குழந்தை அழுதது; அம்மா அழுதாள்; டாக்டரும் அழுதார்!

by **அ.இராமநாதன்** Tue Jul 29, 2014 7:19 am

-
கடந்த ஜூலை பத்தாம் தேதி, டாக்டர் கமலா செல்வராஜின் ஜிஜி ஆஸ்பத்திரியில் ஒரு பெண்மணி ஒரு பெண் குழந்தையைப் பெற்றெடுத்தார். அதற்காக கமலா செல்வராஜ், தமது ஆஸ்பத்திரியில் அனைவருக்கும் இனிப்பு வழங்கியதோடு, பத்திரிகையாளர்களை அழைத்து, தனது மகிழ்ச்சியைப் பகிர்ந்து கொண்டார். அதற்கு ஒரு சுவாரசியமான பின்னணி உண்டு. பெண் குழந்தையை பிரசவித்த பெண்மணியின் பெயர் கமலா ரத்தினம். அவர்தான் டாக்டர் கமலா செல்வராஜின் உதவியுடன் பிறந்த தென்னிந்தியாவின் முதல் சோதனை குழாய் குழந்தை. அந்தக் குழந்தை வளர்ந்து, படித்து, பெரியவளாகி, திருமணம் முடிந்து, ஒரு குழந்தையைப் பெற்றெடுத்திருக்கிறார். அதற்காகத்தான் இத்தனைக் கொண்டாட்டமும்.
-
குற்றாலத்தை அடுத்த சுந்தரபாண்டியபுரத்தைச் சேர்ந்த ராமமூர்த்தி நெகிழ்ச்சியோடு சொல்கிறார்; "நானும் நடிகர் ஜெமினிகணேசனும் நண்பர்கள். திருமணமாகி, எனக்கும், என் மனைவி பொன்னாளுக்கும் குழந்தை இல்லை. ஒரு முறை ஜெமினி கணேசன், "ரெண்டு பேரும் என் பொண்ணு கமலாவை கன்சல்ட் பண்ணுங்க; எல்லாம் நல்லபடியா முடியும்' என்று சொல்ல, நாங்கள் சென்னைக்கு வந்து டாக்டர் கமலா செல்வராஜை சந்தித்தோம். அப்போது எனக்கு வயது 46. என் மனைவிக்கும் அதே வயசுதான். டாக்டர் கமலா செல்வராஜ் சிகிச்சையை ஆரம்பித்தார். 1990 ஆகஸ்ட் முதல் தேதி என் மனைவிக்கு ஒரு பெண் குழந்தை பிறந்தது. என் அம்மா பெயர் ராம ரத்தினம். டாக்டர் பெயரையும், என் அம்மா பெயரையும் சேர்த்து, குழந்தைக்கு கமலா ரத்னம் என்று பெயரிட்டோம்.'
-
டாக்டர் கமலா செல்வராஜ் தொடர்கிறார்:
-
"குழந்தை கமலா ரத்னம் பிரசவம் பற்றி இப்போது நினைத்தாலும், மனம் நிகிழ்ந்து, என் கண்களில் ஆனந்தக் கண்ணீர் பெருகிவிடும். டெலிவரி ஆகி, தென்னிந்தியாவின் முதல் சோதனைக் குழாய் குழந்தையான அதைக் கையில் தூக்கிக் கொண்டபோது, ஒரு கணம் இதெல்லாம் நிஜம்தானா? என்று என்னால் நம்பவே முடியவில்லை. நான் சந்தோஷத்தில் அழுதேன். அது மட்டுமில்லை. பிரசவ வார்டில் அந்த பிஞ்சுக் குழந்தையை அடிக்கடி வந்து பார்ப்பேன். ஒவ்வொரு தடவையும் உணர்ச்சிவசப்பட்டு அழுவேன். ஆஸ்பத்திரியிலிருந்து டிஸ்சார்ஜ் ஆகி அவர்கள் குழந்தையோடு ஊருக்குப் புறப்பட்டபோது மறுபடியும் ஆனந்தக் கண்ணீர். சில ஆண்டுகளுக்கு முன்பு, ஜிஜி ஆஸ்பத்திரில் சோதனை குழாய் மூலம் பிறந்த குழந்தைகளை வரவழைத்து ஒரு ஸ்பெஷல் சந்திப்புக்கு ஏற்பாடு செய்திருந்தேன். அதில் சுமார் 800 குழந்தைகள் கலந்து கொண்டார்கள். அன்றைய நிகழ்ச்சியில் அனைவரது கவனத்தையும் ஈர்த்தவர் அவர்களில் மிகவும் சீனியரான கமலா ரத்தினம் தான்.
-
இன்றைக்கும் அதே பழைய எமோஷன்தான்! சோதனைக் குழாயில் பிறந்த முதல் குழந்தைக்கு நார்மலான குழந்தை. ரொம்ப சந்தோஷமாக இருக்கிறது.
-
மீண்டும் ராமமூர்த்தி தொடர்கிறார். "பத்து பதினைந்து வயதுவரை குழந்தையின் ஒவ்வொரு பிறந்த நாளன்றும், டாக்டர் கமலா செல்வராஜ் சுந்தரபாண்டிபுரம் வந்து பிறந்த நாள் பார்ட்டியில் கலந்து கொள்ள தவறியதில்லை. தஞ்சாவூர் சாஸ்திராவில் இஞ்சினியரிங் முடித்துவிட்டு, இப்போது இன்ஃபோசிசில் வேலை பார்க்கிறாள். கல்யாணமாகி, இப்போது மாப்பிள்ளையும், பெண்ணும் பெங்களூரில் வசிக்கிறார்கள். சோதனை குழாய் குழந்தையான எங்கள் பெண், திருமணமாகி, நார்மலாக கருவுற்றதில் குடும்பமே கொண்டாட்டத்தில் இருக்கிறது.'

- சந்திரமௌலி

நன்றி: ல்கி

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

குழந்தை அழுதது; அம்மா அழுதாள்; டாக்டரும் அழுதார்!

குழந்தை அழுதது; அம்மா அழுதாள்; டாக்டரும் அழுதார்!

Re: குழந்தை அழுதது; அம்மா அழுதாள்; டாக்டரும் அழுதார்!