மதநல்லிணக்கம்

by **karumalaithamizhazhan** Sun Oct 05, 2014 12:40 pm

மத நல்லிணக்கம்

   பாவலர் கருமலைத்தமிழாழன்

நற்குர்ரான்   ஓதுகின்ற   பள்ளி   வாசல்
                        நடுவினிலே   தேவாரம்   ஓத   வேண்டும்
பொற்புடைய   பாசுரங்கள்   தேவா   லயத்துள்
                        பைபிளுடன்   இனிமையாகப்   பாட   வேண்டும்
வெற்புயர்ந்த   சிவதிருமால்     கோயி   லுக்குள்
                        ஏசுஅல்லா   புகழ்பாடல்    ஒலிக்க   வேண்டும்
அற்புதமாய்   மும்மதத்தார்   மூவி    டத்தும்
                        அனைத்துமதக்   கடவுளரை   வணங்க   வேண்டும் !

காசிநகர்   ஓடுகின்ற   கங்கை   யாற்றில்
                        காதருடன்   அந்தோணி    குளிக்க   வேண்டும்
மாசியுடன்   ராவுத்தர்   வேளாங்   கன்னி
                        மாதாமுன்    மண்டியிட்டு   வணங்க   வேண்டும்
வாசுவுடன்    மைக் கேலும்   நாகூர்   தர்கா
வலம்வந்தே    தொழுகையினை   நடத்த   வேண்டும்
வீசுதென்றல்   போலதீபா   வளியும்   ரம்சான்
            வீடுதோறும்   கிறித்துமசும்   திகழ   வேண்டும் !

சாதிமதப்    பெயரினிலே   மன்ற   லின்றிச்
            சர்வமதக்   கலப்பினிலே    நடக்க   வேண்டும்
நீதிகளில்   மதத்திற்கோர்   சட்ட   மின்றி
            நியாயங்கள்   பொதுவாக    இருக்க   வேண்டும்
சாதிமதக்   குறிப்பின்றி   ஆண்பெண்   என்ற
            சமத்துவத்தில்   மனிதரென்று    அழைக்க   வேண்டும்
வீதியெல்லாம்    வீடாகி   உறவாய்ச்     சேர்ந்து
            வீற்றிருந்தால்    பகையின்றி   ஒளிரும்   வாழ்வே !

                                    *********

அருமை பாராட்டுக்கள் ஐயா

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

மதநல்லிணக்கம்

மதநல்லிணக்கம்

Re: மதநல்லிணக்கம்