கல்விச் செல்வம்....

by **Aathira** Sun Jul 04, 2010 4:13 pm

[You must be registered and logged in to see this link.]

[You must be registered and logged in to see this image.]

வாழ்கின்ற நாட்கள் வரையில்
வழித்துணை என்று எண்ணி
குவித்திடும் செல்வம் ஓர்நாள்
கள்வனால் கவரப் படலாம்!

மங்கைதான் மகிழ்ந்து அணியும்
தங்கமும் வைரமும் ஓர்நாள்
நங்கையின் உடலை விட்டே
நீங்கியும் போகக் கூடும்!

சீற்றமே காற்று கொண்டால்
கட்டிய ஆடை கூட
ஒட்டிய உறவை விட்டே
ஓடிடும் அவலம் உண்டு!

நாளுடன் கோளும் பார்த்து
ஆழமாய் அடிக்கல் நாட்டி
கட்டிய மனையும் கூட்
கட்டழல் உண்ணப் போமாம்!

பெருமழை பெய்யும் நாளில்
பெருகிடும் வெள்ளம் தானே
பெற்றுள்ள பொருளை எல்லாம்
பேயென இழுத்து போமாம்!

அமிழ்தினும் இனிமை பயக்கும்
அவயத்து முந்து மகனும்
அரிவையின் காதல் கூடி
பிரிவையும் கொள்ளக் கூடும்!

மாறிடும் கருத்து உணர்வால்
மங்களம் என்னும் மனையும்
வின்மீனும் பகலும் போல
விலகிடும் நிலையும் உண்டு!

நவில்தரும் நூல்நயம் போல்
பிரியலர் கொண்ட நட்பும்
இருவினை சேரும் காலை
செருமுனை ஆகு மன்றோ!

மானுடப் பையுள் அடையும்
உயிர்வளி என்னும் காற்றும்
காலனின் பாசக் கயிற்றால்
கட்டுடல் விட்டுப் போகும்!

கள்வனால் கவர முடியா
ஒருமையில் கற்ற கல்வி
எழுமையும் பெருமை தருமே
முழுமையும் பெறுவீர் அதனை!

வெள்ளந்தான் அடித்துச் செல்லா
விழுமிய செல்வம் கல்வி
வேண்டிய பொருளை ஈந்தும்
ஈண்டுவீர் அதனை இன்றே!

மலையென பெற்ற செல்வம்
அலையென கரைந்த போதும்
நல்வழி காட்டும் கல்வி
செல்வழி பீடு சேர்க்கும்!

கொடையெனும் உயர்ந்த பண்பால்
கொடுத்திடும் கல்வி மட்டும்
பெறுபவர் அன்றி கொடுப்பார்
இருவர்க்கும் இன்பம் பயக்கும்!

எண்ணுடன் எழுத்தும் வாழ்வின்
கண்களாய் வண்ணம் கூட்டும்..
இன்னலைத் தீர்க்கும் செல்வம்
கன்னலாம் கல்வி சேர்ப்பீர்!!!!

ஆதிரா..

by **eeranila** Sun Jul 04, 2010 9:46 pm

கல்வியின் மேன்மையுணர்த்தும் அழகிய படைப்பு, சேர்த்த செல்வமெல்லாம் சிதறி போக, காலத்தால் அழியாது நம்மை காக்கும் கல்வி செல்வம் ஒன்றே. அழகிய அறிவுறுத்தல், நன்றி

by **gunathamizh** Mon Jul 05, 2010 12:01 pm

கல்வியே செல்வம்!! அடிதான் விழும் ஓ

by **Aathira** Wed Jul 07, 2010 7:33 pm

eeranila wrote:கல்வியின் மேன்மையுணர்த்தும் அழகிய படைப்பு, சேர்த்த செல்வமெல்லாம் சிதறி போக, காலத்தால் அழியாது நம்மை காக்கும் கல்வி செல்வம் ஒன்றே. அழகிய அறிவுறுத்தல், நன்றி

தங்கள் அழகான கருத்துரைக்கு மிக்க நன்றி ஈரநிலா அவர்களே.. தொடரும் கருத்துரைகளை என்றும் எதிர்நோக்கி.. <img src=

" longdesc="90" />

by **Aathira** Wed Jul 07, 2010 7:34 pm

மிக்க நன்றி குணா அவர்களே..

by **தமிழன்** Thu Jul 08, 2010 12:33 am

கவிதை அருமை. பகிர்வுக்கு மிக்க நன்றி.

by **Aathira** Sat Aug 14, 2010 1:44 am

தமிழன் wrote:கவிதை அருமை. பகிர்வுக்கு மிக்க நன்றி.

