வால் - கவிதை - பா.சத்தியமோகன்

by **அ.இராமநாதன்** Thu Aug 07, 2014 11:48 pm

-

-
சைக்கிள் கடையில்
முன் சக்கரத்திலோ பின் சக்கரத்திலோ
காற்று பிடிக்கும்போது தற்செயலாக நிமிர்ந்தால்
மூச்சுக் காற்றை நிறுத்துவது போல பயமுறுத்தும்
செந்நிற டாபர்மேனுக்கு கண்ணும் நெருப்பு நிறமே.
-
சைக்கிளை அவிழ்க்கும் முன்
டாபர்மேன் கண்பார்வை
பயந்த மனசைக் கடித்து பல்பதிக்கும் பல தடவை
சட்டென யோசிப்பதுண்டு
-
கன்று போல உயரமிருந்தும் ஏனோ வளரவில்லை
சிறுத்தை போல உடலிருந்தாலும் நறுக்கிய வாலே அதற்கு
-
ஆட்காட்டி விரல் நீளம்
ஆட்ட முடியாத வால் ஓர் அவமரியாதை
இதற்கு ஏனெனக் கேட்க கடை ஆள் சொல்வான்
-
''நீளமாக வளரவிட்டால்
தன்னை யாரோ தொடர்வதாக எண்ணித்
தன்னைத் தானே சுற்றிக் கொண்டிருக்கும் இது''
-
நீளமாக வளர்ந்து வதைக்கும் எண்ணங்களை
சுத்திகரிக்க இலக்கியம் அவசியம் என்பது
நீண்ட நேரம் பார்த்ததில்
டாபர்மேன் குரைத்து உரைத்தது.
-
--------------------------------
>பா.சத்தியமோகன்
ந.பிச்சமூர்த்தி நினைவாக -தொகுதி 2

அருமை

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

வால் - கவிதை - பா.சத்தியமோகன்

வால் - கவிதை - பா.சத்தியமோகன்

Re: வால் - கவிதை - பா.சத்தியமோகன்