மதியத் தூக்கம் நல்லதா?

by **அ.இராமநாதன்** Wed Jun 04, 2014 3:04 pm

என்னுடைய நண்பர் ஒருத்தர் இருக்கார்.
மத்தியானம் சாப்பிட்டு முடிஞ்சதும் அப்படியே
சாஞ்சுடுவார். கொஞ்ச நேரம் தூங்கிட்டு வருவார்.
அதுக்கப்புறம் சுறுசுறுப்பா வேலை செய்வார்.
-
பொதுவா எல்லோருக்குமே மத்தியானம்
சாப்பிட்டதும் கொஞ்சம் கீழே சாஞ்சா தேவலாம்
போலத்தோணும். இது இயற்கைதான்.
கொஞ்சம் தூங்கி எழுந்திரிச்சா அதுக்கப்புறம்
உடம்பும் கொஞ்சம் கலகலப்பாக இருக்கும்.
-
அறிவியல் ஆய்வுகள் என்ன சொல்லுது தெரியுமா?
-
இரவுத்தூக்கத்தின் நடுப்பகுதியிலேயிருந்து
பன்னிரண்டு மணி நேரம் கழிச்சு உடம்பு அதிகமா
சோர்வடையுது. உறக்கத்தை தேடுது
அந்த நேரம். நீண்ட தூக்கங்களை விட இது மாதிரி
குட்டித் தூக்கங்களுக்கு மதிப்பு அதிகம்.
இதை நேப் அப்படின்னு சொல்றது வழக்கம்.
-
நெப்போலியன் குதிரை சவாரி செய்யும்போது
சவாரியிலேயே தூங்கறது வழக்கம் இல்லையா?
அதனால இதை நேப்னு சொல்றோம்னு சிலபேர்
சொல்லுவாங்க.
-
ஆனா உண்மையான காரணம் அது இல்ல.
Knappian அப்படிங்கற ஒரு பழைய ஆங்கில
வார்த்தையிலேருந்து வந்ததுதான் நேப்னு விபரம்
தெரிஞ்சவங்க சொல்றாங்க.
-
ரொம்பப் பெரிய பொறுப்புலே இருந்தவங்கள்லாம்
மத்தியானம் தூங்கி எழுவது உண்டாம்.
வின்ஸ்டன் சர்ச்சில் மதியம் மூணு மணிக்கு
தூங்க ஆரம்பிச்சா ஆறு மணிக்குத்தான் விழிப்பாராம்.
-
இரண்டாவது உலக யுத்த நேரத்தில் லண்டனில்
ஜெர்மன்காரங்க குண்டு போட்ட போது சில சமயம்
இவரது தூக்கம் கலைஞ்சிருக்கு.
-
உயிரியல் வல்லுநர்கள் மிருகக் காட்சி சாலையில்
உள்ள மனிதக்குரங்குகளை ஆராய்ச்சி பண்ணி
பார்த்திருக்காங்க…. அதெல்லாம் மத்தியான
நேரத்திலே தூங்குமாம். விடியற்காலையில்
புத்துணர்ச்சியோடு இருக்குமாம். பரிணாமக்
கொள்கையின்படி இது மனிதர்களுக்கும் தொடர்ந்து
வந்திருக்கு.
-
குட்டித் தூக்கத்திற்க்கு அப்புறம் சூடான பானங்கள்
சாப்பிட்டா விசால பார்வை கிடைக்குமாம்.
காபி, டீ பழக்கம் இல்லாதவங்க எலுமிச்சைச்
சாறு அருந்தலாமாம்.
-
தூங்கி எழுந்திரச்ச உடனே இசையக் கேட்கிறதோ
அல்லது புத்தகம் வாசிக்கிறதோ நல்லதில்லயாம்.
அது மேலும் தூக்கத்தைக் கிளறுமாம்.
சாப்பிட்டவுடனே அப்படியே படுத்துடறைத விட
மூணு குவளை தண்ணீர் குடிச்சிட்டு படுத்தா
நல்லதாம். செருமானம் சுலபமா இருக்குமாம்.
-
சியஸ்டா என்று சொல்லப்படும் இந்த மதியத்
தூக்கம் இயற்கைக்கு புறம்பானது அல்ல.
இது நல்லதுக்குத்தான்னு இது சம்பந்தமான
நிபுணர்கள் சொல்றாங்க.
-
மதியத்தூக்கம் மாதிரியே பயணத் தூக்கம்னு
ஒண்ணு! பிரயாணம் பண்ணும் போது தூங்கறது.
சில பேரு பஸ்ஸிலே உட்கார்ந்த உடனே தூங்க
ஆரம்பிச்சுடுவாங்க.
-
ஒருத்தர் டாக்டரைத் தேடி வந்தார். கேட்டார்.
-
“ஏன் டாக்டர்? பஸ்லே உட்கார்ந்து போகும்
போது தூங்கறது தப்பா?
-
“அது ஒண்ணும் தப்பு இல்லையே!”இது டாக்டர்.
-
-
“அப்புறம் ஏன் என்னை வேலையை விட்டு
நீக்கிட்டாங்க?”
-
“நீங்க என்ன வேலை பார்க்கிறீங்க?”
-
“பஸ்லே டிரைவர் வேலை பார்க்கிறேன்”
-
———————————–
தென்கச்சி கோ.சுவாமிநாதன்

தென்கச்சி கோ.சுவாமிநாதன் அவரின் படைப்புகள் கிடைக்குமாயின் தொகுத்து பகிர்வு செய்யுங்கள் ஐயா அனைத்துமே மிக சிறப்பாக இருக்கும்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

மதியத் தூக்கம் நல்லதா?

மதியத் தூக்கம் நல்லதா?

Re: மதியத் தூக்கம் நல்லதா?