என்னவள்!

by **bparthasarathi** Wed Dec 15, 2010 1:51 pm

என்னவள்!

அவள்
பேரழகி அல்ல!
ஆனாலும்
எனக்குப் பிடித்துப் போனாள்!

அவள்
பேரழகி அல்ல!
ஆனாலும்
என் உள்ளமதைக்
கொள்ளை கொண்டாள்!

அவள்
பேரழகி அல்ல!
ஆனாலும்
என் நினைவலைகளில்
நீங்கா இடம் பிடித்தாள்!

அவள்
பேரழகி அல்ல!
ஆனாலும்
என் இதய வாசல் திறந்து
என்னுள் குடி புகுந்தாள்!

அவள்
பேரழகி அல்ல!
ஆனாலும்
கவின்மிகு காட்சியாய்
என் சிந்தை நிறைந்தாள்!

அவள்
பேரழகி அல்ல!
ஆனாலும்
என் தனிமைக்குத் துணையானாள்!

அவள்
பேரழகி அல்ல!
ஆனாலும்
என் கவிதைக்கு
கரு தந்தாள்!

அவள்
பேரழகி அல்ல!
ஆனாலும்
என் உயிரின் உறவானாள்!

அவள்
பேரழகி அல்ல!
ஆனாலும்
என் உலகமானாள்!

என் தோல்விக்குத்
தோள் தந்தவள் அவள்!
என் வெற்றிக்கு
வித்திட்டவள் அவள்!

அவளை நான்
மனதில் சுமக்கிறேன்!
அதனால்
மரணத்தை வெறுக்கிறேன்!

இதை
இப்பொழுதே
அவளிடம் உரைக்கிறேன்!

கண்ணின் மணியே!
என் உயிர்
எனைப் பிரிந்திடினும்
நான் உனைப் பிரியேன்!

மரணமே
எனை வென்றிடினும்
மறுபடியும்
உனக்காய் உயிர்த்தெழுவேன்!

என்னவளே!

நீ
எனக்கே கிடைக்க வேண்டும்!
கிடைப்பாய்!

என்றும்
சுயநலத்தோடு நான்!

'தமிழ் நேசன்'
பா.பார்த்தசாரதி,
[You must be registered and logged in to see this link.]

by **kavithaigal** Wed Dec 15, 2010 4:30 pm

என்னவள் எனும்
வரிகளில்
உன்னவளைக் கண்டேன்
உன்னவள் என்றும்
உன்னவளாய்
உறுதியுடன் தொடர வாழ்த்துகிறேன்
உளமார . . .

அன்புடன் கவிதைக்காக கந்தவேல்குமரன் தமிழ் அரங்கம்

by **நிலாமதி** Wed Dec 15, 2010 6:47 pm

என்னவளே!

நீ
எனக்கே கிடைக்க வேண்டும்!
கிடைப்பாய்!

கிடைக்கக் வாழ்த்துக்கள்.

by **manjubashini** Wed Dec 15, 2010 9:07 pm

காதலில் சின்ன சின்ன செல்லக்குட்டும்
ஊடலில் தொடர்ந்து அன்பில் முடிந்து
மனதில் சந்தோஷம் தனை நிறைத்து
கவிதையால் காதலியை மகிழ்விக்க
அழகிய முத்து வரிகளால் கவி சூட்டிய பார்த்தசாரதிக்கு என் அன்பு வாழ்த்துக்கள்....