இள வட்ட கல்லை தூக்கினாத்தான் பொண்ணு கிடைக்கும்..!

by **அ.இராமநாதன்** Tue Feb 04, 2014 8:08 am

[You must be registered and logged in to see this image.]
-

(திருநெல்வேலி உணவகத்தில் உணவக முதலாளியும் சர்வரும்)

""கஸ்டமருக்கும் உனக்கும் என்ன பிரச்னை?
ஏன் டென்ஷனாகிச் சண்டை போடுற? ''

""இந்த ஓட்டல் எப்ப ஆரம்பிச்சுதுன்னு உனக்குத் தெரியுமான்னு
கேட்டாரு... தெரியாதுன்னு சொன்னேன்...
இவர் பழைய முதலாளியா? இல்லை புது முதலாளியான்னு
உங்களைக் கேட்டாரு.... தெரியாதுன்னேன்...
ஓட்டல்ல கிடக்கிற டேபிள்... சேர்... வட்ட கப் எல்லாம் எப்ப
வாங்கினதுன்னு தெரியுமான்னு கேட்டாரு... தெரியாது சார்ன்னு
சொல்லிட்டேன்...

கடைசியா பிளேட்ல கொண்டு வந்த வடையைப் பார்த்து...
இதாவது எப்பப் போட்டதுன்னு தெரியுமா?ன்னு கேட்டாரு...
அதான் கோபம் வந்துடுச்சு''
-
ஜி.வினோத், கிருஷ்ணாபுரம்.
-
-----------------------------------------
-
(தஞ்சாவூர் பழைய பேருந்து நிலையத்தில் உள்ள உணவகத்தில்)

""என்னங்க... இந்த மைசூர் பாகு டேஸ்ட்டே தனிதான்...இல்லையா?''

"".......''

""ஏன்... நல்லாதானே இருக்கு? ஒண்ணுமே சொல்ல
மாட்டேங்கிறீங்களே?''

""உன்னைப் பொண்ணு பார்க்க வந்துட்டு மைசூர் பாகு சாப்பிட்டு
நல்லா இருக்குன்னு நான் சொல்லப் போக... பொண்ணு நல்லா
இருக்குன்னு நான் சொன்னேன்னு நினைச்சு உன்னை எனக்கு
எப்ப கட்டி வைச்சாங்களோ... அப்பவே விட்டுட்டேன்
எப்ப மைசூர் பாகு சாப்பிட்டாலும் நல்லா இருக்குதுன்னு
சொல்றதை...''
-
எம்.ஸ்டாலின் சரவணன், கறம்பக்குடி.
-
-----------------------------------------
-
(நாகர்கோவில் பேருந்து நிலையத்தில் இரு கல்லூரி மாணவர்கள்)

""டேய் நீ லவ் பண்ற பெண்ணின் வீட்டின் முன்பு கிடக்குற
இளவட்டக் கல்லை நீ தூக்கினாத்தான் உனக்கு அந்தப்
பெண்ணைக் கொடுப்போம்னு சொன்னா என்ன செய்வ? ''

""அட போ மச்சி... பெண் பார்க்கப் போகும்போதே ஜே.சி.பி.
வண்டியோடதானே போவேன்''
-
சு.நாகராஜன், பறக்கை.
-
----------------------------------------------
நன்றி: பேல்பூரி - தினமணி கதிர்

by **அ.இராமநாதன்** Tue Feb 04, 2014 8:11 am

(பக்கத்து வீட்டில் கணவன் - மனைவி உரையாடல்)

மனைவி: என்னங்க... நம்ம நாய்க்குட்டி என்ன
ஒரு மாதிரியா கிடக்குது?

கணவன்: நேத்து நீ வைச்ச புளிக்குழம்பு சோத்தைச்
சாப்பிட்டதில் இருந்து இப்படியாயிடுச்சு!

மனைவி: ஆமாம்... உங்களுக்கும்தான் ஆபீசுக்குப்
போகும்போது கொடுத்தனுப்பினேனே?

கணவன்: என்ன மாதிரி விவரமா குழம்பைத்
தூர ஊத்துறதுக்கு நாய்க்குத் தெரியாதே!

அ.நந்தகுமார், ஏரல்.

[You must be registered and logged in to see this image.] [You must be registered and logged in to see this image.]

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

இள வட்ட கல்லை தூக்கினாத்தான் பொண்ணு கிடைக்கும்..!

இள வட்ட கல்லை தூக்கினாத்தான் பொண்ணு கிடைக்கும்..!

Re: இள வட்ட கல்லை தூக்கினாத்தான் பொண்ணு கிடைக்கும்..!

Re: இள வட்ட கல்லை தூக்கினாத்தான் பொண்ணு கிடைக்கும்..!

Re: இள வட்ட கல்லை தூக்கினாத்தான் பொண்ணு கிடைக்கும்..!