குண்டக்க மண்டக்க கேள்விகள்

by **உதுமான் மைதீன்** Thu Dec 16, 2010 9:20 pm

கேள்வி கேட்பது சின்ன வயசுல இருந்தே அனைவருக்கும் பழக்கமான ஒன்று சில கேள்விகள் சிரிப்பை வரவழைக்கும் சில கேள்விகள் அறிவை வரவழைக்கும்

சின்ன குழந்தைகள் கேட்கும் கேள்விகளுக்கு நம்மால் பதில் சொல்லி அவர்களுக்கு புரிய வைக்கமுடியாது உதாரணத்திற்க்கு டிவியில் வரும் ஹீரோவைப்பார்த்து அம்மா அவர் எப்படிம்மா சின்ன டிவிக்குள்ள போனாரு என்பது மாதிரியான கேள்விக்கு அந்தகுழந்தை புரிந்துகொள்ளும் வகையில் நம்மால் பதில் சொல்ல முடியாது நாம் என்ன சொன்னாலும் அதை புரிந்துகொள்ளும் மனநிலையிலும் அவர்கள் இருப்பதில்லை முடிவில் நானும் அந்த டிவிக்குள்ளாற போகணும் என்று அழுது அடம்பிடிக்கும் குழந்தைகளும் இருக்கின்றனர் இன்னும் சூரியன் கிழக்கே உதிக்குது மேற்கே உதிக்க கூடாதா என்று கேள்வி கேட்கும் குழந்தைகள்! மழை எப்படி வருது என்று சக்திக்கு மீறிய கேள்வி கேட்கும் குழந்தைகள் இருக்கின்றனர் (இந்த இடத்தில் நீதான அந்தக்குழந்தை என்று குறுக்கு கேள்வி கேட்பவர்களை பிலாக்கானந்தா மன்னிப்பாராக)

இன்னொரு தரப்பு வாத்தியாரிடம் டவுட் கேட்கும் மாணவர்கள் உதாரணத்திற்க்கு கணக்குப்பாடம் நடத்திக்கொண்டிருக்கும் கல்லூரி ஆசிரியரிடம் சார் ஒரு டவுட் நீங்க எவ்வளவோ கணக்கை கூட்டியும் பெருக்கியும் விடை வர வச்சுடறீங்க ஆனா நம்ம காலேஜ் கிளீன் பண்ற செல்லம்மா எவ்வளவு கூட்டிப்பெருக்கினாலும் குப்பைமட்டும்தான் வருது ஏன் சார்ன்னு டக்கால்டி கேள்வி கேட்குற பயலுக...

இங்லீஷை தமிழ்ல ஆங்கிலம்ன்னு சொல்றோம் அப்போ தமிழை ஏன் ஆங்கிலத்துலயும் தமிழ்ன்னு சொல்றோம் சார்? என்று குண்டக்கமண்டக்க கேள்விகளை கேட்கும் பார்த்திப டைப் ஆட்களும் இருக்கின்றனர்.

நம்ம பிறப்பை இறந்தகாலம் என்றும் இறப்பை எதிர்காலம் என்றும் சொல்வது ஏன் ? என்று கேள்வி கேட்கும் என்னை மாதிரி புத்திசாலியான? ஆட்களும் இருக்காங்க..

இப்படி கேள்வி கேட்பதென்பது என்னைப்பொறுத்தமட்டிலும் சுவாரஸ்யமான ஒரு விஷயம்.

நிப்பாட்டு நிப்பாட்டு ஏன் இவ்ளோ பில்டப்பு கொடுக்கிறன்னுதானே கேட்குறீங்க நானே சொல்றேன் அடுத்து வரப்போற ஸ்பெசல் வாரத்திற்க்காக இதுவரைக்கும் என்னை தொடர்ந்து படிக்கும் நண்பர்களான உங்களிடமிருந்து என்னிடம் கேட்க விரும்பும் கேள்விகளுக்கு நான் பதில் சொல்லப்போறேன்...என்ன ஸ்பெசல் பதிவுலக வந்து ரெண்டுவருசம் முடியப்போகுது அதையொட்டி வரப்போற ஸ்பெசல் பதிவுக்குத்தான் இத்தனை பில்டப்பு

கேள்விகள் வலைப்பதிவைப்பற்றியும், வலையுலகைப்பற்றியும், என்னைப்பற்றியும் மட்டுமே இருக்கவேண்டும்

தயவு செய்து பதில் சொல்லறமாதிரியான கேள்வி கேளுங்க நட்புகளே!

நீங்க எப்ப கடைய மூடுவீங்க? நீங்க லூஸா ? போன்ற கேள்விகளுக்கு தக்க சன்மானம் உண்டு..

முடிவில் குண்டக்க மண்டக்க என்று கேள்வி கேட்டு என்னை மடக்குவோருக்கு சிறப்பு பரிசு காத்திருக்கிறது...

பதில் சொல்ல நான் ரெடி கேள்வி கேட்க நீங்க ரெடியா?

ஆமா இவருபெரிய ஒபாமா இவர்கிட்ட நாம கேள்வி கேட்கணுமாக்கும் என்று சிலுப்பிக்கொள்பவர்களுக்கு கழுத்து சுளுக்க கடவதாக....