திருமலையில் பிப்ரவரி 6-இல் ரதசப்தமி உற்சவம்

by **அ.இராமநாதன்** Tue Jan 28, 2014 12:31 pm

--
திருமலையில், வரும் பிப்ரவரி 6-ஆம் தேதி, ரத சப்தமி உற்சவம் கோலாகலமாக நடைபெற உள்ளதாக, தேவஸ்தானம் தெரிவித்துள்ளது. ஆண்டுதோறும் பொங்கல் தினத்துக்குப் பின் வரும் உற்சவமான ரதசப்தமி விழா, பிப்ரவரி 6-ஆம் தேதி நடைபெற இருப்பதாக தேவஸ்தானம் அறிவித்துள்ளது. அன்றைய தினம் ஒரே நாளில் 7 வாகனங்களில், மலையப்பஸ்வாமி, நான்கு மாட வீதிகளில் வலம் வருவார்.
-
இதை காண ஆயிரக்கணக்கான பக்தர்கள் திருமலையில் கூடுவர் என்பதால் தேவஸ்தானம் முன்னேற்பாடுகளை செய்து வருகிறது. அன்று காலை, 5.30 – 8 மணி வரை சூர்ய பிரபை வாகனம், 9-10 மணி வரை சின்னசேஷ வாகனம், 11 – 12 மணி வரை கருட சேவை, மதியம் 1-2 மணி வரை அனுமந்த வாகனம், 2-3 மணி வரை தீர்த்தவாரி, மாலை 3-4 மணி வரை கல்பவிருட்ச வாகனம், 6-7 மணி வரை ஸர்வ பூபால வாகனம், இரவு 8-9 மணி வரை சந்திர பிரபை வாகனங்களில் மலையப்பஸ்வாமி மாட வீதியில் வலம் வர உள்ளார். அதனால், பிப்ரவரி 6-ல் ஆர்ஜித சேவைகள் ரத்து செய்யப்பட்டுள்ளன. சுப்ரபாதம், தோமாலை அர்ச்சனை முதலியவை, ஏழுமலையானுக்கு தனிமையில் நடத்தப்படும். ÷மேலும், வி.ஐ.பி. பிரேக் தரிசனமும் அன்று ரத்து செய்யப்பட்டுள்ளது.
-
மேலும், திருப்பதியில் உள்ள கோவிந்தராஜ சுவாமி கோயிலில் வரும் பிப்ரவரி 8-ஆம் தேதி முதல் 14-ஆம் தேதி வரை, தொடர்ந்து 7 நாள்கள் தெப்போற்சவம் நடைபெற உள்ளது. இதற்காக கோயில் திருக்குளம் சுத்தம் செய்யப்பட உள்ளதால் திருக்குளம் மூடப்பட்டு பக்தர்களுக்கு அனுமதி மறுக்கப்பட்டுள்ளது.
-
—————-
நன்றி: தினமணி

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

திருமலையில் பிப்ரவரி 6-இல் ரதசப்தமி உற்சவம்

திருமலையில் பிப்ரவரி 6-இல் ரதசப்தமி உற்சவம்