நவீனக் காதல் கவிதைகளின் புதியப் போக்குகள்

by **கவியருவி ம. ரமேஷ்** Thu Sep 12, 2013 8:13 pm

திடீரென்று உன் நினைப்பு[You must be registered and logged in to see this link.]
பற்றிக் கொண்ட நெருப்பாய்
ஈரமாய்
உலர்வாய்
இன்னும்
என்னென்னவெல்லாமோ

இறுதியில் வந்தாய்
நீ அணைத்துக் கொண்டது
கசகசப்பாய் இருந்தது
தீர்ந்து போயிருந்தது காதல்

லீனா மணிமேகலை

by **கவியருவி ம. ரமேஷ்** Thu Sep 12, 2013 8:15 pm

வேதனை எதுவுமில்லை.

உன்னை எந்த அறைக்குள்

பூட்டுவதெனத் தெரியாமல்
ஒவ்வொரு அறையாய்
மாற்றிக் கொண்டே
இறுதியில்

ஒரு அகதியைப் போல்

வெளியேற்றுகிறேன்.

கவிஞர் ரத்திகா

by **கவியருவி ம. ரமேஷ்** Thu Sep 12, 2013 8:17 pm

ஒரு குறைமாதச் சிசுவின்

அசைவென அவன் நினைவு

அன்பே
நாம் இணைதல் அசாத்தியம்
மணலில் பதிந்த சுவடுகளனைத்தையும்
காற்று கௌவித் தின்னட்டும்
எஞ்சியவை-
ஒரு சொல்
ஒரு முத்தம்

-மைதிலி

by **கவியருவி ம. ரமேஷ்** Thu Sep 12, 2013 8:18 pm

விஷப் பாம்பொன்று
என் மீதேறி
நிதானமாக
கடந்து போகிறது
புரிதலற்ற – உன்
பார்வைகளைச்
சந்திக்கும் பொழுதெல்லாம்

அ.வெண்ணிலா

by **கவியருவி ம. ரமேஷ்** Thu Sep 12, 2013 8:19 pm

வேதனையுடன் மறைந்து சென்றும்
பார்த்துவிட்டாய் நீ!
யாரோ போல் முகம் திருப்பியபோது
ஞாபகம் வந்தது . . .
உன்னோடு மணிக்கணக்கில்
பேசிய நாட்களும்
வெயில்படாமல் நீ என்னை
மறைத்து நின்றதுவும்

- மு.சத்யா

by **கவியருவி ம. ரமேஷ்** Thu Sep 12, 2013 8:20 pm

சோரம் மிகப் புனிதமானது
ஏனெனில் பணம் பத்திரங்கள் துச்சம் அதில்
பிறிதும் கண்மூடிக் காதல்
அதில்தான்
திறந்த முழு சரணடைவு
அதில்தான்,
அன்புடை நீ! மாசுபடுத்தாதே இதை.
இன்னொரு திருமணமாக்கி இதையும்.

- மாலதி

by **கவியருவி ம. ரமேஷ்** Thu Sep 12, 2013 8:22 pm

எனது பெண்ணைக்
கண்டுபிடிக்க முடிவதில்லை
அவள் எல்லா பேருந்து நிலையங்களிலும்
என் கண்களில் படாமல் ஒளிந்து கொள்கிறாள்
அவளைத் தேடிச் சலித்த கண்களில்
முலைகளும், பிருஷ்டங்களுமே
படுகின்றன.

லட்சுமி மணிவண்ணன்

by **கவியருவி ம. ரமேஷ்** Thu Sep 12, 2013 8:23 pm

இன்று நான்
முழுக்க முழுக்க
காமத்தால் நிரம்பியிருக்கிறேன்
அவ்வளவு
இணக்கமாக இருக்கிறேன்
இந்த உலகத்தோடு

-மனுஷ்ய புத்திரன்

by **கவியருவி ம. ரமேஷ்** Thu Sep 12, 2013 8:24 pm

நீ பிராயத்தைக் கரையவிட்ட
அதே நதியின் கரையில்தான்
உன் மகளும் அமர்ந்திருக்கிறாள்
அமைதியாக

-சங்கர் ராமசுப்ரமணியன்

by **கவியருவி ம. ரமேஷ்** Thu Sep 12, 2013 8:25 pm

கண்ணன் தன் தோழர்களுக்குச் சொல்கிறான்
ராதா இப்பொழுது வந்து விடுவாள்
கண்ணன் ஒன்றும் அவ்வளவு சுயநலக்காரனல்ல
தனது தோழர்களில் சிலரும்
ராதாவுக்காகக் காத்திருக்கிறார்கள் என்பதை
அறியாதவனும் அல்ல
வீட்டு முற்றங்களில் சாலையோரங்களில் தியேட்டர் இருளில்,
போக்குவரத்து சிக்னல் விளக்குகளின் கீழ்
இன்னும் பலரும் ஆங்காங்கே பதுங்கியிருக்கிறார்கள்.

