கேளடி என் கண்மணி

by sasikalav.nil Sat Sep 28, 2013 4:27 pm

நேற்று..........
ஓடும் நதியோடே
ஒழுகும் மீனானேன் ,
தூரப்பார்வையிலே
தூண்டில் போட்டாயே!
சிகரம் நான் காண
சிறகை விரித்தேனே
சிந்தும் சிரிப்பாலே
சிறையில் அடைத்தாயே!
ஆற்றின் கரையோடே
ஆலம் விழுதானேன்
அன்ன நடையாலே
அசைத்துப்போனாயே!
ஆடும் கொடிமேலே
அசையும் பூவானேன்.....
பஞ்சு விரல் கொண்டு
பறித்துப்போனாயே!
உரையும் பனிபோலே
உறுதி கொண்டேனே......
உதிரும் வார்த்தையிலே
உடைத்துப்போனாயே!
இன்று..............
உருகும் மனதாலே
எரியும் மெழுகானேன்.........
விரகம் இல்லாமல்
விலகிச்செல்லாதே!
நாளை...................
மழையின் துளிபோலே
மண்ணில் மறைவேனே....
மலரும் நினைவோடே -எனக்கு
மலரை படைக்காதே!!

by **கவியருவி ம. ரமேஷ்** Sat Sep 28, 2013 6:24 pm

ஆற்றின் கரையோடே
ஆலம் விழுதானேன்
அன்ன நடையாலே
அசைத்துப்போனாயே!
ஆடும் கொடிமேலே
அசையும் பூவானேன்.....
பஞ்சு விரல் கொண்டு
பறித்துப்போனாயே!
உரையும் பனிபோலே
உறுதி கொண்டேனே......
உதிரும் வார்த்தையிலே
உடைத்துப்போனாயே!

- வார்த்தைகளின் வலிதான் காதலர்களை ரணம் கொள்ளச் செய்கிறது...

கவிதை நன்றாக இருக்கிறது... பாராட்டுகள்