சலனமில்லாமல்

by **கவி கவிதா** Tue Dec 21, 2010 12:22 pm

சத்தம் இல்லாக் கடல் போல்
சில தினமென் மனம்....

கடும் புயல் போல்
சில தினமென் மனம்....

அமைதியிலும், ஆர்ப்பரிப்பிலும்
ஓடிக் கலைத்த
மனதுக்குள் ஓராயிரம்
கேள்விகள்
குவியலாய்
விழுந்து கிடக்கிறது.

வேதனையோ தாழவில்லை;
மீண்டு போக வழியுமில்லை;
கடவுளுக்காகக் காத்திருந்து;
கண்ணிரண்டு பூத்திருந்து;
ஏதும் புரியாமல் நேற்று
காலனைக் கண்டும் தோற்று;
மனமது வாடி உறங்கிப்போனேன்......

விடிந்தது இன்று,
இறந்தது நேற்று,
சத்தம் இல்லாக் கடல் போல்
சலனமில்லாமல்....

by **கலைநிலா** Tue Dec 21, 2010 12:24 pm

விடிந்தது இன்று,
இறந்தது நேற்று,
சத்தம் இல்லாக் கடல் போல்
சலனமில்லாமல்....

நாளை நமக்காக பிறக்கும் ,
குறையை போக்கும் .

வாழ்த்துக்கள் ,சலனம் ,தரும் புது ஜனனம் .