உனக்கு மட்டும் புரியும் உயிரே..!!!

என் விழியோரம் வழியும்
சிறுதுளி கண்ணீரின் சோகம்
கடலளவு சுமை கொண்டது
உனக்கு மட்டும் புரியும்
என் உயிரே ....!!!

நீ சிரிக்கும் போது
என் இதயம் அதிகம்
வலிக்கிறது அன்பே ...!!!

அடுத்து நீ என்னை
அழவைப்பாய் என்று
நினைக்கும் போது

நான் படும் துன்பம்
உனக்கு மட்டும்
புரியும் உயிரே...!!!

நான் கடைசியாக சிரித்த நாள்
உன்னருகில் நான் இருந்த நாள்
நீ என்னை மீண்டும் சந்திக்கா
விட்டால் -சிரிக்கும்
என் உதடல்ல -நீ
கொண்டுவரும் மலர்
வளையம் - நான்
இப்படி சொல்வது
உனக்கு மட்டும் புரியும் உயிரே

உன் மௌனம் தொடர்ந்தால்
என் மௌனம் தொடரும்
நிலையாக -இது
உனக்கு நன்றாக புரியும்
உயிரே

சிரிக்க தெரிந்த உன்
உதட்டுக்கு என்னை
கடிக்க தெரியவில்லை
கடிக்க தெரிந்த உன்
வார்த்தைகளுக்கு
என்னை சிரிக்க
வைக்க தெரியவில்லை

நீ என் மனதில் மாறா
வடுவை ஏற்படுத்தி
விட்டாய் ...!!!
அதை உனக்கு நான்
உணர்த்தவே என்
உடலில் வடுவை
ஏற்படுத்தினேன் ...!!!
உன் நினைவுகள்
நெருப்பாய் சுடுகிறது ...!!!