இற்றுப் போனதோ என் ஈழம் ?

by **கவி கவிதா** Tue Dec 21, 2010 12:28 pm

[You must be registered and logged in to see this image.]
இன்னுமென்ன மிச்சமிருக்கிறது இங்கே?
குண்டுகள் தின்று போட்ட
எச்சங்கள் தவிர?.

சருகாகச் சரிந்து வீதியில்
விழுந்து கிடக்கிறோம் ...
சாவகாசமாய்
தூதரகம் இங்கே தூது வரும்
நேரமும் இதுவோ?.

பிறந்த குழந்தை
பீரங்கிக்கு இரையாகின்றது...
பிய்த்துக்கொண்டு வாராதோ
பேராவேசம்?.

தினம் விடிந்தால்
ஐயோ !.....
எங்கள் பிள்ளைகளின்
பிணங்களைத்
தேடிச் செல்வதே
பிழைப்பாகி விட்ட பின்னே,
போர்க்கொடி தூக்கவும்
ஏதிங்கே நேரம்?.

by **செய்தாலி** Tue Dec 21, 2010 12:36 pm

வரிகளில் செங்குருதி உறைந்திருக்கும் ஈழநிலத்தின் மண்வாசனை

by **கவிக்காதலன்** Tue Dec 21, 2010 1:30 pm

மனதின் வலிகளை, வரிகளாக்கிய விதம் அருமை.

by **அரசன்** Tue Dec 21, 2010 3:45 pm

நெஞ்சம் பதைக்கிறது ... வலிக்கவும் செய்யுகிறது ஒண்ணுமே பண்ண இயலவில்லை என்று நினைக்கும்போது ....
வரிகளில் வலிகள் இல்லாத இடமே இல்லை என்றுதான் கூறவேண்டும் ....

by **கவி கவிதா** Tue Dec 21, 2010 4:24 pm

arasanunk wrote:நெஞ்சம் பதைக்கிறது ... வலிக்கவும் செய்யுகிறது ஒண்ணுமே பண்ண இயலவில்லை என்று நினைக்கும்போது ....
வரிகளில் வலிகள் இல்லாத இடமே இல்லை என்றுதான் கூறவேண்டும் ....

அத்தனையும் உண்மையே தோழரே. சாகத் துடிக்கிறது நெஞ்சம்.

by **நிலாமதி** Tue Dec 21, 2010 7:34 pm

ஈழம் இற்று போகவில்லை .....வடிவம் மாறி மீண்டும் புத்தொளியுடன் மலரும் சில காலங்கள் தேவை. நெஞ்சினில் மூண்ட தீ ........கனன்று கொண்டு இருக்கிறது. காலம் வரும் வரை .