கோடம்பாக்கம் குர்குரே - சினிமா செய்திகள்

by **அ.இராமநாதன்** Sun Sep 07, 2014 3:34 am

"தாரை தப்பட்டை' படத்தில் நாட்டுப்புறக் கலைஞராக நடித்து வருகிறார் சசிகுமார். அடுத்து, விஜய்யிடம் கால்ஷீட் வாங்கியுள்ளாராம். 120 கோடி பட்ஜெட்டில் உருவாகும் இப்படம் 2015ல் தொடங்கவுள்ளது.

"அட்டக்கத்தி', "மெட்ராஸ்' படத்தை இயக்கிய இயக்குநர் ரஞ்சித் அடுத்து சூர்யாவுக்கு ஒரு கதை சொல்லியிருக்கிறாராம். இப்படம் சூர்யாவின் 2டி கம்பெனியே தயாரிக்கவிருக்கிறது.

அமெரிக்கத் தமிழரான ஜெய்பாலா "சுவடுகள்' படத்தில் செந்தமிழிலேயே பேசி நடித்துள்ளாராம். இந்தப் படத்துக்கு அடுத்து, சமுதாயத்துக்குப் பயன் தரும் வகையில் புதுமையான கதை ஒன்றைத் தேர்வு செய்து நடிக்கவுள்ளாராம். புதிய டெக்ஜாலஜி மனித குலத்துக்கு எவ்வளவு வளர்ச்சியையும் அதேசமயம் எவ்வளவு சீரழிவையும் தருகிறது என்பதே கதையாகும்.

"கத்துக்குட்டி' படத்தின் நாயகி ஸ்ருஷ்டி டாங்கே மும்பையைச் சேர்ந்தவர். இவர் மும்பையில் ஹன்சிகா வீட்டின் அருகே குடியிருப்பவர்.. இப்போது ஸ்ருஷ்டி வசம் "வருஷ நாடு' உள்பட நான்கு படங்கள் இருக்காம்...

சூரி அவரது நண்பருடன் சேர்ந்து ஆரம்பக் காலத்தில் பட வாய்ப்புத் தேடினார். இப்போது சூரி வளர்ந்த நிலையில் அவர் நண்பர்கள் இன்னமும் வாய்ப்புத் தேடி வருகிறார். அதனால் நண்பருக்காகப் படத் தயாரிப்பில் இறங்குவதோடு நண்பனையே இயக்குநராக்கப் போகிறாராம் சூரி.

"மைனா', "சாட்டை' படங்களை தயாரித்த சாலோம் ஸ்டூடியோஸ் ஜான் மேக்ஸ் "மொசக்குட்டி' படத்தை செப்டெம்பர் மாதம் வெளியிட உள்ளார். அடுத்து, கல்லூரிக் காதல் கதை ஒன்றைப் புதுமுகங்களை வைத்துத் தயாரிக்கவுள்ளார். நடிகர், நடிகையர் தேர்வு நடைபெறகிறது.

சாந்தனு நடிக்கும் "வாய்மை' படம் இயக்கிவரும் அ. செந்தில்குமார் இப்படத்தின் பாடல் காட்சிக்காக தில்லி, ரிஷிகேஷ் சென்று படமாக்கி வந்துள்ளார். படப்பிடிப்பு முடிவடைந்து வெளியிடத் தயாராக உள்ளார். இதையடுத்து பேய் கதை ஒன்றை எழுதி வருகிறார்.

மணிரத்னம் இயக்கும் படத்தில் துல்கர் சல்மானுடன் நஸ்ரியா நடிப்பதாக இருந்தது. இப்போது நஸ்ரியாவுக்குத் திருமணம் ஆகிவிட்டதால் அந்த வேடத்தில் பாலிவுட் நடிகை அலியா பட் நடிக்கவிருக்கிறார்.

"பொறியாளன்' படத்தில் நாயகியாக நடித்துள்ள ரக்ஷிதா தெலுங்கில் "பஸ் ஸ்டாப்' என்ற படத்தில் அறிமுகமானவர். இவருடன் நடித்தவர் இன்னொரு நாயகி ஸ்ரீ திவ்யா, ரக்ஷிதா தற்போது பிரபுசாலமன் இயக்கும் "கயல்' படத்தில் நடித்து வருகிறார்.

வெற்றிமாறன், தனுஷ் இணைந்து தயாரித்துள்ள "காக்கா முட்டை' படம் முழுக்க முழுக்க குடிசைப்பகுதியில் படமாக்கப்பட்டுள்ளது. இதில் ஐஸ்வர்யாவுக்குச் சிறப்பான கேரக்டர் அமைந்துள்ளதாம். மகிழ்ச்சியில் இருக்கிறார் ஐஸ்வர்யா.

"சண்டமாருதம்' படத்தில் இரு வேடங்களில் நடிக்கிறார் சரத்குமார். ஒரு வேடத்தில் பவர்ஃபுல் வில்லன். இன்னொரு வேடத்தில் பயந்தாங்கொள்ளியாம். ஓவியா நாயகியாக நடித்தாலும் பாடல் காட்சிகளில் கவர்ச்சியில் பின்னிப் பெடலெடுத்திருக்கிறாராம்.

1980ல் நடக்கும் கதை கொண்ட படம் "அமர காவியம்', ஆர்யா தம்பி சத்யா நாயகனாக நடிக்கும் இப்படத்தில் கமல் படமான "சத்யா' திரைப்படம் வருவது போல் காட்டப்படுகிறது. ஆர்யா இப்படம் பற்றி கூறும்போது "நல்ல படம் தயாரித்த மகிழ்ச்சியில் இருக்கிறேன்' என்றார்.

- விஜய்கோபால்

நன்றி: கல்கி

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

கோடம்பாக்கம் குர்குரே - சினிமா செய்திகள்

கோடம்பாக்கம் குர்குரே - சினிமா செய்திகள்