அதிசய உலகம்

உலகசாதனை பட்டியிலில் இடம்பிடித்த உலகின் மிகச்சிறிய நாய்!!

Enlarge this image
அதிசய உலகம் Worlds-Smallest-Dog

மனிதர்களால் உலகசாதனை நிகழ்த்துப்படுவது ஒரு வகை. விலங்குகளால் சாதனை நிகழ்த்தப்படுவது இன்னொரு வகை. இது போன்று வழமைக்கு மாறாக அல்லது இயற்கைக்கு மாறாக இருக்கும் சில விடயங்களும் உலகசாதனையாக அறிவிக்கப்படுவது வழமை.
இப்படித்தான் ஒரு நாய் உலகின் மிகச்சிறிய நாயாக அடையாளம் காணப்பட்டு உலகசாதனை புத்தகத்தில் இடம் பிடித்துள்ளது. இவ்அறிவிப்பு கடந்த வாரம் அறிவிக்கப்பட்டுள்ளது.
2 வயதாகும் குறித்த நாய்க்குட்டியின் எடை வெறும் 500 கிராம் மாத்திரமே. இதன் உயரம் 9.65 சென்ரி மீற்றர்கள் எனவும் அறிவிக்கப்பட்டுள்ளது. இதற்கு முன்னர் உலகின் மிகச்சிறிய நாய்க்குட்டியாக அறிவிக்கப்பட்ட அமெரிக்காவின் புளோரிடா மாநிலத்தை சேர்ந்த ஒரு நாய்க்குட்டி 10.16 சென்றி மீற்றர் உயரத்துடன் காணப்பட்டது.
எனினும் அதனை விட இந்நாய்க்குட்டி உயரம், எடை என்பவற்றில் குறைவாக இருப்பதானால் தற்போது உலகின் மிகச்சிறிய நாய்க்குட்டி ஆக உலகசாதனை பட்டியலில் இடம் பிடித்துள்ளமை குறிப்பிடத்தக்கது.

http://www.vavuniyanet.com/

கண்ணை நம்ப முடியாத ஓவிய படைப்புகள்..
ஸ்பெயின் நாட்டைச் சேர்ந்த இளம் ஓவியக்கலைஞரான ருபன் பெல்லோசோ அடோர்ன (Ruben Belloso Adorna) என்பவரால் வரையப்பட்ட ஓவியங்களே இவையாகும். இவரின் ஓவியங்கள் நிஜ உருவங்களை போன்றே பிரதிபலிப்பதால் மக்கள் மத்தியில் பலத்த வரவேற்பைப் பெற்றுள்ளது.

கின்னஸில் இடம்பிடித்த உலகின் மிகச் சிறிய கார்
உலகின் மிகச் சிறிய காரை வடிவமைத்துள்ள அமெரிக்கர் அதை சாலையில் ஓட்டிச் சென்று கின்னஸ் உலக சாதனை புத்தகத்தில் தன் படைப்பை இடம் பெறச் செய்துள்ளார்.
அமெரிக்காவை சேர்ந்த, அஸ்டின் கால்சன் கார் வடிவமைக்கும் பணிகளில் ஈடுபட்டுள்ளார். வித்தியாசமான பல கார்களை வடிவமைத்துள்ள இவர் ஏதேனும் புதுமை படைக்க வேண்டும் என்ற ஆவலில் சிறிய ரக காரை வடிவமைத்துள்ளார்.
இதன் பலனாக 25 அங்குல உயரமும் நான்கு அடி நீளமும் உடைய சிறிய ரக காரை வடிவமைத்துள்ளார். மிகச் சிறிய அளவில் வடிவமைக்கப்பட்டுள்ள இந்த காரை சாலையில் ஓட்டுவதற்கு சில முக்கிய அம்சங்கள் தேவைப்பட்டன.
இதன்படி பாதுகாப்பு கண்ணாடி, ஒலிப்பான், மற்றும் சீட் பெல்ட் போன்றவை சேர்க்கப்பட்டன. அதன் பின் சாலை போக்குவரத்து வாகன விதிகளின் படி அனைத்து அம்சங்களும் பூர்த்தி செய்யப்பட்டு தடையில்லா சான்றிதழையும் பெற்றார்.
அரசாங்க ஒப்புதலுடன் தான் வடிவமைத்துள்ள காரை சாலையில் ஓட்டிக் காண்பித்த கால்சன் தன் முயற்சியில் வெற்றி பெற்றுள்ளார். இதன் மூலம், கின்னஸ் உலக சாதனை புத்தகத்தில் உலகின் மிகச் சிறிய கார் என்ற பெருமையையும் இந்த கார் பெற்றுள்ளது.
அதிசய உலகம் Car2

