ரஸித்த சிறுகதை

by **அ.இராமநாதன்** Tue Sep 03, 2013 2:45 pm

தீய பழக்கங்களிலிருந்து தன் மகனை விடுவிக்க வேண்டுமென்று ஒரு தந்தை ஒரு ஞானியிடம் கேட்டுக்கொண்டார்.
-
அவனை ஞானி காட்டுக்குள் அழைத்துச் சென்று ஒரு புல்லைக் காண்பித்து ‘ இதை பிடுங்கி எறி’ என்றார். பையனும் இரு விரல்களால் புல்லைப் பிடுங்கி எறிந்தான்.
ஒரு சின்னச் செடியைக் காட்டி இதை அகற்று என்றார் ஞானி. கையால் அதை இழுத்துப் பிடுங்கி எறிந்தான் அந்தப்பையன்.
-
கொஞ்சம் பெரிய செடியைக்காட்டி அதையும் அகற்றச் சொன்னார் ஞானி. கொஞ்சம் போராடி, செடியை இரு கைகளலும் பிடுங்கி எறிந்தான் அவன்.
-
ஒரு மரத்தைக் காட்டி இதை அகற்று என்றார் ஞானி. சிறுவன் ‘அதை எப்படி அகற்ற முடியும்?” என்றான்.
-
ஞானி அமைதியாக, ‘ தீய பழக்கங்களும் அப்படித்தான். சிறியவையாக இருக்கும்போதே அவற்றை அகற்றாவிட்டால் அவை மரமாக வேறோடிப்போகும். அப்புறம் அவற்றை யாராலும் நீக்க முடியாது’ என்றார்.
-
சிறுவன் உணர்ந்து மனம் தெளிந்தான்..