வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

feeds

அம்மா உணவகத்தில் சமையலுக்கு உயிரி எரிவாயு: சோதனை முயற்சி

தமிழ்த்தோட்டம் :: செய்திச் சோலை :: செய்திச் சங்கமம்

Page 1 of 1

அம்மா உணவகத்தில் சமையலுக்கு உயிரி எரிவாயு: சோதனை முயற்சி

by அ.இராமநாதன் Sun Aug 03, 2014 5:40 pm

உயிரி எரிவாயு (பயோ கேஸ்) மூலம் சமையல் செய்யும் திட்டம் சோதனை முயற்சியாக சென்னை அம்மா உணவகத்தில் தொடங்கப்பட்டது.

சென்னை முழுவதும் 203 அம்மா உணவகங்கள் உள்ளன. இவற்றில் சமையல் எரிவாயு வாங்குவதற்காக மட்டும் அதிக செலவு ஆகிறது. செலவைக் கட்டுப்படுத்தவும், அழுகும் குப்பைகளை மீண்டும் பயன்படுத்தும் வகையிலும், உயிரி எரிவாயு பயன்படுத்தும் திட்டம் உத்தேசிக்கப்பட்டது.

அதன்படி, திரு.வி.க. நகர் 67-ஆவது கோட்டத்தில் உள்ள அம்மா உணவகத்தில் உயிரி எரிவாயு மூலம் சமையல் செய்யும் பணி தொடங்கப்பட்டுள்ளது.

இது குறித்து மாநகராட்சி அதிகாரிகள் கூறியது: அழுகும் குப்பைகளைக் கட்டுப்படுத்தும் விதமாக, குப்பைகளை பயன்படுத்தி உயிரி எரிவாயு தயாரிக்கும் முயற்சி தொடங்கப்பட்டது.

சேகரிக்கப்படும் குப்பைகளைக் கொண்டு உணவகத்துக்கு அருகிலேயே உயிரி எரிவாயு தயாரிக்கப்படும். அந்த எரிவாயு அம்மா உணவகத்தில் சமையலுக்கு பயன்படுத்தப்படும். திரு.வி.க. நகர் மண்டலம் 67-ஆவது கோட்டத்தில் உள்ள உணவகத்தில் இந்தத் திட்டம் சோதனை முயற்சியாக தொடங்கப்பட்டுள்ளது.

இந்தச் சோதனை முயற்சி வெற்றி பெற்றால், பிற அம்மா உணவகங்களிலும் திட்டம் செயல்படுத்தப்படும் என தெரிவித்தனர்.
-
--தினமணி

அ.இராமநாதன்: நவரச நாயகன்; Posts : 31806
Points : 70024
Join date : 26/01/2011
Age : 80