சோதனைகளைக் கடந்து நீண்ட முடியுடன் சாதனை படைக்கும் பெண்!!
உலகில் எத்தனையோ சாதனையாளர்கள் குறித்து செய்திகள் வந்திருக்கக்கூடும். அனால் நீளத் தலைமுடி குறித்த சாதனையாளர் இந்தப் பெண் ஒருவராகத்தான் இருக்கமுடியும். இவரது சாதனையை முறியடிக்க வேறு எவரேனும் வருவார்களா என்பது சந்தேகத்திற்குரிய விஷயம் ஆகும்.
ஜோர்ஜியா நாட்டின் அட்லாண்டா நகரில் தனது மகனுடனும், இரண்டாவது கணவருடனும் வசித்து வருபவர் ஆஷா மண்டேலா ஆவார். 50 வயதாகும் இவர் கடந்த 25 வருடங்களாகத் தனது முடியைக் கத்தரித்துவிடாமல் கவனமுடன் பாதுகாத்து வருகின்றார்.
கடந்த 2008ம் ஆண்டில் நீளமான கூந்தலுக்கான முதல் பெண்ணாக இவர் கின்னஸ் சாதனைப் புத்தகத்தில் இடம்பெற்றார். அடுத்த வருடம் இவரது ஒரு முடிக்கற்றையின் நீளம் 19 அடி 6 அங்குலமாக இருந்தது.
இதனால் இவரே இவரது சாதனையை முறியடித்தவராக அறியப்பட்டார். அதற்கு அடுத்த வருடம் இதுபோல் பின்னப்பட்டிருக்கும் முடிக்கற்றைகள் மிக நீளமாக வளரும் தன்மை கொண்டிருப்பதால் கின்னஸ் புத்தகமே அந்த சாதனையைக் குறிப்பிடுவதை நிறுத்திவிட்டது.
சிறுசிறு பின்னல்களாக தனது முடியினை அலங்கரித்துக் கொள்ளும் ஆஷா வெளியில் செல்லும்போது குழந்தைகளை சுமந்து செல்லுவது போன்ற குறுக்குத் துணியினைத் தோளில் கட்டிக்கொண்டு அதில் தனது முடியை சுருளாக்கி வைத்துக் கொள்கின்றார்.
சென்ற வாரம் அளந்தபோது இவரது முடிக்கற்றையின் நீளம் 55 அடி 7 அங்குலமாக இருந்துள்ளது. 39 பவுண்ட் எடை கொண்ட இவரது முடி இவருக்கு ஏராளமான இரசிகைகளைப் பெற்றுத்தந்துள்ளது. இவரது முடி ஒன்பதாவது உலக அதிசயம் என்றும் இவரை நடமாடும் சரித்திரம் என்றும் இவரது இரசிகைகள் அழைக்கின்றனர்.
இரண்டு முறை மாரடைப்பு வந்தபோதும் புற்று நோயினால் தாக்கப்பட்டு மருத்துவம் செய்துகொண்ட போதும் இவரது முடி கொட்டவில்லை.
மருத்துவர்கள் இத்தனை நீளமான முடி சுகாதரத்திற்குக் கெடுதல் என்று கூறியுள்ள போதிலும் இதனைக் கத்தரிப்பதில் ஆஷாவிற்கு விருப்பமில்லை.

அதிசய உலகம் 57

ஹிட்லரின் கௌரவ குடிமகன் அந்தஸ்து பறிப்பு!!

ஜேர்மனியின் முன்னாள் ஆட்சியாளர் அடல்ஃப் ஹிட்லருக்கு 78 ஆண்டுகளுக்கு முன்னர் அளிக்கப்பட்ட கௌரவ குடிமகன் என்ற அந்தஸ்து பறிக்கப்பட்டுள்ளது.
ஹிட்லர் உயிரிழந்ததன் பின்னர் அவருக்கான கௌரவ அந்தஸ்தும் காலாவதியாகிவிட்டது என்பதால் இப்போது அதனை மீளப்பெற வேண்டிய அவசியமில்லை என்று அதிகாரிகள் சிலர் முன்னர் வாதிட்டிருந்தனர்.
எனினும் கோஸ்லார் நகரசபையில் ஹிட்லரின் விருதைப் பறிக்கும் இந்தப் பிரேரணை ஏகமனதாக நிறைவேற்றப்பட்டுள்ளது.
இந்த நகரசபை தனது கடந்தகால கறைபடிந்த வரலாற்றை மறைக்கப் பார்ப்பதாக அதன் எதிர்க்கட்சித் தலைவர் வாதிட்டிருந்தார்.
ஆனால் கோஸ்லார் நகரசபைக்கு அந்த கௌரவ பதவியை பறிப்பதற்கு சட்டரீதியான விழுமிய ரீதியான கடமை இருப்பதாக மற்றவர்கள் வாதிட்டனர்.
ஜேர்மனியில் ஹிட்லரின் ஆட்சிக்காலத்தில் சுமார் 4000 நகராட்சி மன்றங்களில் அவர் சுதந்திர மனிதனாக அதாவது எவ்வித கட்டுப்பாடுகளுமற்ற குடிமகனாக பிரகடனப்படுத்தப்பட்டிருந்தமை குறிப்பிடத்தக்கது.
அதிசய உலகம் Hitlor

அதிசயம் அதிசயம் தான் தொடருங்கள்

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

அதிசய உலகம்

அதிசய உலகம்

Re: அதிசய உலகம்

Re: அதிசய உலகம்

Re: அதிசய உலகம்

Re: அதிசய உலகம்

Re: அதிசய உலகம்

Re: அதிசய உலகம்

Re: அதிசய உலகம்

Re: அதிசய உலகம்

Re: அதிசய உலகம்

Re: அதிசய உலகம்