அள்ள முடியும், ஆனால் கிள்ள முடியாது அது என்ன? - விடுகதைகள்

by **அ.இராமநாதன்** Fri Sep 12, 2014 8:36 pm

1) தன் மேனி முழுதும் கண்ணுடையாள் தன்னிடம் சிக்கிய
பேரைச் சீரழிப்பாள் அவள் யார்?
-
2) முதலெழுத்து தமிழின் அடுத்த எழுத்து கடை மூன்று
சேர்ந்தால் ஒரு எண்ணிக்கை மொத்தத்தில் இது வருமுன்
எச்சரிக்கைத் தேவை?
-
3) முதல் இரண்டை இழந்தால் ஒளி இல்லை.
கடை இரண்டை ஐந்தறிவு ஜீவனுக்கு கட்டுவது யார்?
இரண்டும் மூன்றும் திரும்பினால் கடைசியில் நாமும்
அதுவே. முதலும் கடையும் சேர்ந்தால் கை இழந்த பெண்.
மொத்தத்தில் அழகிய பெயராகவும் இருக்கும் நான் யார்?
-

4) பாலாற்றின் நடுவே கறுப்பு மீன் தெரியுது அது என்ன?
-
5) அழகான பெண்ணுக்கு அதிசயமான வியாதி, பாதிநாள்
குறைவாள், பாதிநாள் வளர்வாள் அது என்ன?
-
6) ஆலமரம் தூங்கஅவனியெல்லாம் தூங்க, சீரங்கம் தூங்க,
திருப்பாற்கடல் தூங்க, ஒருவன் மட்டும் தூங்கவில்லை அவன் யார்?
-
7) நடுவழிய ஓய்வுக்காம், கடையிரண்டில் ஏதுமில்லை சொல்,
மூன்றெழுத்தில் உடுத்தலாம், மொத்தத்தில் பெண்கள் விருப்பம்,
அது என்ன?
-
8) கடையெழுத்து மாறிடில் தின்னலாம், முதலும் கடையும்
சேர்ந்தால் குளிரும், மொத்தத்தில் முருகன் இடம், தெரிந்தவர்
சொல்லுங்கள் இங்கே?
-
9) கடைசி வார்த்தையில் மானம் உண்டு, முதல் வார்த்தையின்
மென்மைக்காக இறந்தன பூச்சிகள் காஞ்சியில் நான் யார்?
-
10) அள்ள முடியும், ஆனால் கிள்ள முடியாது அது என்ன?

-
----------------------------------
விடைகள்
-
1) மீன் வலை
2) ஆபத்து
3) கண்மணி
4) கண்ணீர்
5) நிலா
6) மூச்சு
7) பட்டு
8) பழனி
9) பட்டுத்துணி
10) நீர்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

அள்ள முடியும், ஆனால் கிள்ள முடியாது அது என்ன? - விடுகதைகள்

அள்ள முடியும், ஆனால் கிள்ள முடியாது அது என்ன? - விடுகதைகள்

Re: அள்ள முடியும், ஆனால் கிள்ள முடியாது அது என்ன? - விடுகதைகள்