மிக்க நன்றி தமிழன்

by **RAJABTHEEN** Thu Jun 28, 2012 1:12 am

கவிதை அருமை. பகிர்வுக்கு மிக்க நன்றி.அம்முனிய கண்டு நாளாச்சி

by **ருக்மணி** Thu Jun 28, 2012 10:29 am

by **கலைநிலா** Thu Jun 28, 2012 10:41 am

தோழி தந்த வைர வரிகளுக்கு நன்றி

[You must be registered and logged in to see this image.]

by **pakee** Thu Jun 28, 2012 2:17 pm

அருமையான படைப்பு வாழ்த்துக்கள் தோழி மிக்க மகிழ்ச்சி

by **ஹிஷாலீ** Thu Jun 28, 2012 4:47 pm

by **அ.இராமநாதன்** Thu Jun 28, 2012 5:03 pm

ஒரு உண்மை சம்பவம்;

ரயில் விபத்தில் ஒரு காலை இழந்த ரவிச்சந்திரன் என்பவர்
தனது மகள்களை படிக்க வைக்க, தன் கெளரவத்தை விட்டு
விட்டு மதுரையில் பிச்சை எடுக்க ஆரம்பித்தார்.

பிள்ளைகளை படிக்க வைக்க வேண்டும் என்று கூறி தெருத்
தெருவாக சென்று பிச்சை எடுத்தார் ரவிச்சந்திரன்.
இவரின் இந்த நிலையை கண்டு பலரும் மனம் உருகி உதவி
செய்ய முன் வந்தனர்.
இதில் கிடைத்த பணத்தை வைத்து தனது மூத்த மகள்
வள்ளிமயிலை புதுக்கோட்டையில் உள்ள ஒரு பொறியியல்
கல்லூரியில் சேர்த்தார்.

தற்போது 2ஆம் ஆண்டு பி.இ. படித்து வருகிறார் வள்ளிமயில்.
2வது சுந்தரவல்லி பிளஸ்-1 தேர்வு எழுதியுள்ளார்
-
தொண்டு நிறுவனங்களும் அவருக்குதவ முன் வந்தன.
மாவட்ட ஆட்சியரும் ''படிப்பது தொடர்பாக எந்த உதவி
வேண்டுமானாலும் கேட்கலாம்'' என்று வாக்குறுதி அளித்தார் ...
-
அண்மையில், கர்நாடக மாநிலம் பெங்களூருவில் தந்தை
ஒருவரே, படிப்பு சரியாக வரவில்லை என்று கூறி மகளை
கோயில் வாசலில் பிச்சை எடுக்க வைத்தார்.
மகளை பிச்சை எடுக்க வைத்த தந்தை சிறையில்,

ஆனால் மகள்கள் படிப்புக்காக பிச்சை எடுக்கும் தந்தை
ரவிச்சந்திரன் நம் மனதில் நிற்கிறார்.

-
==================================================

by **ஹிஷாலீ** Thu Jun 28, 2012 5:07 pm

உண்மையில் இவர் தான் தெய்வம் அன்பு முத்தம்

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

கல்விச் செல்வம்....

கல்விச் செல்வம்....

Re: கல்விச் செல்வம்....

Re: கல்விச் செல்வம்....

Re: கல்விச் செல்வம்....

Re: கல்விச் செல்வம்....

Re: கல்விச் செல்வம்....

Re: கல்விச் செல்வம்....

Re: கல்விச் செல்வம்....

Re: கல்விச் செல்வம்....

Re: கல்விச் செல்வம்....

Re: கல்விச் செல்வம்....

Re: கல்விச் செல்வம்....

Re: கல்விச் செல்வம்....

Re: கல்விச் செல்வம்....

Re: கல்விச் செல்வம்....

Re: கல்விச் செல்வம்....