உருவங்கள் மாறலாம் - விமர்சனம்

by **ranhasan** Thu May 08, 2014 5:17 pm

உருவங்கள் மாறலாம்
[You must be registered and logged in to see this image.]
கதாநாயகன்: Y.G. மகேந்திரன்

கதாநாயகி: சுகாசினி

நடிகர்கள்: கமல், ரஜினி, சிவாஜி, ஜெய்சங்கர், S.V. சேகர், சில்க் சுமிதா

இசை, இயக்கம் மற்றும் தயாரிப்பு: S.V. ரமணன்

இது ஒரு விமர்சனம் செய்யத்தக்க நல்ல படம் இல்லை என்பது என் தனிக் கருத்து... இருப்பினும் நான் இங்கு பதிவுடுவதற்கு சில காரணங்கள் உண்டு..

காரணம் 1: கமல், ரஜினி, சிவாஜி மூவரும் இணைந்து நடித்த படம் ஒன்று கூட இல்லை என்பதுதான் அநேகமானவர்களின் எண்ணம், ஆனால் இப்படத்தில் மூவரும் இணைத்து நடிக்கும் காட்சிகள் கிடையாது இருப்பினும் மூவருமே இப்படத்தில் நடித்துள்ளனர்... அதுவும் எப்படி மூவருமே கடவுளாக.... 1983ம் ஆண்டு வெளிவந்த இத்திரைப்படத்தில் அந்த காலகட்டத்தின் மிக மிக முன்னணி நட்சத்திரங்களான இவர்கள் மூவரும் எந்தவித கருத்து பேதமும் இன்றி நடித்து கொடுத்தது பெரிய விசயம்தான். அநேகமாக மூவரும் இந்த திரைப்படத்தை Y.G. மகேந்திரனுக்காக மட்டுமே நடித்திருக்க கூடும் என்பது என் கருத்து, ஏனெனில் மூவருக்குமே மகேந்திரன் மிகவும் நெருக்கமானவர்...

காரணம் 2: படத்தில் இடையிடையே பேசக்கூடிய தத்துவங்கள் மற்றும் எதார்த்த உண்மைகள். உதாரணமாக மகேந்திரன் கடவுளாக வந்திருக்கும் கமலிடம் "எப்போதும் நீங்கள் ஏன் cinema heroes உருவத்தில் வருகிறீர்கள்?" என்று கேட்ப்பார், அதற்கு கமல் கூறுவார் "எல்லாவற்றுக்கும் இப்போது marketing and publicity தேவைபடுகிறது... கடவுளானாலும் marketing இருந்தால்தான் மக்கள் பார்பார்கள், இப்போது marketing அதிகமான துறை சினிமாதான் அதனால்தான் நான் cine heroes உருவத்தில் வருகிறேன்"
மற்றொரு காட்சியில் நீதிபதி கடவுளான சிவாஜியிடம் "நீங்கள் கடவுள் என்பதற்கு ஆதாரம்?", அதற்கு சிவாஜி கூறுவார் "கடவுளே உங்கள் முன்னாள் வந்து நின்றால் கூட ஆதாரமில்லாமல் ஒத்துக்கொள்ளமாடீர்களா? சரி நான் கடவுள் என்று நிரூபிக்க என்ன magic செஞ்சு காட்டணும்னு சொல்லுங்க"

காரணம் 3: வெகு நாட்களுக்கு பிறகு நேற்று இரவு இந்த படத்தை மீண்டும் பார்த்தேன்...

பட விமர்சனம்: ஏழையான மகேந்திரனிடம் கடவுள் ஒவ்வொரு உருவத்தில் வந்து நடக்கபோகும் கெட்ட விசயங்களை சொல்கிறார், மகேந்திரனும் அந்த கெட்ட விசயம் நடக்கவிடாமல் முடிந்த வரை தடுக்க பார்க்கிறார். மகேந்திரன் சொல்வதெல்லாம் நடப்பதால் மக்கள் அவரை அதீத சக்தி கொண்டவராக நினைகிறார்கள், அந்த சமயத்தில் மகேந்திரனின் குழந்தை இறக்கப் போகும் செய்தியை கடவுள் மகேந்திரனிடம் சொல்கிறார், இதனை கேட்டு கடவுளை சபிக்கும் மகேந்திரனுக்கு கடவுள் விதியின் வலிமையை விவரிக்கிறார். குழந்தை இறந்த பிறகு கொஞ்சம் கொஞ்சமாக மனப் பக்குவம் அடைகிறார் மகேந்திரன்... மீண்டும் கடவுள் சொன்ன விசயங்களை செய்ய ஆரம்பிக்கிறார், இதன் காரணமாக கைது செய்யப்பட்டு இறுதியில் நீதி மன்றத்தில் கடவுளே சிவாஜி ரூபத்தில் வந்து சாட்சி சொல்லி மகேந்திரனை விடுவிக்கிறார், மேலும் மகேந்திரனுக்கு நல்ல வேலை மற்றும் மற்றொரு குழந்தை செல்வமும் பிறக்க மகேந்திரனின் வாழ்வு வளமாகிறது, கதை முற்று பெறுகிறது...

அபத்தங்கள்:
1. இந்த கதையை எவ்வளவு சூர மொக்கையாய் எடுக்க முடியுமோ அவ்வளவு மொக்கையாய் எடுத்திருப்பார் இயக்குனர்

2. ரஜினிகாந்த் கடவுளாக வந்து ரவுடிகளிடம் magic சண்டை போடும் காட்சியை பார்த்தால் ஐயோ பாவம் ரஜினியை ஏன்டா இப்படி கொடுமை படுத்தி வைச்சுருகிங்கனு கேக்க தோணும்... அதுவும் ரஜினி இந்த படத்தில் வாய் திறந்து ஏதும் பேச மாட்டார்...

3. கேவலமான இசை, படு கேவலமான சண்டை காட்சி

4. எதார்த்தம்னா என்னனு கேக்குற அளவுக்கு லாஜிக் கொளருபடிகள்...

5. எல்லாவற்றையும் விட பெரிய அபத்தம் இறுதி நீதி மன்ற காட்சிதான் உதாரணம் நீதிபதி - "நடந்ததை எல்லாம் வைச்சு பார்க்கும் போது சாட்சியாய் வந்தது கடவுள்தானு தெளிவா தெரியுது அதனால உங்களை நாங்க விடுதலை செய்யுறோம்"

அவ்ளோதான்ப்பா என்னுடைய விமர்சனம்... இந்த படத்தை பார்க்கணும்னு நினைகுறவங்க வேற வேலையே இல்லை சும்மா 2.30 மணி நேரம் எனக்கு போனா போதும் எவ்ளோ மொக்கையா இருந்தாலும் பரவாயில்லை அப்டின்னு இருந்தால் மட்டும் பாருங்க...

மொத்தத்தில் உருவங்கள் மாறலாம் தொலைக்காட்சியில் போட்டால் கட்டாயம் சானல்களை மாற்றலாம்...