானவர்.
அவரால் கெடுதல் செய்யவே முடியாது. அவருக்குத் துக்கம்
என்பதும், சந்தோஷம் என்பதும் இராது. அவரால்
பலஹீனர்களைக் காப்பாற்றாமல் இருக்க முடியாது. அவர்
கருணை மிக்கவர். ஆனால் தண்டிக்கத் தெரிந்தவர். அவர்
தெளிவுமிக்கவர். ஆனால் அதை உங்களுக்குச் சொல்ல
விரும்பாதவர்.
-
அவர் அமைதியாக இருப்பவர். அவர் செயல்கள் ஆர்ப்பரிக்கும்
கடலை நிகர்த்ததாக இருக்கும். அவர் நல்லவருக்கு நல்லவர்,
தீயவருக்கு தீயவர். அவர் தனக்குள்ளே தானே மூழ்கிப்
போகிறவர். எந்தவித உலக விதிகளும், தத்துவங்களும் அவரை
கட்டுப்படுத்தாது. அதையெல்லாம் மீறி ஓர் அமைதியிலிருந்து
இந்த உலகத்தின் செயல்களை பார்க்கிறவர்.
-
ஏதாவது புரிகிறதா? புரிகிறது போல் இருக்கிறதா?
உள்ளுக்குள்ளே மூழ்கிக் கிடந்தால் ஒருவேளை புரியலாம்!
-
உயர்வோ தாழ்வோ எந்த நிலையிலும் கடவுளை நோக்கித்தான்
பிரார்த்தனை செய்ய வேண்டும். கடவுள் எல்லாவற்றையும்
கவனித்துக் கொண்டிருக்கிறார் என்ற நிச்சயம் நம்புங்கள்.
ஏதோ ஒரு பெரிய சக்திதான் உங்களை உற்பத்தி செய்திருக்கிறது.
ஏதோ ஒரு பெரிய சக்திதான் இங்கு அத்தனை உயிர்களையும்
உருவாக்கியிருக்கிறது. எல்லோரையும் நடமாடவிட்டிருக்கிறது.
ஏதோ ஒரு சக்தியால்தான் இந்த உலகத்தின் அத்தனை
செயல்களும் அலை அடிப்பதிலிருந்து, மின்னல் மின்னுவதிலிருந்து,
தூய்மை உள்ள மனம் என்று பல சமயப் புத்தகங்களில், தத்துவ விளக்கங்களில் சொல்லப்படுகிறது.
தூய்மை உள்ள மனம் என்றால் என்ன?
புற்கள் முளைப்பதிலிருந்து நீங்கள் அலுவலகத்திற்குப் போவதிலிருந்து
அனைத்துமே சரியாக நடக்கின்றன. இதில் ஒரு சிக்கல் ஏற்படுகிற
பொழுது, தவறே செய்யாத ஒருவர் தண்டிக்கிறபொழுது, அவர்
தண்டனைக்கு ஏதோ ஒரு காரணம் இருக்கலாம்.
அந்தக் காரணம் என்ன என்று ஆராய்வதைவிட, “என்ன
காரணமாயினும் நான் நேர்மையானவன். எனக்கு இந்த தண்டனை
தேவையா?’ என்று கடவுளை நோக்கி இறைஞ்சுங்கள்.
உங்களுக்கு வெறுமே இதைச் சொன்னால் புரியாது.
எனவேதான் நம்முடைய சனாதன தர்மத்தில் சடங்குகள்
வைத்திருக்கிறார்கள். இதை நீங்கள் விசாரித்துப் புரிந்து கொள்ள
வேண்டாம். சொல்வதைச் செய்விட்டு அமைதியாய் இருங்கள்
என்று பெரியவர்கள் உத்தரவிட்டிருக்கிறார்கள்.
-
—————————————–
நன்றி: குமுதம் பக்தி

பகிர்வுக்கு நன்றி ஐயா