சத்தியமாய் !!!!

by **கவி கவிதா** Wed Dec 22, 2010 4:11 pm

[You must be registered and logged in to see this image.]
மாறி, மாறி
நெஞ்சுக்குள்
சிறகடிக்கும்
எத்தனையோ கனவும்,
நினைவும் ...

ஆசையாகச் சேர்த்து வைத்திருக்கும்
வங்கிப் பணம்.....

விரும்பி, சுற்றம்
மறந்து சிரித்துச், சிரித்து
லயித்துக் கிடக்கும்
கவிதை நாட்கள்.....

பனித்துளியின்
ஸ்பரிசம் உணரவே
தினம் வெற்றுக்
கால்களோடு
நடக்கும் வயல்கள் ....

எந்தன் இனிய ரசனைகள்,
அசிங்கங்களும்,
அற்புதங்களும்,
ஓயாமல் துரத்தி
வரும் என் எண்ணங்களும்,

சாவென்பதே
எனக்கு இல்லை என,
வாழ்கையின் பாதி நாட்களை
பணம் தேடியே சாகடிக்கும்
சங்கடமான சூழ்நிலைகள்,

சொத்துக்காக சொந்தங்களை
உதாசீனம் செய்யும்
மனதின் அவலங்கள்.....

இவையெல்லாம்
பொருளற்றவையாகிப் போனது
நேற்று இறந்து போன
என் தந்தையின் மரணதோடே......