டாஸ்மாக்குகள்"எனும் முரண்பாடுகள் - ருத்ரா

by **கவியருவி ம. ரமேஷ்** Fri Dec 27, 2013 12:58 pm

டாஸ்மாக்குகள்"எனும் முரண்பாடுகள்.
=============================================ருத்ரா

அழகிய புள்ளிமான்.
அதை விரட்டிக்கொண்டு
கொடிய புலி.
இரண்டும் ஓடுகிறது.
புழுதி பறக்கிறது.
கடைசியில்
மானின் தொடை
புலியின் வாயில்.
துள்ளுகின்ற மானின்
குரல் வளையைக்குதறி
அதன் திமிறலுக்கு
ஒரு முற்றுப்புள்ளி வைக்கிறது புலி.
அப்புறம்
அதை இழுத்துக்கொண்டு
புலி தன் புதருக்கு கொண்டுபோகிறது
அங்கே
அந்த அழகிய புள்ளி
ஒவ்வொன்றும்
மறைந்து போகிறது.
இதன் விலா எலும்புகள்
விறைத்துக்கிடக்கின்றன.
மாட்டு ஈக்கள் மொய்க்கின்றன.
அவற்றின் நீலச்சிறகுகளிடயே
மானின் அழுகும் குருதி
"அனிமல் ப்ளேனட்" டி.வி.யில்
அற்புதமாய் கள களத்து
குமிழி காட்டிக்கொண்டு ஓடுகிறது.

எங்கோ ஒரு பெருமாள் கோயிலில்
கிருஷ்ணன்
"நானே புலியும் மானுமாய்
அவதரித்திருக்கிறேன்"
என்று
சொற்பொழிவு நிகழ்த்துகிறான்.
இதிலே
"சம்பவாமி யுகே யுகே" என்று
தம்பட்டம் வேறு.

நாம் தான்
நம் எண்டெர்டெயின்மெண்டுக்கு
"டாஸ்மாக்" டி.வி.
நடத்துகிறோம்.

இது ஒரு
சோசியல் சேடிஸம்.
மொத்த சமுதாயம்
ஒரு பகுதி அழுகி
புரையோடும்போது
அல்லது
மொத்த சமுதாயமுமே
ரத்த சகதியில்
புதைந்து கிடக்கும்போதும் அதில்
கீதையின் தேர்
உருட்டுகிறோம்.

சங்கத்தமிழின்
"நறியவும் உளவோ நீ அறியும் பூவே"
என்று
அந்த தும்பியிடம்
வேறு எங்கு நல்ல "டாஸ்மாக்"
கிடைக்கும்
என்று கேட்கிறோம்.

சோமம் எனும்
ஒரு வகை கஞ்சாச்செடியின்
சாறு பிழியும்
எந்திர இயக்கங்கள்
இத்யாதி இத்யாதி பற்றியும்
அந்தக்கள்ளை
இந்திரன்
மூக்கு மூட்டக்குடிக்கும் வரை
இந்திரனையே
இந்திரன் சந்திரன் என்று
புகழ்வது பற்றியும்
வரும் ஸ்லோகங்களையெல்லாம்
கழித்து விட்டால்
நமக்கு
ரிக்வேதமே கிடைக்காது.

மனிதனைக்
கரடு முரடாக‌
பொது நன்மையைக்கருதும்
ஒரு ரோபாவாக மட்டுமே
ஆக்க வேண்டும் என்று
மூர்க்கத்தோடு
எந்திரத்தனமாய்
மாற்றிவிடலாம்
என்று மனப்பால் குடித்த‌
மாபெரும் கம்யூனிசத்தையே
"நைட் க்ளப்"களும்
"வாட் 69 அல்லது ஒரு
ஷாம்பெய்ன்"பாட்டிலும்
கவிழ்த்துப்போட்டதே.

அறநூல்களையெல்லாம்
கூழாக்கி
அதில் ஒரு
"இறை மனிதனை"வார்த்து
அப்படியே
பில்லியன் கணக்காய்
அவனை அச்சடித்து விடவேண்டும்
என்று கனவு கண்டு
ஏறக்குறைய‌
அதையும் ஒரு
"டாஸ்மாக்"போதையாக்கி
கூவி கூவி
விற்றுக்கொண்டிருக்கும்
மதங்களும்
இப்படி
மண்ணைக் கவ்விக்கொண்டிருக்கிறதே.

ஆம்.
அந்த சோசியல் சேடிஸம் தான்
அதாவது
அந்த "சமுதாய வதையின்பம்"
நமக்கு
இலவசமாய்
எங்கு பார்த்தாலும்
கனக தாரா ஸ்தோத்திரமாய்
பொன் மழை கொட்டும் வரை
நம் நிழலானா
டாஸ்மாக்
நம்மையே தான்
ஆலிங்கனம் செய்து கொண்டிருக்கும்.

======================================================ருத்ரா

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

டாஸ்மாக்குகள்"எனும் முரண்பாடுகள் - ருத்ரா

டாஸ்மாக்குகள்"எனும் முரண்பாடுகள் - ருத்ரா