ஒரே நேரத்தில் உங்களுக்காகவும் எல்லோருக்காகவும்
தனித்தனியே தோன்றி
காதலை வழங்குபவள்தான் ராதா
பார்வையாளராகிய நீங்களும் அறிந்தேயிருக்கிறீர்கள்.

-செல்மா

by **கவியருவி ம. ரமேஷ்** Thu Sep 12, 2013 8:26 pm

தலைவாரி பூச்சூடி மையிட்டு
நீ
காத்திருப்பது உன்

கணவனுக்குத்தான் என்றாலும்
மெல்ல மெல்லப் படியேறி வரும்
என்னைக் கண்டும் சிலிர்க்கிறாய்.

-மகாதேவன்

by **கவியருவி ம. ரமேஷ்** Thu Sep 12, 2013 8:28 pm

உள்ளாடைக்குள் பணத்தை வைத்துக்கொண்டு
மேலாடையைச் சரி செய்தபடி
கதவு திறந்து புறப்பட்ட நீ
திரும்பி வந்து தந்த முத்தத்தை
நான் மறக்க மாட்டேன்.

-மகாதேவன்

by **கவியருவி ம. ரமேஷ்** Thu Sep 12, 2013 8:29 pm

எறும்புத்திண்ணிகள் மிகவும் சாதுவானவை ரொம்ப நல்லவை
எனக்கு உங்களைப் பிடித்திருக்கிறது என்றவளே!
என்னைப் போலவே ஒரு எறும்புத்திண்ணியைப்
பரிசாகத் தருகிறேன் படுக்கைக்கருகில் வைத்துக்கொள்.

-ஸ்ரீபதி பத்மநாபன்

by **கவியருவி ம. ரமேஷ்** Thu Sep 12, 2013 8:30 pm

ஒரு பெண்ணைச் சேர்த்துக்கொண்டு
திரிகிற துக்கம் தாளவில்லை எனக்கு
என் விதைப்பையைச் சிதைப்பதற்கு
அல்லது உறங்கும்போது தலையில்
கல்லை வீசிவிட்டுப் போக
அவளுக்கு முகாந்திரங்களுண்டு

-யவனிகா

by **கவியருவி ம. ரமேஷ்** Thu Sep 12, 2013 8:32 pm

உன் முகம் தீய்ந்த தீயில்
அமிலங்கள்
நெஞ்சில் சுரக்கின்றன

வாழ்நாளின் பக்கங்கள்
கண்ணீரில் கடக்கின்றன;

சமூகத்தின் குற்றத்தில்
காதலும் கைதானதே
தான் தைத்த நாகரிகச் சட்டையை
தன் கையால்
கிழித்துப் போட்டதே;

கண்ணில் தூசெனில்
துடிக்கும் கரங்களிரண்டில்
கசங்கிப் போய் வீழ்ந்தவளே
இன்று காணாமல் போனதேன்…?

காலத்தின் தீர்ப்பில்
கலையும் மை வாங்கி
வாழ்க்கையைத் திருத்த எண்ணி
உன் குரலைச் சாட்சி வைத்தவள்
உயிரையா விட்டுப் போவாய்..?

வினோதினி என்றும்
வித்யா என்றும்
உயிர்கள்
சொட்டு சொட்டாய். . .
சொட்டு சொட்டாய். . .
கொப்பளித்துக் கொப்பளித்து

வடிந்த ரத்தத்தில்
காதல்’ அமிலத்தினும் காரமானதே,

வாழ்க்கை. . .
பெண்ணைப் பெற்றவர்க்குச் சாபமானதே;

ஒரு சமூகத்தையே துடிக்கவைத்த ரணத்தை
உடம்பெல்லாம் தாங்கி
உயிர்வலிக்க. . . வலிக்க. . .
நீ முனங்கிய முனகல்களில்
எரித்தவனின் கையை விட
அவனை அப்படி வளர்த்த

இச்சமுகத்தின் கைகளுக்கே
அதிகம் வலித்திருக்கக் கூடும்..

