இயலாமையின் தண்டனை

by **Ponmudi Manohar** Mon Nov 04, 2013 10:18 pm

தீண்டும் நினைவுகள்
மீண்டும் தளம் விரிக்கையில்-உன்னையே
ஏன் தண்டிக்கிறாய்..?
இனியொரு இயலாமை
உன்னிடம் இல்லையெனினும்
உனக்குள் எங்கோ ஒளிந்திருக்கும்
இன்னொன்று பேருருவாய்
இனியுமொருத் தீவினையாய்
வந்திடுமோயென அய்யம்
எழுந்து நிற்கையில்
வழிப்பாதை தெரிந்தும்
விதியின் மாயை அறிந்தும்
உன் நிலை மட்டும் இழந்து
எத்தனை முறை அழப்போகிறாய் ?
வீழ்வது விவேகங்களல்ல
உன் ஊகங்களே.....
தீண்டாத நினைவுகளை
வேண்டாமல் புனைவதேன் –அதில்
மண்டியிடுவதேன் ?
மனதோடு வா,
காண்பதெல்லாம் வெளிச்சம் தானே !
இன்னும், இந்த விடியலில்

எதைத் தேடியலைகிறாய் ?