நன்றி கூறிய லால்பகதூர் சாஸ்திரி!

by **அ.இராமநாதன்** Tue Sep 03, 2013 2:46 pm

காமராஜர் தமிழக முதல்வராக இருந்த காலகட்டம்.
காங்கிரஸ் கட்சிப் பணிக்காக பலர் அமைச்சர் பதவியை விட்டு
விலகும் காமராஜர் திட்டம் செயல்படுத்தப்பட்டது.
-
அதன்படி லால்பகதூர் சாஸ்திரி, காமராஜர் போன்றோர் பதவியை
விட்டு விலகினர். காமராஜர் அகில இந்திய காங்கிரஸ் கமிட்டியின்
தலைவரானார்.
-
அச்சமயம் மதுரையில் ஒரு பொதுக்கூட்டத்திற்கு ஏற்பாடு
செய்யப்பட்டது. சாஸ்திரியும் காமராஜரும் கலந்து கொண்டனர்.
-
லால்பகதூர் சாஸ்திரி பேசும்போது, “”எனக்கும் தமிழ்நாட்டிற்கும்
நெருக்கமான தொடர்புண்டு. எவ்வாறு எனில் என் அமைச்சர் பதவி
இருமுறை பறிபோவதற்குத் தமிழ்நாடுதான் காரணமாக இருந்திருக்கிறது…”
என்று சிரித்துக் கொண்டே கூறினார்.
-
கூட்டத்தில் ஒரே பரபரப்பு. தமிழ்நாட்டைப் பற்றி குறை கூறப்போகிறாரோ?
என்று மக்கள் நினைத்தனர். அதனைப் புரிந்து கொண்ட சாஸ்திரி,
-
“‘தமிழகத்தைப் பற்றி குறைசொல்லப்போகிறேன் என்று பயப்படாதீர்கள்.
அரியலூர் விபத்தின் போது ரயில்வே அமைச்சர் பதவியை விட்டுவிலகினேன்.
அடுத்து நம்முடைய பெரும் தலைவர் காமராஜர் பெயரில் உருவான
திட்டத்தின்படி இன்று அமைச்சர் பதவியைவிட்டுவிலகிவிட்டேன்.
எனக்கு தொடர்ந்து பதவி வெறி ஏற்படாமல் தடையிட்ட உங்களுக்கு
நன்றியைத் தெரிவித்துக் கொள்கிறேன்…” என்று கூறவும் கூட்டத்தினர்
அனைவரும் மகிழ்ச்சி ஆரவாரம் செய்தனர்.
-
————————————–
நன்றி : தினமணி (ஞாயிறு கொண்டாட்டம்).