மகிழ்ச்சியான குடும்பத்திற்கு டிப்ஸ்...!

by **அ.இராமநாதன்** Fri Jul 11, 2014 8:59 am

* கணவருடன் மனைவிக்கு எந்த ஒரு சிறு
பிரச்னை ஏற்பட்டாலும் நாமும் அவருடன்
போட்டியாக எதிர்வாதம் செய்யாமல் அவர்
கோபம் அடங்கியபின் நிதானமாக நம்
கருத்தை எடுத்து வைத்தால் என்றுமே
அமைதியான குடும்பத்துக்கு வழிவகுக்கும்.
-
* வேலைக்குப் போகும் பெண்களோ அல்லது
இல்லத்தரசிகளோ நாம் செய்ய வேண்டிய
வேலைகளின் பட்டியலை செக்லிஸ்ட் போட்டு
டைரியில் குறித்துக் கொண்டு அதன்படி
செய்தால் நமக்கும் டென்ஷன் ஏற்படாது.
குடும்பத்தார் மீதும் நம் கோபத்தைக் காட்ட
வேண்டிய அவசியம் இருக்காது.
-
* எல்லா உறவினர்களிடமும் முகம் மலர பேசி
அவர்கள் வீட்டு விசேஷங்களுக்குச் செல்வதோடு
நம்மால் முடிந்த வேலைகளை அவர்கள்
சொல்லாமலேயே நாம் செய்து கொடுத்தால்
எப்படிப்பட்ட உறவும் நம்மிடம் அன்பைப் பொழியும்.
-
* இன்றைய இளம் தலைமுறையினரிடம் அவர்களது
தவறை அன்பாக, அமைதியான முறையில் எடுத்துக்
கூறினால் நிச்சயம் நல்லதொரு மனமாற்றம்
அவர்களுக்கு ஏற்படும்.
-
* குடும்பத்தினர் அனைவரும் அமர்ந்து குடும்ப
வரவு செலவு கணக்குகளை மாதந்தோறும் பார்வை
இட்டால் ஒவ்வொரு மாதமும் எவ்வளவு பணம்
செலவாகின்றது என்பதும் எங்கெல்லாம் வீணாகிறது
என்பதும் தெரிய வரும்.
அடுத்தத் தலைமுறையினரான நம் பிள்ளைகளுக்கும்
பண நிர்வாகத்தைக் கற்றுக் கொடுப்பது போலாகும்.
-
* வீட்டில் செடி கொடிகளை வளர்த்தால் அவற்றின்
பசுமையான காற்று மற்றும் வாசம் குடும்பத்திற்கு
அமைதி தரும்.
-
* குடும்பத்தில் ஒருவரிடம் பிரச்னை இருந்தால்
குடும்ப உறுப்பினர்கள் அனைவரும் ஒன்றாக
அமர்ந்து பிரச்னைக்குரிய நபரிடம் மனம்விட்டுப்
பேசினால் ஏதேனும் தீர்வு கிடைக்கக்கூடும்.
-
---------------------------------
- சுமித்ரா ப்ரேம்குமார், சென்னை.
நன்றி: மங்கையர்மலர்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

மகிழ்ச்சியான குடும்பத்திற்கு டிப்ஸ்...!

மகிழ்ச்சியான குடும்பத்திற்கு டிப்ஸ்...!

Re: மகிழ்ச்சியான குடும்பத்திற்கு டிப்ஸ்...!