!!!மழை.!!!

by **வ.வனிதா** Mon Dec 20, 2010 6:05 pm

மழை ,
களவுற்றுக்
கருத்தரித்த மேகம்
நிலத்தில் ஈன்ற
முதல் குழந்தை....

காற்று மேகத்தைத் துரத்த,
மஞ்சள் நிற மேகம்
தஞ்சம் அடைந்திடும்
கருநீலப்போர்வைக்குள்....

பாரில்,
பசும்புல்லின் தலைமீதில்
மதில்கட்டிச் சதிராடும்
கற்றுக்குமிழே!
கலைகளுக்குள் கட்டுப்படாத
ரசனை நீ!

இந்திரன் செய்த தந்திரத்தால்
இடையறாது சிந்தி
இப்பிரபஞ்சத்தில்
சஞ்சரிக்கும் உனக்காகக்
காத்திருக்கின்றன,
சக்கரவாகப் பறவைகள்.....

வையம்வாழ் மக்கள் வாயில்
புகழிகழ் பெற்று
பெய்யாமல் பெய்யும்
பொற்சொட்டே !

உன்வருகைக்காகக்
காத்திருக்கும் சாலையோரத்
தருக்கள் புத்தளிர்களைத்
துளிர்க்கின்றன....

வாழ்வாங்கு வாழ்ந்து
வானுறைத் தெய்வமாகிய
வள்ளுவரின் வாயும்
வாழ்த்தாத துளியில்லை....

இன்னிசைகள் ஏழென்றால்
உன்னிசையை எட்டாவதாக
இணைக்கவல்லவர் யாரோ?

மழையே!
உன் சொட்டுக்கள்
என் முகப்பருக்கலாகுமானால் ,
மஞ்சளை மறந்திருப்பேன்,
நீ வந்த நாள் முதல்!!!

by **கவி கவிதா** Mon Dec 20, 2010 6:09 pm

அற்புதம். மழையில் நனைந்த அனுபவம் , அழகு தோழி

by **கவிக்காதலன்** Mon Dec 20, 2010 7:54 pm

ரசனையும் வரிகளும் அருமை

by **அரசன்** Mon Dec 20, 2010 8:04 pm

மழையே!
உன் சொட்டுக்கள்
என் முகப்பருக்கலாகுமானால் ,
மஞ்சளை மறந்திருப்பேன்,
நீ வந்த நாள் முதல்!!!//

நெகிழ்வான வரிகள் சகோ...
அனுபவிச்சி எழுதி இருக்கீங்க ... நல்லா இருக்குங்க வாழ்த்துக்கள் ...