நமது தமிழ்தோட்டத்தில் மலரும் அன்பு மலர்களே, இன்றைய சமுதாயத்தில் மனித வாழ்க்கையென்பது ஏதோ மலையேறும் வித்தை போல, நாளுக்கு நாள் கடினமாகிக்கொண்டே போகிறது, மனிதன் தன் வாழ்க்கையில் சந்திக்கும் பிரச்சனைகளும், கஷ்டங்களும் நாளுக்கு நாள் அதிகரித்துக்கொண்டே போகிறது, மனிதன் தன் அன்றாட வாழ்க்கையில் எடுத்து வைக்கும் ஒவ்வொரு அடியும் மிக கவனமாகவும், அதீத எச்சரிக்கையுடனும் எடுத்துவைத்தல் அவசியமாகிறது, மேலும் அஜாக்கிரதையாலும், அவசரத்தினாலும் எடுக்கும் முடிவுகள் வாழ்வில் பிகப்பெரிய பிரச்சனைகளையும் நஷ்டங்களையும் ஏற்படுத்தி மனிதனை மீள முடியா படுகுழியில் தள்ளுகிறது.

பொதுவாழ்க்கையில் இது போன்ற பிரச்சனைகள் என்றால், குடும்ப வாழ்விலும் இது போன்ற பல பிரச்சனைகள் இருக்கத்தான் செய்கின்றன. பொது வாழ்க்கை பிரச்சனைகளை திறமையாக சாமளிக்க முடியாமல் போவதற்க்கு, குடும்ப வாழ்வில் ஏற்படும், பிரச்சனைகளும், கணவன், மனைவி இடையே ஏற்படும் அந்தரங்க பிரச்சனைகளும் முக்கிய காரணங்களாகும்.

இத்தகைய பிரச்சனைகளால் குடும்ப வாழ்வில் கவனம் செலுத்தமுடியாமை, அலுவலக வேலைகளில் கவனமின்மை, குழந்தைகளோடு சந்தோஷமாக நெருங்கி பழக முடியாமை, இது போன்ற எத்தனையோ இயலாமைகள் நம் கண் முன்னே,விஷ்வரூபமெடுத்து நமது வாழ்வின் சந்தோஷத்தை இழக்க காரணமாக உள்ளது.

இத்தகைய குறைபாடுகளை கலைந்து நமது வாழ்வில் பல வெற்றிகளை சாதிக்க, இனிமையான மகிழ்ச்சியான இல்லற வாழ்வினை அடைந்திட நமது முடிவெடுக்கும் திறனை வளர்த்துக்கொள்ளுதல் அவசியமாகும், ஒரு மனிதனின் முடிவெடுக்கும் திறனே அவனுடய எதிர்க்கால வாழ்வினை தீர்மானிக்கும் ஆயுதமாகும், மேலும் முடிவெடுக்கும் திறனின் பற்றக்குறையால் தான் மனிதன் பிரச்சனைகளுக்கும் இன்னல்களுக்கும் ஆளாக வேண்டியுள்ளது, எதிர்க்காலத்தில் இத்தகைய பிரச்சனைகள் நம் குழந்தைகளையும் பாதிக்காமல் இருக்க அவர்களின் முடிவெடுக்கும் திறனை வளர்த்தல் அவசியமகும்.
இதன் வாயிலாக நாம் உங்களோடு பகிர்ந்துக்கொள்ளும் கருத்து என்னவெனில், பொது வாழ்விலும், குடும்ப வாழ்விலும் பல பிரச்சனைகளில் சிக்கியுள்ள அன்பர்கள், தங்களது பிரச்சனைகளுக்கு ஒரு தீர்வு காண நல்லதொரு ஆலோசனை பெற்றிடவும், தான் சந்தித்த பிரச்சனைகளுக்கு தானே தீர்வு கண்ட நல்லதொரு அனுபவங்களையும் இங்கே பகிர்ந்துகொள்ளலாம். அதாவது புதிதாக தொடங்கப்பட்டுள்ள உதவும் கரங்கள் என்ற பகுதியில் பகிர்ந்துக்கொள்ளலாம்.

இதன் மூலம் தங்கள் பிரச்சனைகளுக்கு நல்லதொரு ஆலோசனை கிடைப்பதோடு, இதுபோன்ற பிரச்சனைகள் பிறர் வாழ்வில் தோன்றாவண்ணம் ஒரு எச்சரிக்கையாக இருக்கவும் உதவுகிறது.

எல்லோருக்கும் பல நல்ல வாழ்வியல் கருத்துக்களை எடுத்தியம்பும் நோக்கிலும், அன்பர்களின் பிரச்சனைகளுக்கு நல்லதொரு ஆலோசனை வழங்கும் நோக்கிலும் இப்பகுதி துவக்கப்பட்டுள்ளது என்பதை தங்களுக்கு தெரிவித்துக்கொள்கிறோம், ஆதரவு தருவது தமிழ்த் தோட்டத்தில் மலரும் அன்பர்களின் விருப்பம் வாழ்த்துக்கள்.