அடையாளங்கள்

by **அ.இராமநாதன்** Thu Oct 03, 2013 9:46 pm

[You must be registered and logged in to see this link.]

-
இராமர் வருடியதால்
முதுகில் மூன்று கோடுகளோடு
அணில்!
-
தோமையார் குறியிட்ட
சிலுவையோடு நண்டு!
-
யார் வரைந்தார்களோ?
நட்சத்திர ஓட்டுடன் ஆமைகள்
நட்சத்திர ஓட்டல்கள்
பாசமுடன் சூப் வைக்க!
-
அடையாளங்கள்!
ஆபத்தானவைதான்
----------------------------------------------------------
>நிர்மலாசுரேஷ்
நன்றி: கடிகாரக் குயிலும் கடல் குதிரையும் - கவிதைகள்

by sasikalav.nil Fri Oct 04, 2013 12:59 pm

"தோமையார் குறியிட்ட
சிலுவையோடு நண்டு!"
இதைக் குறித்து தெரியாது...கொஞ்சம் விளக்க முடியுமா..சார்...........

by **அ.இராமநாதன்** Fri Oct 04, 2013 9:18 pm

ஒருமுறை சவேரியார், சிலுவையை நெஞ்சில் அணைத்தவாறு,
ஒரு கப்பலின் மேல்தளத்தில் நின்று ஜெபித்துக்கொண்டிருந்தார்.
அப்போது சிலுவை கைகளில் இருந்து நழுவி கடலில் விழுந்தது. ச
வேரியார், கலங்கிய கண்களோடு தனது சிலுவை, மீண்டும்
கிடைக்காதா என்ற ஏக்கத்தில் கடலின் மேற்பரப்பை பார்த்தார்.
-
துறைமுகத்தை கப்பல் அடைந்தவுடன் துயரத்துடன் நின்று
கொண்டிருந்தார். அப்போது ஒரு நண்டு, கடலில் விழுந்த
சிலுவையை தனது கால் கொடுக்கில் இடுக்கி பிடித்தவாறு
சவேரியாரை நோக்கி வந்தது. அளவில்லா ஆனந்தத்தில்
துள்ளி குதித்த சவேரியார், சிலுவையை பெற்றுக்கொண்டு
அதை ஆசிர்வதித்தார். அன்றிலிருந்து அந்த நண்டின் முதுகு
தோட்டில் சிலுவை அடையாளம் அழுத்தமாக பதிந்தது.
மீனவர்களின் வலையில் சிலுவை அடையாளமிட்ட நண்டு
சிக்கினால் அதை பயபக்தியோடு விடுவிப்பது இன்றும் நடந்து
வருகிறது.
சிலுவை கிறிஸ்தவர்களின் அடையாளம் மட்டுமல்ல.
அது மீட்பின் வரலாற்று சின்னம். -தொடரும்
-
-------------------------------------------