மதுவின் தீமை

by **karumalaithamizhazhan** Sat Oct 04, 2014 11:23 am

மதுவின்   தீமை
                                                பாவலர் கருமலைத்தமிழாழன்

நலமழித்தும்    நற்குடும்ப    நல்வாழ்   வழித்தும்
குலப்பெருமை   தானழித்தும்    கூட்டும் --- நிலத்தில்
வறுமைக்கு வித்தூன்றும் வன்நஞ்சாம்   தீமை
மதுதன்னை   நாம்விடலே   மாண்பு !

நலம்கெடுக்கும்     நற்புகழை   நாளும்   கெடுக்கும்
குலவி   வறுமையினைக்   கூட்டிக் ----- குலம்கெடுக்கும்
என்றறிந்தும்   தீமதுவை   ஏந்திவிட்டில்    ஆவதுவோ
நன்றாம்   விடுதல்   நலம் !

விட்டில்கள்   ஆவதுவோ   வீணாய்   மடிவதுவோ
பட்டினியில்   இல்லந்தான்    பாழ்படவோ ---- கொட்டுந்தேள்
என்றறிந்தும்   தீமதுவை   ஏந்துவதோ நீகையில்
நன்றாம்   விடுதல்   நலம் !

அருமை பாராட்டுக்கள் ஐயா

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

மதுவின் தீமை

மதுவின் தீமை

Re: மதுவின் தீமை