தேன் உற்பத்தியை அதிகரிக்க தேனீக்களுக்கு நோய் தொற்றை தவிர்க்க தெளிக்கப்படும் மருந்துகளால், முன்னணி கம்பெனிகளின் பிராண்டட் தேனில் மருந்துகள் கலந்திருக்கும் அதிர்ச்சி தகவல் வெளியாகியுள்ளது. அக்மார்க் முத்திரை பெற்று விற்கப்படும் கம்பெனி பிராண்டட் தேனிலும் மருந்து கலந்து இருப்பதாக அறிவியல் மற்றும் சுற்றுச்சூழல் மையம் (சிஎஸ்இ) நடத்திய ஆய்வில் தெரிய வந்துள்ளது.

இதுபற்றி ஆய்வறிக்கையில் கூறியிருப்பதாவது:

டெல்லியின் பல மார்க்கெட்களில் இருந்து 12 முன்னணி நிறுவனங்களின் தேனை வாங்கி தீவிர ஆய்வு நடத்தப்பட்டது. அவற்றில் 2 வெளிநாட்டு நிறுவனங்கள், 10 உள்நாட்டு நிறுவன தயாரிப்புகள் இருந்தன. அதில் 11 தயாரிப்புகளில் 6 ஆன்ட்டி பயாடிக் மருந்துகள் இருந்தது தெரிய வந்தது. ஆக்சிடெட்ராசைக்ளின், க்ளோராம்பெனிகால், ஆம்பிசிலின், எரித்ரோமைசின், யூரோப்ளோக்சின், சிப்ரோபிராக்சின் ஆகியவை அந்த ஆன்ட்டி பயாடிக் மருந்துகள். இவற்றை நீண்ட நாள் பயன்படுத்தினால் தீவிர உடல் நலக் குறைவுகள் ஏற்படும் ஆபத்து உள்ளது.

‘‘உள்நாட்டில் விற்பனை செய்யப்படும் தேனில் இருக்கும் இந்த ஆன்ட்டி பயாடிக் மருந்துகளின் அளவு, ஏற்றுமதி செய்யப்படும் தேனுக்கு அரசின் ஏற்றுமதி சோதனை கவுன்சில் (இஐசி) நிர்ணயித்துள்ள அளவைவிட இது 25 சதவீதம் வரை அதிகம்’’ என்று சிஎஸ்இ துணை இயக்குனர் சந்திரா பூஷண் தெரிவித்தார்.

தேனில் ஆன்ட்டிபயாடிக் மருந்து இருப்பது கலப்படமல்ல. காட்டில் இயற்கையான தேனை எடுப்பது கார்ப்பரேட் நிறுவனங்களுக்கு சாத்தியமில்லை என்பதால், பண்ணைகளில் தேனீக்களை வளர்க்கின்றனர். அவற்றுக்கு நோய்த் தொற்று ஏற்படாமல் இருக்க தெளிக்கப்படும் ஆன்ட்டி பயாடிக் மருந்துகள் தேன் அடையில் சேர்ந்து, கடைக்கு வரும் தேனிலும் கலந்திருக்கின்றன.

க்ளோராம்பெனிகால் மருந்து ஐரோப்பிய யூனியனில் தடை செய்யப்பட்ட ஒன்று. அது உள்நாட்டில் விற்பனையாகும் தேனில் அனுமதிக்கப்பட்ட 0.3 அளவைவிட 15 மடங்கு அதிகம் இருப்பது ஆய்வில் தெரிய வந்தது என்றார் அவர்.

கலப்படம் காரணமாக ஐரோப்பிய யூனியனைச் சேர்ந்த 27 நாடுகளில் இந்தியாவில் இருந்து தேன் இறக்குமதிக்கு தடை விதிக்கப்பட்டுள்ளது. ஆனால், இதுபோன்ற கண்காணிப்புகள், சோதனைகள், விதிமுறைகள் ஏதும் உள்நாட்டில் விற்பனையாகும் தேனுக்கு இல்லை என்பது வருத்தமான விஷயம் என்றும் சந்திரா கூறினார்.

இப்போது சுத்தமான தேனீ கிடைப்பது பெரும் கஷ்டம்.

தகவலைப் பகிர்ந்து கொண்டமைக்கு நன்றி நண்பா.