கல்லூரி கவிதைகள்

காலத்தால்
அழியாத காலம்
கல்லூரிக்காலம் ....!!!
கல்லாய் இருக்கும் மனசு
உருகி துடிக்கும் காலம்
கல்லூரிக்காலம் ....!!!

இங்கே
மகளீர்கள் சிறகடித்து
பறக்கும் பட்டாம் பூச்சிகள் ...!!!
ஆடவர்கள் கனவுகளோடு
வாழும் காளையர்கள் ....!!!
ஆசான்கள் அழகான
சிற்பங்களை செதுக்கும்
சிற்பிகள் .....!!!

கே இனியவன்
கல்லூரி கவிதைகள்

தாவணியுடன் பறக்கும்
வண்ணாத்தி பூச்சிகள்
சுடிதாருடன் சுழண்டு
வரும் சிட்டு குருவிகள்
சிரிப்புகள் நடமாடும்
பூந்தோட்டம் -கல்லூரி
வளாகம் ....!!!

அவனை
அவள் முறைத்து
பார்க்கும் கண்களும்
அவளை
அவன் கருணையோடு
பார்க்கும் கண்களும்
கண்கள் எறிகணையாய்
களம் பூந்து விளையாடும்
களம் கல்லூரி வளாகம் ...!!!

கே இனியவன்
கல்லூரி கவிதைகள் (02)

அவன்
ஜாதி எனக்கு தெரியாது
என் ஜாதி
அவனுக்கு தெரியாது
எங்கள் ஜாதி ஓரே ஜாதி
கல்லூரி நட்பு ஜாதி ....!!!

ஒரு குவளை சோற்றை
ஓராயிரம் கைகள் பிசையும்
ஒரு சோடி உடுப்பை
ஓராயிரம் உடல்கள் போடும்
ஒரு கட்டி சோப்பை
ஓராயிரம் முகங்கள் தேக்கும்
உலக சமத்துவம் நிலவும்
ஒரே இடம் கல்லூரி வளாகம் ...!!!

கே இனியவன்
கல்லூரி கவிதைகள் (03)

சோகத்தில்
சோர்ந்திருந்தேன்
தோளோடு
இன்னுமொரு தோள்
என் தோழியின் தோள்
ஏனடா கலங்குகிறாய்
தோழி நான் இருக்கையில்
என்றாள்....!!!

இன்று
சோர்ந்திருக்கிறேன்
தோள் தட்டி தர ஒரு
தோழமை இல்லாமல்
சோகங்களே தெரியாமல்
வாழும் காலம் கல்லூரி
வசந்தகாலம் ....!!!

கே இனியவன்
கல்லூரி கவிதைகள் (04)

எனக்கு இருந்த
முற்கோபத்தை
காணவில்லை ...
நானே அனுபவிக்கனும்
என்ற பேராசையை
காணவில்லை ....!!!

கற்று தந்தது கல்லூரி
காலம் -பெற்றுவிட்டேன்
வாழ்க்கை அனுபவம்
சிறப்பாக வாழ்கிறேன்
இன்றும்
கல்லூரி காலத்துடன் ....!!!

கே இனியவன்
கல்லூரி கவிதைகள் (05)