கொசுமட்டை தந்த காட்டுமிராண்டித்தனம்...!

by **அ.இராமநாதன்** Wed Sep 10, 2014 4:14 pm

-
கோடை மழை தூவிய
ஒரு மின்வெட்டு நேரத்தில்
தத்துவார்த்த நூல் ஒன்றை
எடுத்து படிக்க அமர்ந்தேன்
-
சிந்தனை தாக்கத்தில் உணர்வற்று
அநாதையாய் கிடந்த என்னை
அணைத்துக்கொள்ளும் விதமாய்
படையெடுத்தன கொசுக்கள்
-
கைகளை விசிறியாக்கி
நூல் பக்கங்களை கடத்தினேன்
கண்முன்னே நிழலாடியது
நண்பன் பரிசாக கொடுத்த

அந்த கொசு மட்டை
-
போருக்கு போகும் பீமன்போல
பராக்ரமங்கள் ஆரம்பம்
காதோடு ரீங்காரித்தவைகளோடு
கதகளி ஆடினேன்
-
வளைந்து நெளிந்து
கண்கட்டு ஏதுமின்றி அங்கே
நிகழ்ந்ததொரு கண்ணாமூச்சி விளையாட்டு
சாதுர்யம் குவிந்த மையப்புள்ளியில்
பிணங்கள் விழுந்தது தீயலுடன்
-
இதழ்களில் புன்னகை விரிய
சதம் அடித்த வெற்றிக்களிப்பில்
மட்டையை கிடத்தினேன் பழையபடி
புத்தகத்தை எடுத்த போதிருந்த
ரம்மிய சூழல்
காணாமற் போயிருந்தது

காட்டு மிராண்டித் தனத்தை எனக்குள்
விதைத்தபடி..!
-
----------------------------------
பவித்ரா நந்தகுமார் , ஆரணி
நன்றி: தினமலர் (பெண்கள் மலர்)

அருமை

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

கொசுமட்டை தந்த காட்டுமிராண்டித்தனம்...!

கொசுமட்டை தந்த காட்டுமிராண்டித்தனம்...!

Re: கொசுமட்டை தந்த காட்டுமிராண்டித்தனம்...!