நகைச்சுவை நடிகர் சிட்டிபாபு இன்று காலமானார்

by danger224 Fri Nov 08, 2013 10:08 pm

பிரபல நகைச்சுவை நடிகர் சிட்டிபாபு உடல்நலக் குறைவால் சென்னையில் இன்று காலமானார். தூள், சிவகாசி, திண்டுக்கல் சாரதி, திருவண்ணாமலை, மாப்பிள்ளை உள்பட பல படங்களில் நகைச்சுவை வேடங்களில் நடித்தவர் சிட்டிபாபு.

இவர் ஏற்கனவே சில வருடங்களுக்கு முன்பு இருதய கோளாறு காரணமாக, 'பைபாஸ் சர்ஜரி' செய்து கொண்டார். அதன்பிறகு 2 வருடங்களாக அவர் நடிக்காமல் ஓய்வில் இருந்தார்.

[You must be registered and logged in to see this image.]சமீபகாலமாக அவர் மீண்டும் படங்களில் நடிக்க ஆரம்பித்தார்.

ஆனாலும் உடல்நிலை ஒத்துழைக்கவில்லை. கடந்த 4ந் தேதி அவர் திடீரென மயங்கி விழுந்தார்.

கவலைக்கிடமான நிலையில், அவரை சென்னை முகப்பேரில் உள்ள தனியார் மருத்துவமனையில் சேர்த்தனர்.

இந்நிலையில் நடிகர் சிட்டிபாபு சிகிச்சை பலனின்றி சென்னையில் இன்று காலமானார்.

தமிழ்த்தோட்டம் சார்பாக ஆழ்ந்த இரங்கலை தெரிவித்துக்கொள்ளுகிறோம்

தமிழ்த்தோட்டம் சார்பாக ஆழ்ந்த இரங்கலை தெரிவித்துக்கொள்ளுகிறோம்

by **அ.இராமநாதன்** Sat Nov 09, 2013 10:31 pm

தொலைக்காட்சி நிகழ்ச்சிகளின் மூலம் பிரபலமான சிட்டிபாபு, 2003-ஆம் ஆண்டில் வெளிவந்த "பாய்ஸ்' படத்தின் மூலம் திரையுலகில் அறிமுகமானார். அதே ஆண்டில் வெளிவந்த "தூள்' படம் அவருக்கு திரையுலகில் சிறப்பான இடத்தை தந்தது.

தொடர்ந்து "சிவகாசி', "திருத்தணி', "திண்டுக்கல் சாரதி', "மாப்பிள்ளை' உள்ளிட்ட 50-க்கும் மேற்பட்ட படங்களில் நடித்துள்ளார். சில மாதங்களுக்கு முன்பு வெளிவந்த "மாசாணி' அவர் நடித்து வெளிவந்த கடைசிப் படமாகும்.
சிட்டிபாபுவுக்கு ஜெரினா என்ற மனைவியும், 2 மகள்களும், ஒரு மகனும் உள்ளனர். நந்தனத்தில் உள்ள பள்ளிவாசலில் இஸ்லாமிய முறைப்படி வெள்ளிக்கிழமை மாலை இறுதிச்சடங்குகள் நடைபெற்றன.