எல்லாமே தமிழ் எழுத்தால் எழுதினாலே தமிழ் வாழும் ! இல்லையேல் தமிழ் வீழும் ! கவிஞர் இரா .இரவி !

by **eraeravi** Tue Nov 05, 2013 9:46 pm

எல்லாமே தமிழ் எழுத்தால் எழுதினாலே தமிழ் வாழும் !
இல்லையேல் தமிழ் வீழும் ! கவிஞர் இரா .இரவி !

' கனியிருப்பக் காய்கவர்ந் தற்று ' திருவள்ளுவர்
கற்கண்டாய் வடித்த குறள் இதற்கும் பொருந்தும் !

கனியாக நல்ல தமிழ் எழுத்துக்கள் இருக்கையில் !
காயான பிறமொழி எழுத்துக்கள் எதற்கு ?

பாலோடு நஞ்சு கலந்தால் பாலும் நஞ்சாகும் !
பழந்தமிழ் எழுத்தோடு வேறு கலத்தல் தீங்கு !

நம் மொழி தமிழ் எழுத்துக்கள் இருக்க !
வடமொழி எழுத்துக்கள் நமக்கு எதற்கு ?

அழகுத்ததமிழ்ச் சொற்களில் திட்டமிட்டு !
அவர்கள் வடமொழிச் சொற்கள் கலக்கின்றனர் !

வடமொழி எழுத்துக்களைச் சேர்த்து எழுதுவதை !
வேண்டுமென்றே வழக்கமாக கொள்கின்றனர் சிலர் !

என்ன வளம் இல்லை நம் தமிழ்ச் சொற்களில் !
ஏன் கையை ஏந்த வேண்டும் பிற சொற்களிடம் !

உணவில் கலப்படம் உடல் நலத்திற்குக் கேடு !
மொழியில் கலப்படம் மொழி வளத்திற்குக் கேடு !

அமுதமொழி உலகின் முதல்மொழி தமிழ் இருக்க !
அந்நிய மொழிச் சொற்கள் தமிழில் எதற்கு ?

தமிழ் எழுத்தால் மட்டுமே எழுதுவோம் !
தமிழ் அல்லாத எழுத்துக்களை மறப்போம் !

by **அ.இராமநாதன்** Wed Nov 06, 2013 2:25 pm

தமிழில் ஊடுருவி நிலைத்து விட்ட
பிற மொழிச் சொற்களை இனி நீக்குவது
கடினம்...
-
அந்த சொற்கள் அனைத்தும் தமிழ்ச்
சொற்களாக ஏற்றுக்கொள்ளப்பட்டதாகவே
கருத வேண்டும்...
-
பேசும்போது ஆங்கிலம் கலந்து பேசுவது,
தமிழனிடம் பேசும்போது, தமிழ் இருக்க
ஆங்கிலத்தில் பேசுவது போன்ற நடவடிக்கைகளை
குறைக்க வேண்டும்...
-
முக்கியமாக தொலைக்காட்சிகளில் பேட்டி
எடுப்பவர்கள் நல்ல தமிழில் கேள்வி கேட்கலாம்..
பதில் சொல்பவர்கள் தமிழ் தெரிந்திருந்தும்
ஆங்கிலம் கலந்து பேசினால், அவர்களை
தமிழிலேயே பேசுமாறு வலியுறுத்தலாம்...
-
இப்படி சின்ன சின்ன திருத்தங்களை மேற்கொண்டாலே
தமிழ் வாழும்...

அருமை

by **eraeravi** Wed Nov 06, 2013 7:29 pm

பேச்சு எழுத்து இரண்டிலும் முழுமையான தமிழ் ஆக முயற்சிப்போம் .

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

எல்லாமே தமிழ் எழுத்தால் எழுதினாலே தமிழ் வாழும் ! இல்லையேல் தமிழ் வீழும் ! கவிஞர் இரா .இரவி !

எல்லாமே தமிழ் எழுத்தால் எழுதினாலே தமிழ் வாழும் ! இல்லையேல் தமிழ் வீழும் ! கவிஞர் இரா .இரவி !

Re: எல்லாமே தமிழ் எழுத்தால் எழுதினாலே தமிழ் வாழும் ! இல்லையேல் தமிழ் வீழும் ! கவிஞர் இரா .இரவி !

Re: எல்லாமே தமிழ் எழுத்தால் எழுதினாலே தமிழ் வாழும் ! இல்லையேல் தமிழ் வீழும் ! கவிஞர் இரா .இரவி !

Re: எல்லாமே தமிழ் எழுத்தால் எழுதினாலே தமிழ் வாழும் ! இல்லையேல் தமிழ் வீழும் ! கவிஞர் இரா .இரவி !

Re: எல்லாமே தமிழ் எழுத்தால் எழுதினாலே தமிழ் வாழும் ! இல்லையேல் தமிழ் வீழும் ! கவிஞர் இரா .இரவி !