பீர்பாலின் புத்திசாலித்தனம் எட்டுத் திக்கிலும் பரவி இருந்தது. அதனால் பக்கத்து நாட்டு ராஜாவுக்கு மிகவும் பொறாமை. இப்படி ஒருவர் நம் தேசத்தில் இல்லையே என்று. எப்படியாவது இந்த பீர்பாலை அவமானப்படுத்த வேண்டும் என்று யோசித்துக் கொண்டிருந்தார். யோசனை தோன்றியது. உடனே தன்னுடைய நாட்டில இருக்கும் அனைத்து வகையான அபூர்வ ரோஜாச் செடிகளையும் அக்பருக்குப் பரிசாக அனுப்பினார். அத்துடன் ஒரு வேண்டுகோளும் விடுத்தார். "என்ன தெரியுமா?"

"பிரியமான ராஜாவே! இதோ என்னு டைய சிறிய பரிசுகளை ஏற்றுக் கொள்ளுங் கள். எனக்கு நீண்ட நாட்ளாக ஒரு ஆசை இருக்கிறது. உங்களுடைய நாட்டு முட்டை கோஸ் சுவை ரொம்ப அருமையாக இருக்கு மாமே எனக்கு கொஞ்சம் அனுப்பி வையுங் கள். கூடவே உங்கள் பீர்பாலையும் அனுப் புங்கள். அப்படி ஒரு புத்திசாலி எங்கள் நாட்டுக்கு வர வேண்டும் என்று நாங்கள் ஆசைப்படுகிறோம்" என்று ஒரு கடிதமும் அனுப்பினார்.

அக்பருக்கு ஒரே தர்ம சங்கடமாய்ப் போய் விட்டது. முட்டை கோஸ் அவர்களது நாட்டுக்குப் போய்ச் சேர்வதற்குள் அழுகிவி டுமே. என்ன செய்வது என்று யோசித்தார்.

உடனே பீர்பால் வந்தார். "நான் கொண்டு போகிறேன் அரசே. எனக்கு 10 மாட்டு வண்டிகள் மட்டும் கொடுங்கள்" என்றார்.

அக்பரும் பீர்பால் கேட்டதெல்லாம் கொடுத்தார்.பீர்பால் பயணத்தைத் தொடங்கினார்.

சில காலம் கழித்து அந்த ராஜாவுடைய அரண்மனைக்குப் போனார் பீர்பால். "ராஜா நீங்கள் கேட்ட பரிசில்களைக் கொண்டு வந்திருக்கிறேன். ஆனால் நீங்கள் கொஞ்சம் அரண்ம னைக்கு வெளிய வர வேண்டும்" என்று சொன்னார்.

ராஜாவுக்கு ஒரே சந்தோஷம். எப்படியும் முட்டைக் கோஸெல்லாம் அழுகிப் போயிருக்கும். பீர்பால் அவமானப்படப் போகிறார் என்று நிணைத்துக் கொண்டே வெளியே வந்தார். வெளியில் வந்தவர் அதிர்ந்து போய் விட்டார்.

பீர்பால் என்ன செய்தார் தெரியுமா? அந்த மாட்டு வண்டியிலேயே முட்டைக் கோஸை விதைத்து எடுத்து வந்துவிட்டார். இந்த தேசத்துக்கு வருவதற்குள் நன்றாக விளைந்து சமைக்கத் தயாராக இருந்தது.

அந்த ராஜா பீர்பாலிடம் மன்னிப்புக் கேட்டு அவருக்கு நிறைய பரிசில்கள் கொடுத்து அனுப்பினார்.