[You must be registered and logged in to see this image.]
-
ஒரு ஊரில் ஒரு ராஜா
அவருக்கு கடுமையான வயிற்று வலி
யினால் துடித்து வந்தான். அரண்மனை வைத்தியர்களால்,
அதனை தீர்க்க முடியவில்லை.
-
“என்னுடைய வயிற்று வலியை போக்குபவர்களுக்கு
தக்க சன்மானம் அளிக்கப்படும்” என்று அறிவித்தார்.
அப்போதும் பலர் முயன்றும் பலன் அளிக்கவில்லை.
-
ஒரு முனிவரை சந்தித்து, வயிற்று வலி தீர யோசனை
கேட்டார்.
-
“நீங்கள் தினமும் சாப்பிடுவதற்கு முன்னர் நீங்கள்
 உண்ணும் உணவின் ஒரு பகுதியை காக்கைக்கு இட
வேண்டும். அந்த காகம் உண்டபிறகே நீங்கள் சாப்பிட
வேண்டும் என்று சொன்னார். காகம் சாப்பிடமால் நீங்கள்
 சாப்பிட கூடாது. இவ்வாறு தொடர்ந்து 6 மாதங்கள்
செய்து வாருங்கள் நிச்சயம் உங்களுக்கு இந்த நோய்
குணமாகிவிடும், இதற்கு வேறு எந்த மருந்தும் வேண்டாம்.”
என்று சொல்லி அனுப்பினார் அந்த முனிவர்.
-
அதன்படியே அந்த ராஜாவும் முதலில் காகத்திற்கு
உணவினை வைத்துவிட்டு, காகம் சாப்பிடுவதற்காக
காத்துக் கொண்டிருந்தார். காகம் வந்து அமர்ந்துவிட்டு
ஒன்றும் சாப்பிடாமல் திரும்பி சென்று விட்டது.
-
காகம் சாப்பிடாததால் அந்த உணவினை கொட்டிவிட்டு
ராஜா சென்று விட்டார். இப்படியே ஏழு நாட்களானது,
அதே நிகழ்வு திரும்ப திரும்ப நடந்தது. ஆனால் காகம்
சாப்பிட வில்லை. ராஜா வழக்கம் போல காகத்திற்கு
உணவிட்டு திரும்பினார்.
-
அன்று ராஜா தன்னை அறியாமல் திருப்தியாக
உணவருந்தினார். வெளியே வந்து பார்த்தார், திடீரென்று
அந்த காகம் வந்து, அந்த ராஜா இட்ட உணவினை
உண்ண ஆரம்பித்தது.
-
ராஜாவிற்கு மிகுந்த சந்தோஷம். தற்போது ராஜா தினமும்
மகிழ்ச்சியோடு காகத்திற்கு உணவிட்டு, பின்னர் தானும்
நல்லபடியாக உணவருந்தினார். வயிற்று வலியும்
குணமாகி விட்டது.
-
இப்படியே 6 மாதங்கள் கடந்து விட்டன. ராஜாவும் நல்ல
 உடல்நிலைக்கு வந்துவிட்டார். இப்போது வயிற்று
வலியெல்லாம் இல்லை. அவர் ஆச்சரியத்துடன் தனக்கு
உபாயம் சொன்ன அந்த முனிவரை நினைவு கூர்ந்தார்.
உடனே அந்த முனிவரை பார்க்க சென்றார், அந்த முனிவரிடம்
சென்று ராஜா நடந்ததை சொன்னார்.
-
அந்த முனிவர், “ராஜாவே தாங்கள் தினமும் காகத்திற்கு
உணவிட்டு காத்துக் கொண்டிருக்கும் போது, அந்த காகம்
வந்து பார்க்கும் போது, நீங்கள் உணவருந்தாமல் காக்கைக்கு
உணவளிப்பதை கண்ட காகம் நீங்கள் முதலில் உணவருந்த
வேண்டும்” என்று ஆசைப்பட்டது.
-
 அது தொடர்ந்து அவ்வாறே தனது ஆசையை வெளியிட்டுக்
கொண்டேயிருந்தது. ஒரு கட்டத்தில் அந்த காகத்தின் எண்ண
அலைகள் உங்களை தாக்கி உங்களை உணவருந்த வைத்தது.
தாங்கள் உணவருந்திய பின்னர் அந்த காகம் தாங்கள் இட்ட
உணவினை உண்டு மகிழ்ந்தது.
-
காகத்தின் நல்ல எண்ணமே நீங்கள் குணமாக காரணம்” என்று
கூறினார்.  ராஜா அதை கேட்டு மிகுந்த சந்தோஷடத்துடன்
முனிவரிடம் ஆசிப் பெற்று திரும்ப சென்றார்”
-
“இவ்வாறு மனிதனை எண்ண அலைகள் எவ்வாறெல்லாம்
தாக்குகின்றன” என்பதை இந்த கதையின் மூலம் அறியலாம்

 

பகிர்வுக்கு நன்றி

அருமையான் பதிவு