“தீபாவளி போனஸ் பணத்தை ஒழுங்கா கொடுத்திடு!”
 “உன்னைவிட ஒருத்தன் முந்திகிட்டான்!”
  “யார் அவன்?”
  ‘கடன் கொடுத்த சேட்டு!”
                
நன்றி -ஜீவி
**************************
பாருய்யா அக்கிரமத்தை! 
நம்ம ஸ்டேஷன்ல அவங்களுக்கு 
கல்யாணம் பண்ணி வச்சாங்களாம்.. 
அதுக்காக தலை தீபாவளி இங்கேதான் 
கொண்டாடுவேன்னு ஒரேடியா 
அடம்பிடிக்கிறான் கேடி கபாலி!”

****************************
உப்பிட்டவரை உள்ளளவும்
 நினைக்கணும் அதுதான் உயர்ந்த பண்பாடு!
அதுக்காக தீபாவளி ஸ்வீட்ட உப்பை போட்டுச் சாப்பிடா சொல்றதா?!

****************************
ஒரு பட்டுப்புடவை செலக்ட் பண்ண பத்துக்கடை ஏறி இறங்குறியே ஞாயமா?
ஒரு பெண்டாட்டியை செலக்ட் 
பண்ண நீங்க முப்பது வீடு ஏறி இறங்கினேன்னு பீத்திக்கலை!
                    
-வெ. சீதாராமன்.

****************************
அடடா என் வீட்டுக்காரகிட்ட 
உனக்கும் ஒரு புடவை எடுத்துவரச் சொல்ல மறந்துட்டேனே!
 கவலையை விடுங்கம்மா! அதெல்லாம் அவர் கரெக்டா செஞ்சிடுவாரு!
                               
-கமுதி எஸ்.ஜெயராமன்

****************************
கடைக்காரன் நல்லா ஏமாத்திட்டான் தரைச் சக்கரம் சுத்தமாட்டேங்குது!

முதல்ல கண்ணாடியை மாட்டித் தொலைங்க அது கொசுவத்திச் சுருளு...!
                                  
- தஞ்சை தாமு
*********************************

மாப்பிள்ளைக்கு காது கேக்காதுங்கற விஷயம் தலை தீபாவளி அன்னிக்குத்தான் தெரிஞ்சது!

   எப்படி?

இந்த வருஷம் தீபாவளிக்கு ஏன் யாருமே பட்டாசு வெடிக்கலைன்னு கேட்டாரு!

                          - வி சாரதி டேச்சு
************************************
தீபாவளி அன்னிக்கு நீங்களே பலகாரம் செய்யப்போறதா உங்க ஹஸ்பெண்ட் கிட்ட சொன்னீங்களா?

ஆமா டாக்டர்! அதனால என்ன?

அதிர்ச்சியான விஷயம் எதுவும் அவர்கிட்ட சொல்லக்கூடாதுன்னு சொல்லியிருக்கேனா இல்லையா?
                                எஸ்.எஸ்.பூங்கதிர்.
***********************************