காமராஜ் அவர்களின் மனித நேயம்...

by **அ.இராமநாதன்** Sat Jul 12, 2014 4:24 pm

-
காமராஜர் ஒரு சமயம் வெளியூர் சுற்றுப்பயணம்
முடிந்து திரும்பிக் கொண்டிருந்தார். ஒரு இடத்தில்
நீண்ட நேரமாகத் தமது கார் நிற்பதும், ஏராளமான
வாகனங்களின் ஹாரன்கள் ஒலிப்பதும் அவரது
கவனத்துக்கு வந்தது.
-
காரிலிருந்து வெளியே வந்து சுற்றிலும் பார்த்தார்.
சைதாப்பேட்டை மறைமலையடிகள் பாலத்தில்
ஏராளமான கார்களும் வண்டிகளும் நின்று
டிராஃபிக் ஜாம் ஆகியிருந்தது.
-
சற்றே நடந்து பார்த்தார் காமராஜர். பாலத்தின்
நடுவே ஒரு லாரி பிரேக் டவுன் ஆகி நின்றிருப்பதும்
ஒரே ஒரு டிராஃபிக் போலீஸ்காரர் போக்குவரத்தைச்
சரிபடுத்த முடியாமல் தவித்துக் கொண்டிருந்தார்.
-
உடனே காமராஜர் அவரருகே சென்று அவருக்கு
உதவி செய்து போக்குவரத்தைச் சரிப்படுத்திவிட்டுத்
தனது காருக்குத் திரும்பி வந்து தனது பயணத்தைத்
தொடர்ந்தார்.
-
அதுமட்டுமல்லாமல் சைதாப்பேட்டை காவல்
நிலையத்துக்குச் சென்று இதுபோன்ற இடங்களில்
இன்னொருவரைக் கூடுதலாக நியமித்துப் போக்கு
வரத்தைக் கட்டுப்படுத்துங்கள் என்று கட்டைளை
இட்டு விட்டுத் தமது அலுவலகம் திரும்பினார்.
-
------------------------------------
-சு.இலக்குமண சுவாமி, மதுரை.- (தினமணி)