இனி யாருக்கு வலித்து
யாருக்கென்ன லாபம்
நீ போனவள் போனவளில்லையா?

எரிந்தவள்
சாம்பல் தானில்லையா.. ?

ஆனால்
பெண்ணைப் பெற்றவளுக்கு
அடி வயிற்றில் எரியும்

நெருப்பொன்று உண்டு
தோள்மீது தாங்கியவனுக்கு
மார்மீது சுடும் தீயொன்று உண்டு
அது இனி எல்லோருள்ளும்

சுடர்விட்டு எரியும்

காட்டுத் தீயேனப் பரவி
அவனைப் போன்றோரை தேடித் தேடிக் கொல்லும்
அவர்களின் மரணத்தில்
இனி உனைப்போன்ற

வினோதினிகளும். . . . . .

வித்யாக்களும் . . . . . . .
காப்பாற்றப் படலாம்..

-

[You must be registered and logged in to see this link.]

by **அ.இராமநாதன்** Fri Sep 13, 2013 2:08 pm

அனைத்துக் கவிதையும் பாராட்டுக்குரியதே...
-
நவீனக் காதல் கவிதைகளின் புதியப் போக்குகள் Naveena-kaathal-kavithai1

by **அ.இராமநாதன்** Fri Sep 13, 2013 2:14 pm

காதல் என்றாலே கிளுகிளுப்பு, மகிழ்ச்சி என்று சராசரி இளைஞனும் இளைஞியும் நினைக்கும் வேளையில் தொண்ணூறுகளுக்குப் பிந்திய தமிழ்க் கவிஞர்களின் நவீனக் காதல் கவிதைகள் வேறுபட்டனவாக உள்ளன.
-
மாறிவரும் ஆண்&-பெண் உறவின் புதிய போக்குகளையும், காதலின் பன்முகத்தன்மைகளையும் எவ்விதமான மனத்தடைகளற்று விவரிக்கும் காதல் கவிதைகள், இளைய தலைமுறையினரின் மனப்பதிவுகளையும் விளக்குகின்றன. அவை காதல் பற்றிய மரபு வழிப்பட்ட பார்வையைச் சிதைத்துப் புதிய போக்குகளை முன்னிறுத்துகின்றன.
---
>ந.முருகேசபாண்டியன்

by **கவியருவி ம. ரமேஷ்** Fri Sep 13, 2013 11:29 pm

கருத்துரையின் எடுத்துக்காட்டுக்கு மகிழ்ச்சி ஐயா

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

நவீனக் காதல் கவிதைகளின் புதியப் போக்குகள்

நவீனக் காதல் கவிதைகளின் புதியப் போக்குகள்

Re: நவீனக் காதல் கவிதைகளின் புதியப் போக்குகள்

Re: நவீனக் காதல் கவிதைகளின் புதியப் போக்குகள்

Re: நவீனக் காதல் கவிதைகளின் புதியப் போக்குகள்

Re: நவீனக் காதல் கவிதைகளின் புதியப் போக்குகள்

Re: நவீனக் காதல் கவிதைகளின் புதியப் போக்குகள்

Re: நவீனக் காதல் கவிதைகளின் புதியப் போக்குகள்

Re: நவீனக் காதல் கவிதைகளின் புதியப் போக்குகள்

Re: நவீனக் காதல் கவிதைகளின் புதியப் போக்குகள்

Re: நவீனக் காதல் கவிதைகளின் புதியப் போக்குகள்

Re: நவீனக் காதல் கவிதைகளின் புதியப் போக்குகள்

Re: நவீனக் காதல் கவிதைகளின் புதியப் போக்குகள்

Re: நவீனக் காதல் கவிதைகளின் புதியப் போக்குகள்

Re: நவீனக் காதல் கவிதைகளின் புதியப் போக்குகள்

Re: நவீனக் காதல் கவிதைகளின் புதியப் போக்குகள்

Re: நவீனக் காதல் கவிதைகளின் புதியப் போக்குகள்

Re: நவீனக் காதல் கவிதைகளின் புதியப் போக்குகள்

Re: நவீனக் காதல் கவிதைகளின் புதியப் போக்குகள்

Re: நவீனக் காதல் கவிதைகளின் புதியப் போக்குகள்