பாராட்டுங்கள் பாராட்டப்படுவீர்கள்!

by **அ.இராமநாதன்** Wed Apr 30, 2014 6:04 pm

புகழுக்கு மயங்காத அரசன் ஒருவன் அவன்
நாட்டில் போட்டி ஒன்று அறிவித்தான்.
“என்னை புகழ்ந்து நான் மகிழும்படி செய்பவர்களுக்கு
5000 தங்க காசுகள் என்று அறிவித்தான்.
-
மன்னனை மகிழ்விக்க எந்த முயற்சி வேண்டுமானாலும்
செய்யலாம்.. ஆனால் , அவர் மகிழவில்லை என்றால்
கடுமையான தண்டனை வழங்கப்படும் என்பது விதி.
-
கவிஞர்கள், புலவர்கள் , விகடகவிகள் என பலரும்
மன்னனை மகிழச் செய்ய பாடினார்கள், ஆடினார்கள்,
நகைச்சுவையாகப் பேசினார்கள் , பலவாறு புகழ்ந்தார்கள்,
-
தோல்வியைத் தழுவி சிறைத்தண்டனை அல்லது அடி
உதை பெற்று சென்றார்கள்.
-
ஒரு புத்திசாலி சிறுவனும் மன்னனை மகிழ்ச்சியுறச் செய்ய
போச்சியில் கலந்து கொண்டான்.
-
அவன் முறை வந்தபோது, ஒரு மாம்பழத்தை மன்னரிடம்
கொடுத்து ”அரசே! உலகிலேயே மிகவும் விலைமதிக்க
முடியாத மாம்பழத்தை இது” என்றான்
-
அதற்கு அரசன், “ஏய் பொடியனே …எல்லாவகை மாம்பழமும்
எனக்குத் தெரியும் .. “.என்று கர்ஜித்து ….. தன்
காவலாளிகளை அழைத்து…” இவன் சிறுவன் என்பதால்
இவனுக்கு பெரிய தண்டனை கொடுக்க வேண்டாம்… அவன்
கொண்டு வந்த மாம்பழத்தை அவன் வாயில் முழுமையாக
திணித்து அவனை உண்ண வையுங்கள் ” என்று கட்டளை
இட்டான். சிறுவனை நினைத்து அவை பரிதாபப் பட்டது.
-
ஆனால்..நம் சிறுவனோ … விழுந்து விழுந்து சிரிக்க
ஆரம்பித்தான் அடிதான் விழும் ஓ

-
“மன்னாதி மன்னனே! அடியேனை மன்னிக்கவும். இந்த
வரிசையில் தங்களைக் காண காத்திருக்கிறாரே அந்த
முதியவர் , அவர் நிலைமையை யோசித்துப் பார்த்த
போதுதான் அடக்கமுடியாத சிரிப்பு வந்து விட்டது என்றான்.
-
அரசனுக்கு சிறுவனின் செய்கை மிக்க ஆர்வத்தை
ஏற்படுத்தி விட்டது. ” என்னவென்று தெளிவாக சொல்”
என்று அரசன் கேட்டான்.
-
” மன்னா! நான் கொண்டு வந்ததோ ஒரே ஒரு
மாம்பழம்..அதை அப்படியே சாப்பிடும் படி தண்டனை
கொடுத்து விட்டீர்கள்.. ஆனால் அந்த பல் இல்லாதப்
பெரியவரோ மிகப்பெரிய பலாப் பழத்துடன் உங்களைக்
காண வந்திருக்கிறார்.. அவருக்கு இதே மாதிரி
தண்டனை கொடுக்கப்பட்டால் எப்படி இருக்கும்
என்று நினைத்துப் பார்த்தேன் …என்று சொல்லி
மீண்டும் சிரிக்க… அரசன் தன்னையும் மறந்து
அவையினரோடு சேர்ந்து விழுந்து விழுந்து சிரிக்க
ஆரம்பித்தான்.
-
சிறுவன், ” எங்கள் மன்னா! இந்த உலகில் புகழுக்கு
மயங்காத ஒருவன் உண்டு என்றால் ..அது நீங்கள்
மட்டும்தான் மன்னா!” என்றான்.
-
அரசனுக்கோ தலைக்கால் புரியவில்லை…தன்னை
மகிழ்வித்த அந்தச் சிறுவனை வெகுவாகப் பாராட்டி
பரிசுகள் வழங்கினான். பின் தன் தவறையும்
உணர்ந்து அப்பாவி மக்களை விடுதலை செய்து
மெய்யான புகழையும் பெற்றான்.
-
கதை சொல்லும் நீதி:
-
பாராட்டுங்கள் பாராட்டப்படுவீர்கள்!

பாராட்டுங்கள் பாராட்டப்படுவீர்கள்! மிக்க மகிழ்ச்சி

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

பாராட்டுங்கள் பாராட்டப்படுவீர்கள்!

பாராட்டுங்கள் பாராட்டப்படுவீர்கள்!

Re: பாராட்டுங்கள் பாராட்டப்படுவீர்கள்!